豉油皇炒芋絲 Stir Fried Konnyaku with Soy Sauce (內附食譜)

今日晚餐都係自家煮，小王子食麵，之前係吉之島$12店買的，份量對佢來說剛好。

我比左幾款健康食譜佢，佢揀左喜歡的芋絲。

這個好快就完成，老公都話好吃，但食到最尾有點鹹。

不過，老公食完話等於冇食，我就OK，因為平時夜晚我都冇食野。

書中都有提芋絲所含碳水化合物極低，可能加入半碗粉絲，做成一道充滿活力又低卡的鴛鴦麵。

製作過程：

• 我用左蝦乾，略切碎，因為冇蝦米。

豉油皇炒芋絲 Stir Fried Konnyaku with Soy Sauce

食譜來自：營養師的500卡瘦身餐

材料：(1人份，182千卡)

芋絲                    10紮

三色椒                各1/4個

金菇                    1/2包

蝦米                    1湯匙

XO醬                   1茶匙

調味料：

生抽                    1茶匙

老抽                    2茶匙

做法：

1.          拆散芋絲，洗淨，瀝乾，備用。

2.          蝦米洗淨，浸於水中至軟身，瀝乾，備用。

3.          三色椒洗淨，瀝乾，切絲，備用。

4.          金菇切去根部，洗淨，瀝乾，拆散，備用。

5.          鮮辣椒洗淨，瀝乾，去籽，切粒，備用。

6.          燒熱易潔鑊，炒香三色椒絲，盛起。

7.          燒熱易潔鑊，下油、蝦米和XO醬，放入芋絲和金菇輕炒，加入調味料，炒勻，將金菇炒至軟身後，下三色椒絲和鮮辣椒粒，炒勻，上碟，即成。

小煮意：

l   三色椒不能炒太久，才可保持顏色鮮艷。

l   芋絲熱量較低，建議伴以泡菜肉碎蠔仔湯飯 (見頁66) 同吃。

l   芋絲不用出水或瀝乾太久，拆散後繼續泡在水，以免質地變靭。