碎豬薯餅 (內附食譜)

之前營養師寫左餐單比我，用剩左個薯仔，所以今日就攪攪新意思。

雪櫃又有肉碎，再加上薯仔就整個碎豬薯餅。

這個最花時就係浸到薯絲變清水，我都浸左4轉水先清。

小王子唔鍾意食，因為有肉。 

老公話鍾意話好食，薯仔爽又脆，佢話可以當主食。

食一底都夠飽了，唔好意思，我都煮左飯，你要食埋飯。

碎豬薯餅

材料：24CM直徑平底鑊

薯仔 (連皮)               256克

豬肉碎                        143克

鹽                                1/4茶匙

豬肉調味：

豉油                            1/2茶匙

糖                                1茶匙

水                                1湯匙

粉漿：

蛋 (連殼)                   1隻 (61克)

普通麵粉                    3湯匙

粟粉                            1/2湯匙

水                                1湯匙

做法：

1.          豬肉碎用調味料醃15分鐘或以上。

l   可以早一晚醃。

2.          薯仔去皮，刨絲。

3.          薯絲用水和鹽浸20分鐘。

l   水浸過薯絲。

l   鹽防止薯絲氧化。

4.          20分鐘後隔去水份，用水喉水沖下，再用水浸薯絲。

5.          重覆步驟3-4至水清。

l   浸至水清是想去除薯仔的澱粉，令到薯絲更爽口。

6.          用手捏乾薯絲水份，用廚房紙吸去水份。

7.          盤上鋪上廚房紙，倒入薯絲鋪平，放入雪櫃雪1小時。

l   不用蓋住薯絲，放雪櫃想用雪櫃幫手去除水份。

8.          豬肉炒熟放涼，備用。

9.          薯絲、熟豬肉碎、加入粉漿內攪勻。

10.      平底鑊，燒熱油鑊，用中小火煎3分鐘。

11.      鑊邊加油煎1分鐘。

12.      用碟放在平底鑊上，用手按住，再反轉。

13.      加浀，倒回鑊中，煎2分鐘，即成。