上年7仔一出夾公仔機，小王子已經話要，買冇問題只有一個條件，就係要夜晚瞓覺條片，只要連續一個月冇濕片。
今個月終於成功了，可能有人覺得戒得太遲，但我覺得唔需要迫，逼佢壓力會好大會有反效果，一切順其自然吧！
收埋左個夾公仔機咁耐，終於見光喇！成功了，小王子玩得好開心
！我想禮物都要keep住唔濕片㗎！
2020年5月31日星期日
三絲炒蝦子麵 (內附食譜)
上次見到肥媽炒蝦子麵，但冇睇內容，因為夜要瞓，平時我9點半前就瞓。
今日我又試下炒，做法都係同平時一樣炒法，其他配料就隨你喜歡。
我覺得食來上來有點半伊麵，但麵質就冇伊麵咁淋，比較挺身。
今日我又試下炒，做法都係同平時一樣炒法，其他配料就隨你喜歡。
我覺得食來上來有點半伊麵，但麵質就冇伊麵咁淋，比較挺身。
三絲炒蝦子麵
材料：(2人份)
蝦子麵 141克 (3個)
火腿 3塊
洋蔥 (連皮) 88克 (1/4個)
甘筍 (連皮) 61克
青蔥 適量
水 1湯匙
汁料：
糖 1湯匙
蠔油 2湯匙
魚露 1/2湯匙
水 3湯匙
做法：
1.
青蔥洗淨，切段，備用。
2.
洋蔥去皮，切絲，炒至微啡，備用。
3.
火腿切絲，略炒。(不能炒太耐黏鑊)
4.
甘筍去皮，切絲，用1湯匙水炒至乾水，備用。
5.
洋蔥、火腿、甘筍落鑊炒勻。
6.
滾水落蝦子麵，烚2分鐘。
7.
青蔥、蝦子麵加入鑊，炒至8成熟。
8.
再加入汁料炒勻，即可。
古早味椰檳 (內附食譜)
我唔鍾意食椰絲，但鍾意食椰賓。
我見朱Sir又出左椰賓食譜，而我和老公都鍾意食，所以就整一個喇！
其實，好多年前我都整過一次，但用錯粉發唔起。
今次冇用錯粉，唔止發得起，仲好好食。
明天我與老公既早餐有着落喇！
起初用打蛋器攪，之後我戴左手套，搓下、撻下，我發現撻比較快，而麵糰比搓光滑。
麵糰又係高水份，冇廚師機既就要遂少加水。
古早味椰檳
材料：9cm(闊) x 18.5cm (長) x 5cm (高) #525/45 (型號)
高筋麵粉 140克
全脂奶粉 10克
蛋液 50克
鹽 1克
糖 30克
煉奶 10克
吉士粉 8克 (可以不加)
水或奶 60克
酵母 2克
豬油 15克 (可自行轉牛油/菜油)
蛋液 適量 (入爐前掃面用)
飾面：
黃梅果醬 適量
水 適量
做法：
果醬用最少的熱水來稀釋，就可以。
*無黃梅果醬，可以牛油溶液代替。
椰絲餡：
溶牛油 20克
糖 30克
蛋黃 35克
椰絲 40克
椰絲餡做法：
1.
溶牛油、糖、蛋黃稍為拌勻。
2.
加入椰絲撈勻，放入雪櫃，待用。
做法：
1.
將所有材料加入兜內，搓至初起筋膜。(豬油份除外，麵糰水份較高，手搓要減水份)
2.
加入豬油搓至起薄膜，有伸展性。(想原汁原味用豬油，如不用可轉牛油或菜油)
3.
麵糰整成圓形，放入已掃油的兜內，進行第一次約60分鐘發酵。
4.
第一次發酵完成，在麵糰表面灑少少高筋麵粉，小心取出。
5.
麵糰較窄身向自己，用麵棒一上一下排氣。
6.
將雪硬的椰絲餡平均鋪在麵糰上，底部預留少少不用鋪餡，用作收口。
7.
麵糰由上而下卷，將頭尾向下屈曲，然後掐緊收口。
8.
麵糰長形向自己，用刀在中央切一刀，約一節手指位。(最好用沒有刀齒切)
9.
放入已掃油的模中，進行第二次約60分鐘發酵。
10.
麵糰表面掃上一層薄薄的蛋液。(掃蛋液要輕手)
11.
