早2個月同家人去過〝有型農莊@2‧2022〞露營，跟住就再傾好4月再去，而且仲訂好場地添！
我地原本去2日1夜，後來變左3日2夜，而肥阿哥就變左4日3夜，往下睇就知道為何。
今次表姐都同我地一齊去，仲帶埋佢隻愛犬添！
出發日期前幾日，突然收到肥阿哥what's app，佢想早一日入營，即3日2夜，因為復活節假有3日連假。
我立即與營主聯絡，但場地都爆，加上肥阿哥個營都比較大，所以佢要再計算一下再覆。
由於疲情，營主應該收人都不太多，所以肥阿哥可如願了，佢一家四口早一日入營。
肥阿哥紮好營就影左幅相比我地睇。
終於等到我地入營喇！小王子期待今日很久了，因為可以與表哥們一齊放題打機。
我一家冇食午餐，入到去先食，因為尋日肥阿哥通知，營主話我地可以12點就入營，正常係2點既，結然肥阿哥同營主混熟左，咁下次可以肥阿哥book場地喇！
紮好營後，我就開動整野食了，小朋友仲同其他營友既小朋友一齊玩添！
第一個係〝蔬菜煎餅〞，都係整左原食譜1/3的份量，因為怕唔多人食，點知！我都係食左少少咋！
小朋友多多表情。
次次都想買生果，但都冇咩好買，見到有士多啤梨就買左。
尋日整左個〝簡單瑞士卷〞for肥阿哥，佢鍾意食卷蛋，又整左〝藍莓焗原味芝士餅〞for肥細老和阿B，佢地鍾意食芝士，當然大家都好滿意。
小朋友可以一齊打機了。
緊係要同表姐隻愛犬影下相，佢仲有身分證架！見到嘛？
果次去覆診見到零食店有就立即買下，真係童年回憶，又一暴露年齡系列。
我帶左朱古力去，天氣熱有點溶，表姐和肥阿哥飲酒，佢地可以用來送酒。
尋晚肥阿哥飲左酒食唔落野又早瞓，阿嫂就整尋晚未食既野比佢送酒。
小朋友多左個項目玩，就係玩狗，佢地玩得好開心，但小王子唔敢抱起牠。
營主整左個窯爐，尋日肥阿哥已經呃左個包返來，估唔到今日又呃番薯和Pizza，我話佢又呃飲呃食，哈~哈~哈~！
今日開檔做小販~哼！我整左魷魚和牛栢葉配〝自製沙嗲醬〞，大家都好鍾意個醬，用剩個醬表姐拎左回家。
咁緊係唔少得小朋友喇！整幾串魚蛋先。
跟住我又整〝迷你火腿菠蘿Pizza〞！尋日已經整好麵糰，營地又有雪櫃，食前1-2小時前拿出回溫就可以。
我用一個麵糰整2個Pizza，所以個底好薄，個個都讚好味，而且個底好脆，真係唔夠食，下次要整多一個。
由於我用平底鑊整，所以表面要動用火槍燒。
夜晚了，肥阿哥立即起火，飲住酒對住個火~幾好feel。
今次我都買左塊燒烤板，但與肥阿哥有點不同，雖然大家都係韓國出，但我個底係冇4條坑，所以間中用緊我都會跣走，所以我焫到手起水泡。
我負責串燒部。
阿嫂就煎野食，菠羅仔燒左超甜~好味。
尋晚肥阿哥和表姐飲酒傾計，佢地突發期想住多日，咁我地都OK既，不過今日就要外出補給。
今日早餐食和牛漢堡和手打漢堡。
今早7點幾我就起身預備，大家尋晚都夜瞓，所以都未起身，不過，肥細佬就冇瞓過，因為佢話好熱。
我係家拎定包紙用包住漢堡等大家食既時候方便啲。
天氣太熱，肥阿哥立即起個天幕等大家可以乘涼。
食完個早餐就出發去補給，肥阿哥揸車載我地出去。
今日午餐就買外賣，而我就食粟米片做午餐，但唔係好飽，但有食啲小食。
晚餐補給左少少，加埋之前剩返既物資，咁就一餐。
我都整左〝印尼沙嗲醬〞，阿嫂和肥細佬覺得用〝印尼沙嗲醬〞點黃金洛餅話好夾。
第3日，早餐就簡單一點，食完就要執野走人。
沒有留言:
發佈留言