大澳搵貓貓

今日我放假又再次帶小王子踏足大澳，咁短時間又再去係有原因既。

上次問過小王子，下次我再放假想去邊到玩，佢話再去大澳，因為有好多貓貓，加上在網上見到大澳有間貓Cafe。

可惜，貓Cafe冇開，加上天氣熱，小王子冇心機影之餘，又令好多貓貓匿埋左，有點失望。

我話小王子好似食蘋果咁，佢就即刻叫我影相。

上次話下次入來唔食豆腐花，要食芝麻糊。

我地每樣叫左一碗，因為佢話唔記得芝麻糊咩味，叫我order多碗豆腐花，萬一芝麻糊唔好食，就食豆腐花。

佢只係食剩少少芝麻糊，然後又食左少少豆腐花。

跟住就去影貓貓。

今次食到即整沙翁喇！

除左沙翁都話椰撻好食，所以我都買左一個比老公食。

老公食評係唔好食，佢話味淡，可以話係健康啲，撻皮淋，餡既椰絲係白色，且冇味。

天氣熱同小王子行左去大王公廟外面坐吹下風。

之前買左韓國減肥啫喱剩2包，所以拎埋來同小王子分享，食完小王子話好飽，再食唔到野喇！佢話好好食，問仲有冇~哈哈！

休息完就行去買糯米糍，店內有隻貓。

小王子摸到佢好開心。