現在國內多用電子支付，所以冇國內的WeChat Pay有點不便。
雖然，國內拒收現金係犯法，但係店唔係唔想收，而係未必有零錢找。
美團或大眾點評內購買優惠抵好多，但要用國內的WeChat Pay付款。
有見及此，尋日就一家人晨吉咁早就上去開戶先，比平時返工返學還要早。
早上7：20出門口，半夜12點先落巴士行回家，真係行左八千里路~堅攰。
全日都落雨，好在國內大多商場都與地鐵相連。
今次由羅湖過關，因為想去果間銀行這邊過關比較近。
我都買左鮑師傅的〝海苔風味酥松小貝〞和Kumo Kumo的芝士蛋糕，今天母親節拿回娘家一齊試。
兩樣野家人都不太喜歡，肥細佬仲話〝海苔風味酥松小貝〞，好似某麵包點的肉鬆麵包，唔怪之得我食既時候咁熟口面喇！而娣婦仲話我整既芝士蛋糕比Kumo Kumo好吃，如真的話都係網上的食譜寫得好，我都係跟人食譜整。
********************************************************************************
13/4：中國銀行、萬象食家、笋岗文具、錢江藝術中心、KK Mall、卓悅中心、皇庭廣場、福田口岸
早上在家吃少少野就出門，用左2個鐘鬆啲先去到銀行。
今日去笋崗的中國銀行，順便去睇文具。
笋崗地鐵站內深圳通自動售賣機有2款Hello Kitty版，有興趣朋友可以去睇下。
笋崗的中國銀行~彩虹支行，見一個人都冇心諗~正丫！
點知去到職員話冇晒卡，叫我地去羅湖支行。
吓！要去返羅湖關口？職員話唔駛，你直行4個交通燈位就到。
係咪4個路口位？唔係，係4個交通燈位。
好在我都準備左另一間，立即問職員〝中国银行(笋岗支行)〞，點知佢話呢間明天先辦公。
中国银行深圳彩虹支行
地址：深圳市罗湖区笋岗街道田心社区宝安北路3008号 (笋岗站E口)
營業時間 (個人金融服務)：0900 - 1200、1400 - 1700 (Mon - Fri)、0900 - 1600 (Sat)
營業時間 (智能柜台服務)：0900 - 1700 (Mon - Fri)、0900 - 1600 (Sat)
備註：周末及節假日不辦理
唯有冒雨帶埋小王子去羅湖支行，我真係行到懷疑人生，咁耐都未到既。
唯有中途搵深圳朋友求救，佢搵到幾間有開，但都冇人聽，佢微信左最近我的中銀，打的都係十幾分鐘就到。
傾傾下，過了4個交通燈位，行前啲抬頭望真係有間中國銀行，行上去睇下係羅湖支行。
入到去已經有幾個香港人問緊野，好在有個職員識講廣東話。
職員話機冇卡可以係櫃枱攪，職員都擰擰頭。
開戶需要的資料：近期住址證明，如果你有電訊商的實名證記紙本就帶埋去，到時就不用掃QR Code填資料。
步驟：
- 掃QR Code睇片，關於警方宣傳短片。
- 手機填表格。
- 等資料傳送到銀行。(這個都等得耐)
- 然後職員同你埋自助機開戶。
- 之後有另一個職員來再同你核實身份。
- 完成。
詳情可睇：西DorSi：超簡單！🇭🇰港人開大陸銀行戶口攻略！
放心全程職員從旁指示你禁咩制，有啲字寫唔到，職員會教你用併音輸入。
西DorSi話，中國銀行已統一開戶要求，所以我揀中銀開戶。
不過，我開戶時係一類，但職員立即指示我將戶口降為二類，網上講好似現在在國內開戶也是二類了。
由等到完成都要個幾鐘，但老公開戶失敗，因為佢之前係國內另一個地方係中銀開過戶口，後來又取消左。
幫我地整戶口的職員睇唔到咩原因，要去櫃枱問，但得一個櫃枱，一個人都攪好耐，最後放棄了，回去萬象食家與朋友會合食野先，因為肚餓了，食完再攪。
中国银行深圳羅湖支行
地址：寶安南路2052寶麗大廈 (大劇院站D口)
營業時間 (個人服務)：0900 - 1700 (Mon - Fri)、 0900 - 1600 (Sat)
備註：周末及節假日不辦理
萬象食家主題唔知係咪番茄，到處都是番茄裝飾。
這裡主要食肆，與地鐵對連，所以落雨也不怕。
萬象食家
地址：梅园路71號，笋岗站 (A 出口)
噴水池吸引到小王子睇到唔捨得走。
我地行到萬象食家，朋友剛好到左等位中，旁邊仲有個位係沖野飲，唔知係咪可以就咁買。
坐低就每人送一個雞蛋布丁，有4杯的，有杯沒入鏡。
吴莊
地址：万象食家4楼L407号
營業時間：1100 - 1400、1630 - 2100 (Mon - Fri)，1100 - 1430、1630 - 2100 (Sat, Sun)
