白汁蘑菇火腿意粉 (內附食譜)

尋日問小王子今日煮意粉好嗎？佢話好，要食白汁意粉。

咁我就用我多年前寫的〝簡易白汁〞食譜來煮。

我平時煮意粉係用意粉量器，一下只忘記磅下意粉有幾重，下次一定要記住。

今次個白汁用唔晒，星期四小王子又話要食白汁螺絲粉，咁就用埋佢。

好在2個老闆都讚好味！最開就莫過於此。

白汁蘑菇火腿意粉

意粉材料：2人份

意粉                  1.5人份

白蘑菇              106克

火腿 (4方)       2片 (45克)

白汁                  適量

白汁材料：(2人份量)  

洋蔥 (切細粒)      32克

麵粉                         2湯匙

水                             200毫升

鮮奶                         236毫升

花奶                         2湯匙

牛油                         25克

鹽                             少許

白汁做法：  

1.        麵粉用牛油略炒，加入水、鮮奶、花奶炒勻。  

2.        將麵粉炒至冇粉粒，再加入洋蔥和鹽炒至〝杰〞。

l   〝杰〞度隨個人喜好。

意粉做法：

1.          火腿一開三，疊起再切成長條，備用。

2.          白蘑菇切片，備用。

3.          滾水烚意粉，備用。

4.          略粉火腿盛起，備用。

5.          白蘑菇炒至軟身盛起，備用。

6.          鍋加入意粉略炒，加入白蘑菇和火腿炒勻。

7.          加入白汁炒勻，即成。

l   如汁太〝杰〞，可以加烚意粉的水去調節。