日式芝士年糕 (內附食譜)

尋日老公同事們來我家，晚餐我上網跟人整左〝日式芝士年糕〞，賣相似，但覺得食落唔似。

我好鍾意食〝日式芝士年糕〞滿心期待，但失望。

今早可能有心事，所以好早就醒左，於是我上網搵食譜又睇片，我自己寫左個食譜。

粉糰我雪左係冰格，今晚等大姪仔仔來我家做我白老鼠先。

晚上5點幾大姪仔來到坐左一陣就炸，不用回溫直接炸。

今次就係我想要的，好搶手好快就售罄，小王子話明天要再整，我心諗明天先算喇！哈~哈~！

製作過程：

• 用什麼味道的片裝芝士都可以。

日式芝士年糕

材料：6粒

芝士                               兩片

糯米粉                           75克

糖                                   30克

滾水                              57克

做法：

1.      將糯米粉粟粉糖撈勻。

2.      分次加入滾水搓成糰，搓至表面光滑。

l   水量多少都要視乎粉的吸水力，自行加多或減少，要睇實際情況。

3.      芝士平均橫切3刀、直切2刀，分成12分。

4.      將芝士片疊起成6份，每份4塊芝士。

5.      糯米糰分成6等份，搓圓壓平放入芝士包起。

l  年糕表面盡量不要有紋，否則炸的時候皮好易會爆開。

6.      盤上鋪上保鮮紙，放上芝士年糕，再用保鮮紙封好。

7.      放入冰格定型，食之前炸至金黃色。

8.      滾油落芝士年糕，炸至金黃色即可。

l   油一定要滾，唔係就會黏底。