Day 1 ：天虹商場→愛焙路→金光華廣場→酒店→萬象食家→笋岗文具→壹方天地酒店
今次約埋老公同事們一齊北上，不過佢地只請左半日假，而老公就請全日，因為要上來辦點事。
晚上會一齊食晚餐，然後一齊展開旅程。
今日又係7點幾就出門口了，因為老公上次係中銀開唔到戶，以為之前取消戶口的手續未辦清，但原來老爺話根本就冇取消戶口，真係激死。
我地今次好早9點鬆啲就到左酒店附近的中國銀行~國貿支行，果到有職員懂廣東話，而且服務好好，仲幫老公綁微信，登錄中銀app，上次係分行好忙要自己攪，但app我仲未登錄。
職員話如果10幾有3個職員會快啲，現在人手不足，所以會耐啲。
中国银行深圳国贸支行
營業時間 (個人服務)：0900 - 1700 (Mon - Fri)、0900 - 1600 (Sat)、周日不辦理
地址：深圳市罗湖区南湖路3002号国贸大厦B区首层106单元部分及管理处用房
備註：地鐵國貿站C出口是最近，與商場連接，但要行2-3條樓梯，最後先有條扶手電梯上商場，然後轉右邊就會見到中銀個牌，牌下面有間Starbucks，係右邊門口入就是中銀。
如有行李就要行B出口了，老公抬20吋喼行左幾條樓梯。
老公整緊既時候，我就同小王子去〝愛焙路〞，終於來到了。
〝愛焙路〞是在網上落單，然後送貨，要付運費，也送香港，東鐵沿線，但唔知去到邊個站。
我就喜歡親身上去睇實物，上次已在微信溝通過，現場都有少許現貨，但不齊款。
愛焙路
營業時間：0900 - 1830
地址：深圳羅湖天安商業大廈B座17樓1702室
備註：國貿大廈內的Starbucks對面門出，落幾級樓梯，背住大廈轉右邊，直行對面馬路見到〝沪溪河〞就過去，轉右邊有間〝中國移動〞，行入去暗行巷仔(有陽光不用怕)，直行就大廈內的馬路，過對面就是〝天安商業大廈〞，對住入口是A座，左邊有個入口是B座，兩座大堂是相通的。
我打開門似工場，所以我諗應該好少客人會上來。
我望左一陣有位女職員出來招呼，我表明來意，她就向我介紹。
她給了〝生酮巴斯克蛋糕〞試食，我說不用試食，但她承意拳拳，不好意思試食了。
小王子試左很喜歡，但擺得唔耐，所以冇買。
我問有什麼糖？
有4款，她給了我試：生酮杏仁太妃糖、無蔗糖低碳雪花酥、生酮生椰拿鐵太妃糖、生酮夏威夷果仁咖啡牛軋糖
後來也給了我〝Oreo蛋卷〝，她說連Oreo都是自家製的，其他蛋糕用的餅乾也是自家製~利害。
小王子食緊〝生酮巴斯克蛋糕〞，我將這張相發給朋友，她問我小路在嗎？我不知道。
後來睇番上次朋友在微信發小路卡片給我，卡片相與剛才的職員一樣樣，原來她就是小路，老闆娘是也。
等緊執貨，小王子等到好悶。
臨走仲送左〝芝士條〞和〝冰奶酩司康〞給我。
店家真的好人，老公話你買左咁多野緊係好喇！唔係啵！我未買已不停叫我試食。
生酮夏威夷果仁咖啡牛軋糖 (右上)：2磅
生酮生椰拿鐵太妃糖(右下)：1磅
無蔗糖低碳雪花酥 (左上)：1磅
生酮杏仁太妃糖 (左下)：2磅
以上是我買的~1千蚊鬆啲，未計買比朋友的，黃色果袋係買比朋友的，白色是我的~全是糖。
老公銀行辦完事上來搵我，再一齊去酒店放低行李，落樓行過對面就是酒店，真方便。
我問左酒店，房間的冰箱夠凍和容得下我的糖嗎？她建議放在酒店冷藏，簽好協議書暫時就由酒店保管。
我估唔到11點幾就可以check-in，仲可以揀低層和高層，緊係高層喇！
酒店已有多年歷史，所以房好大。
深圳富苑皇冠假日套房酒店
地址：深圳市罗湖区南湖路3018号
今次不用熨衫就有熨斗，而且有部熨褲機，USB插頭全都在左邊床頭。
訂房時已問左房間有冇浴缸，酒店電郵回覆是有的。
房太大，小王子玩到唔想走，但約左朋友，要出發了。
泰白米泰國餐廳
營業時間：1000 - 2200
地址：萬象食家L5-509號商鋪
坐低一陣就送上蝦片，然後再飲品，全都是免費的，但問完之後飲品上的泡泡自動毀滅了，唯有等朋友來補影。
我係美團點左〝308雙人餐〞。
海鮮大咖冬陰功湯 (2人份) ¥98
炭燒豬頸肉 ¥79：好香炭燒味。
招牌咖哩牛腩 ¥108：唔辣帶點甜，小朋友都食到。
三巴醬炒四季豆 ¥49