用170度，焗20-25分鐘。
12.
出爐後掃上黃梅果醬，即成。
2020年5月30日星期六
白味噌麵豉湯 (內附食譜)
好多年前都會想煮既〝味噌湯〞，當時係用紅味噌。
我係吉之島只搵到白味噌，紅的比白的鹹，所以食譜要稍為改動下。
我和老公都好鍾意飲，但小王子試左唔鍾意。
小王子不喜歡飲湯，唯獨 Like 罐頭粟米湯。
白味噌麵豉湯
材料：(2人份)
水 2杯
豆腐 75g
(約1/4磚)
白味噌醬 2湯匙
噌湯配料 適量
做法：
1.
把半磚豆腐切成小正方粒，備用。
2.
煲內注入水，再加入味噌醬攪勻，煲滾。
3.
滾後加入豆腐、湯包配料同煲。
4.
煲滾後熄火，即可。
備註：
味噌湯的特徵是不可重複煮沸，因為味噌再溫熱會喪失香氣，所以最好是煮好後立即享用。
味噌湯（日語漢字：味噌汁，平假名：みそしる）是一種湯料理，一種以豆腐、柴魚、味噌等為材料的湯，即麵豉湯，是日本具代表性的傳統食品，常見於日本人的早餐，是日本大眾化的湯類之一。在亞洲許多國家相當普遍。一般的作法是用味噌加入水中滾開，再加入蔬菜、海帶、豆腐或海鮮等各種材料即可，但青椒、苦瓜、西洋菜及芹菜等蔬菜由於味道濃烈，所以不會用於烹調味噌湯。
味噌湯可以減低婦女患乳癌既機會，味噌湯即日本豆麵醬製成的湯，其主要成分是發酵大豆，另外也包括海藻、豆腐和一些蔬菜。據研究人員表示，多喝味噌湯可以減少婦女得乳癌的機會。
據研究顯示，多吃大豆製造的食物有助減少婦女得乳癌的機會。大豆內含有異黃酮素。這些化學物質在植物內存在，其功能與人體雌性激素相類似。
在日本，人們的飲食經常包括味噌湯。日本國立癌病中心的研究人員長期觀察21,852個年齡在40到59歲之間的婦女的飲食習慣，發現，每天喝三碗或者更多味噌湯的婦女她們得乳癌的機會比較那些每天只喝一碗味噌湯的婦女低大約40%。
負責這項研究的山本精一郎說，進食大豆製品與降低得乳癌機會似乎是有關係的，但是，他們需要作進一步研究才能確定結果。不過，他同時強調人們不要喝太多味噌湯，因為這種湯內含有太多鹽。
日式麻醬凍豆腐 (內附食譜)
今日冇乜肉，所以就整個凍豆腐來吸收下蛋白質先。
老公和小王子都唔食豆腐，所以我一個人食晒！
這個做法超簡單，一個冇可能失手的菜式！呵~呵~
日式麻醬凍豆腐
材料：(1-2人份)
蒸煮滑豆腐 228克
日式芝麻醬 適量
做法：
1.
豆腐倒在碟上。
2.
將芝麻醬淋在豆腐上，即成。
日式炒烏冬 (內附食譜)
原本想用雞扒切絲炒，但惠康冇貨，去街市凍肉檔買又未溶雪，所以都係下次先用。
老公唔喜歡食炒烏冬，但我喜歡食，所以冇辦法嘞！
唔鍾意食炒烏冬，今日lunch都要食~哇~哈~哈！
日式炒烏冬
材料：(3人份)
烏冬 3個
老抽 適量
配料：
火腿 3片
洋蔥 (連皮)
131克
銀芽 220斥
汁料：
味醂 2湯匙
日本豉油 2湯匙
糖 1
1/2湯匙
做法：
1.
汁料撈勻，備用。
2.
烏冬用水喉水沖開。
3.
洋蔥去皮、切絲，爆香至金黃，備用。
4.
火腿切絲，炒一陣，備用。
5.
銀芽下一湯匙水炒至收水，備用。
6.
熱鍋下烏冬，汁料逐少加入烏冬內。
7.
汁料收汁下配料兜勻，再尸加入老抽炒勻，即成。
貼士：
l 炒時一手拎鑊鏟，一手拎筷子。
訂閱：
文章 (Atom)