一坐低朋友就送左袋野比小王子，原來係大白兔糖，仲要有好多種味，還有酸奶冇影相，計埋原味有8種味。
小炒手工笋 (CNY33)
香鍋鹿茸菌 (CNY43)
北京果木烤鴨三吃 (CNY168)：套餐鴨湯
北京果木烤鴨三吃(CNY168)：套餐鴨架
這個有點鹹，表面太多椒鹽。
北京果木烤鴨三吃(CNY168)：北京果木烤鴨整只
金鴨季好食啲。
面包誘惑 (CNY33)
這是每塊薄而脆，雪糕又多，比外婆家好食。
食飽同朋友分手後，我地再去中國銀行彩虹支行，職員話櫃台不辦公，你早點說我地就唔行來。
剛才羅湖支行的職員話食完野可以返來搵佢，但我地又唔想行咁遠，直接去睇文具就算。
好在頭先行去羅湖支行見到〝笋岗文具玩具礼品批發城〞，所以就不用搵。
其實，結婚時上來笋岗買結婚用品，不過當時係打的來。
這裡有4層，文具第一層最多，不過要格價。
同一樣野第一層賣$15，第四層賣$7，睇下差幾遠。
小王子好開心，買到野，又有買埋比同學仔、朋友仔。
由於落大雨，所以改行程，改去〝KK Mall京基百納空間〞。
NITORI宜得利家居
地址：京基百納KK Mall 自用商業負1層01-B118a號鋪 (大剧院站 B 出口)
營業時間：1000 - 2200 (Mon - Thu, Sun)、1000 - 2230 (Fri, Sat)
備註：地鐵連商場，大剧院站 B 出口，一出冇耐就見到，係左手邊。
帶左企鵝返屋企，小王子話企鵝家族又添一成員。
戰利品
杯係我和小王子飲茶和咖啡用，而個鐘就係小王子的，佢話要試下用鬧鐘叫自己起身，塊板好明顯係我用來影相喇！
星際傳奇
現在有活動，增值比平時抵好多，仲要每入$500就送一份小禮物。
上次食過好味，所以今次再買。
良品鋪子
地址：京基百納空間負一樓B126b號鋪
營業時間：0900 - 2230
肚餓了，就搭地鐵去卓悅中心醫肚先。
好在有小王子係到，因為職員話有2人枱，但我問張枱大唔大，佢唔識聽，攪小王子幫手攪掂，普通話我識聽唔識講，簡單我都聽到的。
用QR Code落單，但永遠都係loading，最後人手落單。
這店價格不算平，但質素好好。
松露芝士培根意麵 (CNY75)：小王子食左2/3碟。
金瓜菌菇翼板肉 (CNY168)：好味，肉嫩，真係做到7成。
农畉LONFOOD
地址：卓悅中心商場東區L150 (崗廈站 B口)
營業時間：1000 - 2200
我係芝士控，而且比我自己整還要平，加上明天母親節，就買2個蛋糕回去，一個明天拎去娘家吃。
上次壹方城一個人都冇，今次要排隊，不過30分鐘內就攪掂。
其實，我想買多個綠茶味，但係已售罄。
Kumo Kumo
地址：卓悅中心商場東區B1層B185舖 (華為旁電梯)
營業時間：1000 - 2200 (Mon - Thu, Sun)、1000 - 2230 (Fri - Sat)
網上人話雪糕比原味芝士蛋糕好食，咁就緊係要試喇！
問職員雪糕要排隊嗎？佢教我係手機落單，一落就立即有人整，3分鐘唔駛就有得食。
雪糕果然唔錯，濃濃芝士味帶點鹹味，之後有奶味。
整蛋糕過程。
蛋糕出爐喇！印烙印時好似日本咁，會搖手鈴。
全部蛋糕表面都係得一個烙印，唯獨這個是滿滿的，唔知係咪特別版呢？
估唔到懷疑特別版來左我到。
上次係海岸城只係排幾個，今次條龍好長，唔知幾時先買到呢？
買左海苔風味酥松小貝、奶香桃酥，但奶香提子酥買唔到，下次要早點去。
海苔風味酥松小貝問左可以常溫3日，所以我先買。
鮑師傅糕點
地址：卓悅中心北區B1層119-120舖
營業時間：1000 - 2200
我由地下街行去〝皇庭广场〞，這是最後一個要去的地方。
我要去買酸奶和國內種的奇異果，點知去到問職員佢話只有紐西蘭的奇異果。
我知買酸奶準備好冰袋，所以職員送我冰袋都拒絕了。
卡士的酸奶有活動，買3支就送左一盒〝寶貝第二餐〞話價值五十幾蚊。
另一個職員幫我去拿冰，回來又送多一pack乳酪。
最後都係要個冰袋，我唔好意思自己又買多一pack乳酪。
付款時見到〝簡愛〞乳酪減價，所以又買左。
盒馬鮮生
地址：皇庭广场B1层 (會展中心站 C 出口)
營業時間：1000 - 2230
備註：盒馬鮮生門口寫會員店，唔係會員可以買，但係要去排人手收錢。
小王子有幫手拎野，因為啲野實在太重又多。
回程太夜，所以小王子2程車都瞓左。
沒有留言:
發佈留言