冰鎮士多啤梨：呢個團餐冇，可能係送的。
甜品：又係不在團餐，應該都係送的。
泰式菠羅炒飯 ¥79：小王子點的，飯煙靭，老公都食左好多。
朋友叫職員打包剩下的2-3塊蝦片，職員立即話係大眾點評出Post就可以送蝦片了。
我不懂，不怕職員幫我代勞~得左。
正當我想影相時，小王子又話要影。
食完飯都2點幾，小王子指定要去笋岗買文具，拿拿淋行去，因為朋友車我地去下站，但她3點要回公司開會。
小王子上次應承左同學買鉛芯筆比佢地，但今次沒有，唯有買擦子膠。
上次格價後，呢間係最平，係最高果層。
任務完成立即返去萬象食家取車，小王子可以坐副駕位，有車坐佢就最開心。
最後朋友都係係白石龍地鐵站放低我地，因為已經3點了，我地真係唔好意思。
我地搭多幾個站去〝龍華〞，行過見到入去入下貨先，天氣太熱買凍飲。
零食總管
地址：人民路與龍華和平路交叉口東南 (龍華站A口)
老公同事們放半日假，酒店Check-in再去食lunch，晚上約左係呢到食晚餐，所以現在就在這活動了。
壹方天地
地鐵龙华站 (A出口)
本來同事都話一齊玩，但係佢地要去食魚，所以趕唔切來，唯有我地一家三口玩。
朗玩·轰趴馆‧保龄球‧电子游艺 (肆跑+)
營業時間：1000 - 0200
地址：人民路壹方天地C區4層
上次唔夠時間玩，今次一齊放電3小時。
職員教我地大人係美團買 ¥ 118/人，小童就係店買。
職員仲話平日12點前仲可以優惠價 ¥ 58/人玩3小時。
入和走都要在閘掃碼，一入左去就唔可以出，店內有小吃店，但玩全日唔知可唔可以自己進出，下次問下先。
場內有這些野玩。
Locker是免費的，用Face ID系統自動派Locker比你，免keep key和存根，好方便。
一個人可以開多過一個，我戴住Mask開Locker都可以。
入閘直行就見到有呢啲。
直行右邊就有，每項都有寫使用時間，不過，今日沒什麼人，所以沒有限時。
入門口的左邊就有K房，同老公都唱左幾首歌，國內小朋友唔可以去唱K的，呢到就啱了，得閒就入去唱下，小朋友就係外面玩，小朋友想唱又可以唱。
K房外面仲有其他電玩，洗手間就係K房最後~乾淨。
上次去卓悅中心買晒，今日買到抺茶味了，頭先去Round 1前已買，寄存在店家，3小時後來取，今晚同朋友一齊食。
KUMO KUMO
營業時間：1000 - 2200
地址：壹方天地C區L2層048A號商舖
經過戲院見到緊係入去睇下喇！
我地被安排坐左係雀籠內，枱上的酒要付款的。
南京大牌檔
營業時間：1100 - 1400、1700 - 2130
地址：壹方天地A區1層 (行出去室外的位置就見到)
美團買團餐〝558元4-6人餐〞
鹽水鴨 (中份) ¥ 56：以為白雪雪唔好食，點知入味啵！
南京素什錦 ¥16
麻油素干絲 ¥26 ：這個不好吃，好鞋。
老坛醬香肉 ¥28：小王子都讚。
牛腩粉絲砂鍋 ¥32
招牌呴油鱔糊 ¥78
王府泡椒雞 ¥32
雞汁白魚 (半條) ¥78
大牌鴨血旺 ¥58
蝦仁玉帶絲瓜 ¥36
江南水鄉一桶鮮 ¥42
酒釀赤豆元宵 ¥18
老南京酸梅湯 ¥38
大果盤 ¥50
天王烤鴨包 ¥ 24：好食，團餐有，食完再叫多2籠。
食完見到，立即入去買2包先。
良品鋪子
營業時間：0900 - 2230
地址：壹方天地購物中心A區B1-052
今次好特賣冇咩啱。
好特賣 HotMaxx
營業時間：0900 - 2200 (Mon- Thu, Sun)、0900 - 2230 (Fri - Sat)
地址：壹方天地購物中心A區B1-001B鋪位
回到酒店去左其中一間房傾計，食蛋糕，然後就各自回房。
今次又買左2個浴球，原本開一個先，另一個明晚用。
可惜第一個係粉紅色唔鍾意，之後開多一個係黃色，是他喜歡的款。
早上Check-in 時見到佢，前枱話可以叫佢送野比你，所以晚上返到酒店就叫佢上房送2支水先。
我打去服務台，聽不懂廣東話，用我有限的普通話講，但我要求機械人送來，他聽不懂，搵小王子求救，佢話機器人，我照講~得左。
機械人係門口電話就響叫你開門，然後按上面指示完成就可以。
沒有留言:
發佈留言