復活節深圳2023@Day 1

Day 1：福田口岸→卓悅匯→深圳北站

今年復活節會北上玩，仲要係老公舊同事深圳的家住幾日，最後一晚就住酒店。

這6日旅程我已寫好行程，做好資料搜集，期待已久〝復活節〞之旅開始了。

我帶小王子係上水與老公和他的同事會合，由福田口岸過關。

矛錯同埋老公同事，因為老公同事與舊同事是一對的，以前3個都係同事。

晚餐去卓越匯開餐，舊同事放工就過來，當然比我地早，而且攞飛排隊中。

我係高德地圖睇係上梅林站L出口就到，但搵唔到，問左人教我地係C出口行過去。

卓悅匯有與Youtuber〝西DorSi〞合作，只要到商場B1層的前台，出示回鄉証就取得優惠卡，填問卷可以有禮物飛碟或天線得得B的袋，第10條記得填西DorSi。

姜虎東白丁食韓燒，上次來已經想試，但係太多野想試，未排到，其實，有好多分店。

朋友係美團有團購，所以叫左個餐，樣樣野都好好食，我地食得好開心。

前菜住食，煎餅reorder左好多次，芝士和雞蛋都係任食。

姜虎東白丁

地址：梅林路48號卓悅匯購物中心南區6層611

營業時間：1130-1430, 1700 - 2200 (Mon-Fri)、1130 - 1500, 1700 - 2200 (Sat - Sun)

車程 (12.1分鐘 CNY3)：福田口岸站→上梅林站

姜虎東招牌2-3人餐：調味牛排、刀鞘五花腩、炒年糕、辣五花石鍋拌飯，仲有2罐飲品冇影到。

牛五花，是另外加的。

食物來齊就緊係大合照喇！

食飽周圍行下，見到有我鍾意既冰糖葫蘆，唔係唔食吖嘛！

我自己試下用AlipayHK付款，因為有3日朋友要上班，所有野要靠自己。

點知我付款失敗，但老公成功啵！咁就掂嘞！

買左一串草莓冰糖葫蘆，食完想再食，又買左一盒5串，草莓、山楂、青提。

老公讚青提好食，我就覺得全部都好食。

蜜語日記冰糖葫蘆

地址：卓悅匯購物中心負二層(面包新語對面)

營業時間：1000 - 2200 (Mon - Thu, Sun)、1000 - 2230 (Fri - Sat)

我周身骨痛左個幾月，一直想去按摩，今晚就夢想成真了。

原本去超市行個圈，但按摩店叫我地10:30前到，因為店收12點，所以立即取車回去。

朋友渣車回家去，男的回家，泊好車後，女的打車去按摩。

今次我成功用AlipayHK付款，我地選左用精油按摩。

這間是係小區，所以要去就要打車去。

按摩前會幫你洗腳，然後上房，全程真係很舒服，而且店員很體貼。

純泰 Chun Tai

地址：龍華區民治街道北站社區東泉新村5棟101一樓街鋪 (蠔之味隔壁)

電話：18033072880

朱古力杯子蛋糕 (內附食譜)

上星期整左〝紙杯小蛋糕〞小王子好鍾意，第2日早餐佢仲食左3個添！

佢仲拎左2個回校與他好朋友每人一個分享。

點知！有個同學仔見到都想食，所以小王子就將自己的比左同學。

佢地都讚個蛋糕好味。

今日整朱古力味杯子蛋糕，其實，我地一家三口都唔食朱古力蛋糕。

小王子而家每樣都會試，尋日問左佢話OK，所以我先整。

我就年紀大左，以前唔食既野而家會食，有啲都會試下。

今次自己整既朱古力蛋糕緊係要試，以前一啖都唔會試。

老公就一誠不變係唔食既。

蛋糕又係好鬆軟，而且唔甜，有朱古力味。

小王子放學回來已食左2個，然後3個明天帶回學校。

製作過程：

• 我照時間用細火加熱油，夠鐘油有百幾度，所以我放涼到85度先用，我諗應該用最細火加熱。
• 油加入粉類中，起初都是稀，只是攪耐啲就同短片一樣會杰身。
• 我用的紙杯是上徑7.3cm、下徑6.2cm、高5.6cm，做到11個。
• 我冇睇清楚，原來仲要一隻全蛋，所以冇室溫就用，全蛋是凍的都做到。

朱古力杯子蛋糕

食譜來自：https://www.youtube.com/watch?v=NkSFD0g-B30

材料：大約可做13杯

蛋白                              3隻

糖                                  40克

油                                  45克

低筋麵粉                      35克

可可粉                          15克

煉奶                              30克

蛋黃                              3隻

全蛋                              1隻

做法：

1.         低筋麵粉、可可粉混合過篩。

2.         細火煮油2分20秒，關火，油溫85度。

3.         油倒入已過篩低筋麵粉、可可粉中，撈勻。

4.         加入煉奶撈勻。

5.         加入蛋黃、全蛋撈勻。

6.         糖分3次加入蛋白中，打發至乾性發泡。

7.         將一半蛋白分2次加入麵糊中，輕手撈勻。

8.         麵糊倒入剩低蛋白中，撈勻。

9.         麵糊倒入紙杯中，約6-7成滿。

10.     入爐前噔幾下，每一個分開少少。

11.     用120度，放中下層，焗45分鐘。

12.     轉150度，焗15分鐘。

13.     關火焗5分鐘。

14.     出爐噔幾下。

15.     烙印用明火或火槍都可以，大約燒30幾秒。

16.     然後印在蛋糕表面。

紙杯小蛋糕 (內附食譜)

