焗豬扒飯 (內附食譜)

今晚又跟營養師食譜整〝焗豬扒飯〞，上次整拉麵有粟米剩，所以我自行加左粟米。

我整左1.5份量，鹽水方面維持原本份量，但本人覺得水多，下次可以減份量，或者唔落晒，睇情況落水。

我見咁多水，就將飯炒到乾身一點先入，所以就唔係焗左好耐。

 焗豬扒飯

 食譜來自：營養師的500卡瘦身食堂

 材料：熱量438千卡

豬柳扒                        80克

雞蛋                            1隻

番茄                            1個

洋蔥                            1/4個

蒜頭                            1瓣

白飯                            1碗

鹽                                1/3茶匙

水                                2/3碗

油                                1茶匙

 豬柳扒醃料：

生抽                            1茶匙

生粉                            1/2茶匙

胡椒粉                        1/4茶匙

 

生粉獻：

生粉                            1.5茶匙

水                                2/3碗

 做法：

1.          預熱焗爐180度。

2.          將豬柳扒洗淨，瀝乾，用刀背剁至鬆軟，並用豬柳扒醃料醃好。

3.          雞蛋拌勻成蛋液。

4.          番茄去蒂，洗淨，瀝乾，切件。

5.          洋蔥去衣，切條。

6.          蒜頭去衣，剁碎成蓉。

7.          將鹽加入水中成鹽水。

8.          生粉和水混合成生粉水。

9.          燒熱易潔鑊，下油，將白飯炒鬆，加入蛋液及鹽水，少勻，放在焗碟內。

10.      燒熱易潔鑊，放入蒜蓉，將豬柳扒煎至半熟。

11.      加入洋蔥條及番茄件，炒香，逐少加約2湯匙水進鑊中。

12.      煎至豬柳扒完全熟透，再加入生粉水埋獻，炒勻。

13.      放在炒飯上，放入焗爐焗至表面乾身後，即成。

 小煮意：

l   豬扒只需用刀背敲剁一面，以免豬扒肉質過份鬆弛，以保持豬扒的口感。

l   豬扒只需煎至半熟，再加入番茄及洋蔥一齊煮，這樣，可有助番茄味帶進豬扒中。

l   逐少加入水份煎至豬柳熟透，可保留其肉汁，進食時便不會感到太乾。