牛気※果欄

前日見Facebook有人post果欄既相，我都好想去，我好鍾意食生果。

我同老公講完佢居然話去，咁就嚟緊既星期六去，我跟手搵下食咩。

當晚都冇頭緒，我偏食，但有多野都會，老公冇我咁偏食，但好多大路野佢都唔食。

第2日有時間又去Openrice睇下，本想去雅蘭中心牛角，但打極都冇人聽。

我見到有牛気記起N年前有朋友話都OK，見到有我最重要既雪糕。

我唔理係Openrice apps book左位先，再通過apps通知老公，當然再跟多個電話比佢喇！

當日出左地鐵站去到雅蘭中心上到1樓都唔見間舖，跟住老公睇Google map，話係山東街入。

我地又走返落去，就係咁變左唔準時到達了。

牛気而家凡惠顧90分鐘牛市放題激減$40，小朋友都有此優惠。

我以為呢到雪糕係乳酪雪糕，但又未至於普通款，雪糕中帶冰粒，如果係乳酪就仲開心囉！

豆腐花超滑~讚，其他甜品都係一般般喇！

食食下抬頭望下，裝修都OK啵！

另外，係飲品雪櫃旁仲有即棄圍裙供食客使用。

差不多夠鐘就同小王子去整棉花糖，係要自己動手整。

小王子想睇，我就單手抱起佢，另一隻手就整，仔~你大左好多架喇！媽Mi好攰丫！

人生第2次整，整到好似磨菇咁，小王子話似傘，佢咁樣我立即諗起龍貓等巴士。

之前都落毛毛雨，食完就冇雨了，老公話食飽就行去果欄。

果欄都多人，但冇之前咁多。

最衰老公唔食榴槤，我好想食丫！

最後買左呢啲。

食完野行去果欄途中見到有間韓國超市，去完果欄返轉頭入貨。

Market Wholesome

地址：九龍油麻地彌敦道539-539A寶寧大廈地下

電話：2388 1899

返到屋企緊係生果餐時間喇！