沙嗲肥牛金菇粉絲煲 (內附食譜)

今朝帶小王子去晝晝前，我問老公未來幾日想煮咩？

老公話金菇肥牛，我話金菇肥牛卷？佢話求其炒埋一碟就可以。

咁我就整個沙嗲肥牛金菇粉絲煲比佢嘆下，之前整左個〝自製沙嗲醬〞都未用。

整完原煲上，我係廚房洗緊碗，老公突然話知道差啲咩喇！

佢話差辣椒丫！小王子唔食，我立即去加番啲辣椒先。

沙嗲肥牛金菇粉絲煲

材料：2人份

肥牛                  半磅

洋蔥                  65克

粉絲                  一包 (細)

沙嗲醬              2湯匙

魚露                  2茶匙

辣椒                  1條

做法：

1.          洋蔥切絲，備用。

2.          粉絲浸軟，係頭和尾的孤位各剪一下，隔去水份，備用。

3.          辣椒切粒，備用。

4.          炒香洋蔥絲，加入肥牛炒至8成熟。

5.          加入沙嗲醬、魚露、辣椒炒勻。

6.          加入粉絲炒勻，熄火。

7.          蓋上蓋焗2分鐘，即成。(蓋蓋係令粉絲焗淋)