九龍海逸君綽酒店

今年老公生日都係去Staycation慶祝，因為疲情還未過，所以仲未可以去旅行。

老公係網上睇到〝海逸君綽酒店〞集團，住宿費可以係酒店消費抵消$1000-$1500，視乎該間酒店而定。

我選擇左紅磡的〝九龍海逸君綽酒店〞，因為我覺得交通、購物或搵食都比教方便。

現在仲未有晚市，我訂左酒店Lunch Buffet，咁就可以用住宿費抵消Lunch Buffet的錢。

不過，我都未知住宿費夠唔夠抵消晒，就算唔夠都應該唔駛補太多錢。

之前我問過酒店，未取房可唔可以食左Buffet先，又或者check out當日先食，通通都可以，如未取房的話去前台講聲，在食完之後去取房，去返餐廳通知職員你的房號就可以了。

老公生日，餐廳和酒店都會各自送一個蛋糕。

入住前我都收到酒店的email，問老公生日日期和其他住客資料，我都同佢講埋Buffet的問題和可唔可以late check out，佢地都好快回覆。

我地11點幾就到，因為Lunch Buffet12點開始，首先去左front desk攪check-in，雖然未有房號做左其他手續先。

我辦緊手續，見已經有人排緊隊等入場，叫老公和小王子都去排隊。

我有問職員明天可否late check-out，佢話要明天打落去問，因為房間都比較full。

我一入到去就係去影相先，尤其係甜品，未被人食之前有個靚樣。

熱盤

我影影下見到老公，原來佢第一時間幫我去拎生蠔。

我喜歡呢到用罐裝，而且有No Sugar，我都可以飲。

小王子食左碗麵，係清湯的，仲叫左少麵。

雪糕款式有好多選擇。

雪糕果到仲有格仔餅，不過好快冇晒。

老公最欣賞就係小籠包，佢話好食，我就覺得一般喇！

其他野食。

我地食到尾聲想走既時候，突然送個cake來，我地都食左忘記左有件cake。

我地唔食朱古力蛋糕，而且食到飽，我都食左一件，因為拎到來一啲都唔食好浪費，老公就試左一啖仔。

今次住尾房，入到去有條小走廊先入到房，我覺得幾高級咁，老公話呢到尾房設計，配合返棟樓。

我地都睇到少少海景。

我地係房hea下，等到晚飯時段就出去搵食，然後買返酒店食。

跟住就到飯後甜品，酒店送左呢個蛋糕比老公，好似之前〝小王子生日之旅@澳門 Day 1〞酒店送的蛋糕，上次佢一個人食晒，今次佢食左少少咋！佢話冇澳門果個咁好食。

第2日，早上8點幾打左去front desk問可唔可以late check-out，佢回覆可以推遲到12:30，即是多一個鐘。

9點鬆啲就聽到引擎聲，我行去窗望出去，嘩！有好多靚車啵！

大家都起身了，睇下小王子幾嘆！

執好晒行李就落去大堂，老公去寄存行李，而我就去check-out，住宿費抵消左尋日既Lunch Buffet之後仲有剩幾十蚊，餘下的錢冇用埋，應該都唔夠飲杯野喇！

之後我地就去吉之島，因為家中的平底鑊要報消，尋日睇中set廚具，仲有心大心細，老公話用消費卷嘛！咁樣我就帶左佢返屋企喇！