今日係小王子第二次考試的第一日，所以整蛋糕，再加伊貝烙印去為他打氣先。

等佢又拎啲回校與同學分享，因為小王子有個同學仔話我整既蛋糕好食。

蛋糕好軟，壓扁左就立即回彈，唔扁。

不過，蛋糕老公一定唔like，因為咬落去真係一陣風就冇左。

小王子食左一個，過一陣就話要食，但就食飯，所以唔準食。

佢覺得蛋糕好淋、好軟，仲甜。

我覺唔甜，仲隱約有少少鹹味。

製作過程：

• 我又係用荳奶代替純牛奶。
• 用白醋代替檸檬汁。
• 打蛋白時要座冰打，下次雞蛋直接係雪櫃取出就可以。
• 油和荳奶混合到好似湯表面有油一樣。
• 蛋白我打到中性和硬性之間，有小灣勾，但又可以企立。
• 原本將麵糊倒入杯中再倒入小紙杯中，但好難倒，最後都係用唧袋。
• 麵糊冇視頻咁滑，表麵有好多細氣泡。
• 唧麵糊時表面會留下痕跡，我以為焗既時候麵糊會回落，但係冇，所以出來的蛋糕表面都有一點凸起，所以記得將麵糊整平才入爐。
• 每杯麵糊約7成滿就可以。
• 我的紙杯：直徑7.5cm 高5cm，也做到14杯。

紙杯小蛋糕

食譜來自：https://www.facebook.com/watch/?ref=saved&v=590582539587419

材料：14杯

雞蛋                  3隻

玉米油              35克

純牛奶              50克

低筋麵粉          55克

細砂糖              30克

鹽                      2克

檸檬汁              2滴

做法：

1.         用細蛋抽把玉米油、純牛奶乳化均勻。

2.         一次過篩入低筋麵粉，用細蛋抽把麵糊大致攪拌到無粉狀態。

3.         加入3隻蛋黃，把麵糊攪拌刑細膩光滑無顆粒。

4.         蛋清加入鹽和檸檬汁，座冰水裡面進行打發。

5.         先低速打發至大泡泡，細砂糖分3次加入。

l   第一次出現大泡泡的時候，加1/3糖。

l   第二次出現綿密的小泡泡，加1/3糖。

l   第三次出現明顯紋路時，加入餘下的糖。

6.         接着打蛋器一直開高速打發，可以把打蛋頭傾斜一點，讓它沿着盆壁打。

l   這樣可以使整個盆裡的蛋白都均勻的受到打發。

7.         用蛋抽檢查蛋白狀態，要比戚風軟，比蛋糕卷要硬。

8.         取一半的蛋白霜到蛋黃糊裡面去，用細蛋抽大致先攪拌均勻。

9.         再把蛋黃糊全部倒回蛋白霜裡面去。

10.     用妯蛋抽先大致的攪拌均勻。

11.     接着用刮刀把盆旁邊有一些刮不到的地方刮出來，繼續攪拌均勻。

l   攪拌好的麵糊是很細膩光滑的。

12.     然後攪拌好的麵糊裝到裱花袋，擠到小紙杯裡。

13.     用130度，放中層，焗40分鐘。

14.     轉上火150度，下火130度，焗10分鐘。

15.     然後印上喜歡的烙印。

Soft Chocolate Chip Cookies (內附食譜)

這個星期四開始小王子考試了，所以補習老師安排左尋日一放學就去補習，而考試日子就改早啲到補習社溫書。

為了答謝補習老師，尋日整左這款曲奇。

除了請補習老師外，仲會與補習社朋友仔一同分享。

小王子補習回來吃了一塊，佢非常讚，仲要帶一點明天回校與同學分享。

好在我抽起了4塊待老公明天拿回公司請同事，現在唯有比晒小王子。

由於我近日肥左好多，所以尋日食特別餐，唔好可破介，故此曲奇今日先試味。

曲奇本身是軟身，但外圍是脆，又唔太甜，食既時候咬到一粒粒的糖，真的好味。

製作過程：

• 粉類沒有過篩。
• 我一並盤左3盤，整左19塊，每塊約30-36克。
• 一次焗2盤時，一盤放最高，另一盤放倒數第三層，用175度，焗10分鐘，再上下調轉焗多3分鐘出爐。
• 單一盤就放中層，用175度，焗10分鐘出爐。
• 麵糊好黏手，但焗第3盤時放耐左，麵糊不黏手。
  
• 曲奇出爐極軟身，但放涼後表面就會變硬。
• 想曲奇表面好似相咁出，就要焗之前放在表面，唔係就唔顯眼，但有個問題就係咁樣朱古力會溶溶地，要小心弄髒手。

Soft Chocolate Chip Cookies

食譜來自：https://www.facebook.com/watch/?ref=saved&v=6117498158270694

材料：

無鹽牛油 (室溫)                   1/2杯 (115克)

砂糖                                       1/4杯 (50克)

紅糖 (Brown Sugar)              1/2杯 (100克)

蛋                                           1隻

雲呢拿香油                           2茶匙

麵粉                                       1 1/2杯 (190克)

梳打粉 (Baking Soda)           3/4茶匙

鹽                                           1/2茶匙

入爐朱古力粒                       1杯 (160克)

做法：

1.         無鹽牛油、砂糖、紅糖用電動打蛋器，打至順滑。

2.         加入蛋、雲呢拿香油繼續用電動打蛋器打至混合。

3.         麵粉、梳打粉、鹽攪勻，加一半入 (2)，繼續用電動打蛋器打至混合。

4.         加入餘下的粉，用電動打蛋器打至混合。

5.         最後用膠刮混合一下，然後加入入爐朱古力粒，用膠刮拌勻。

6.         取適量麵糊搓圓，放在已舖烘焙紙的焗盤上。

7.         用175度，焗10-12分鐘。