手術後牙科覆診

小王子〝剝牙仔手術〞後約左一次覆診，不過，當時疫情嚴重，但又收到通知取消booking，我地照去，點知去到食閉門羹，見到貼左通告關門。

醫生11月頭來電約覆診，今日終於見醫生喇！

診所搬左，但都好易搵，一出地鐵轉左邊就到。

今次好快就見到醫生，不過只準一個人陪入去，當然係我喇！

醫生話小王子有2隻大牙出緊，但大牙唔係十幾歲先出？醫生話呢2隻係6-7歲出的。

小王子有隻牙之前試補的物質已經甩左，今日再補過，仲有2隻牙裂左要補返。

醫生讚小王子今日好合作，3個月後再要覆診。

為了多謝醫生幫小王子做手術，我之前整左〝金桶奶油香草曲奇〞、〝小山園抹茶奶油曲奇〞、〝蔓越莓雪Q餅〞、〝老婆餅〞，我都pack左一啲送比醫生，小小心意，希望佢鍾意。