Day 3 ：平安金融中心
最後一天了，玩埋今日就返歸了，開心時間過得特別快，又係時候講Bye Bye。
尋日午餐去左〝堂本家‧二代目〞原本係今晚晚餐，所以尋晚諗今晚餐食咩頭都大埋。
最後我將尋日既午餐變左今日午餐，而今日午餐就轉左去今晚晚餐。
一去到就見到好多人，大枱要等2-3張。
我揀〝桂滿隴‧西湖船宴〞係食它的環境，估唔到食物都好食。
桂滿隴‧西湖船宴
營業時間：1100 - 1430、1700 - 2130
地址：福田街道益田路5033號平安金融中心六樓 (购物公园站 D 出口)
備註：地鐵站與商場相連
雖然買美團〝晚市 4-6人歡聚套餐〞，這個餐是晚市，但早上都可以用。
這個餐諗左好耐，因為唔知牛蛙是什麼？上網搵到相，見到我唔似田雞，一直唔敢叫，朋友來到話係田雞果類，最後叫左。
河海鮮
龍井鳳尾蝦 ¥68
松子桂魚 ¥198
招牌杭椒牛蛙 ¥58
熱炒
揚州大煮干絲 ¥38：個麵鞋。
吮指雞爪 ¥5：以為會好鹹和唔腍，但又鹹中帶甜又腍。
叫花雞 (原味) ¥98：之前上網睇係在你面前敲打，但佢係已經整好冇表演。
蔬菜 / 主食/ 小吃 / 飲品
玉米汁 ¥48：朋友們話好飲，我覺得沒什麼特別。
雞絲涼面 ¥28：我試左少少，有點辣，但小王子喜歡。
蒜蓉菜心 ¥28
蝦仁韭荐菜博餅 ¥28
我地又加左野食。
醬香小籠包 ¥25：好味。
黃大仙燒餅：餡係冬菇和肉碎。
紅糖麻糍 ¥18：朋友們話好食，但我覺得一般。
招牌糖醋里脊 ¥45：這個好食，比外婆家好好多。
食飽就緊係飲野喇！Manner我好似未見過，所以揀左呢間試。
朋友話佢公司樓下都有呢間，佢都常幫襯，如果你自攜杯去，好似減5元。
這杯啡香，入口後感覺到順滑。
Manner Coffee
營業時間：0730 - 2200
地址：平安金融中心北塔B1層B26號商鋪 (购物公园站 D 出口)
係我地買緊啡的時候，老公係〝蔻蔻椰〞睇到買一送一，但到我地飲緊既時候佢都未攪完，因為要做會員先有優惠，又係時間深圳朋友出手了，朋友三扒兩潑就攪掂。
蔻蔻椰
地址：平安金融中心北塔B1層 (购物公园站 D 出口)
剛才食飯既時候，朋友邀請大家去她家坐，所以餘下的行程都取消了，但車坐唔到咁多人，我和老公，再加一對團友就搭地鐵去，小王子當然跟車喇！
由於佢地塞車，所以我地去她家附近的超市行，今個行程終於有時間去超市。
萬家Life
營業時間：0800 - 2200
地址：深圳北站東廣場C1棟沐鐵匯坊110-111號
剛才小王子食野不多，所以叫老公去買麥當勞。
我最喜歡在國內食麥麥，因為有好多餐和款式是香港沒有的，不過，大家都飽了，只有我一家三口吃。
剛才朋友幫我係美團係Kumo Kumo訂蛋糕，終於買到Kumo Kumo芝士蛋糕回港了。
酸奶都係朋友網上超市訂，比起實體店平好多，因為做緊優惠。
下次呢啲係網上訂去酒店，就省時好多。
原本訂埋鮑師傅只有奶香提子酥，而沒有桃酥，買二十幾蚊野要十幾蚊運費，所以唔訂。
晚餐叫外賣一齊食，終於試到好多款食身。
窰雞王：真係肉嫩多汁，一隻一陣就食完，再叫多2隻。
京味張：本是今晚晚餐，不能到店就叫外賣，叫左北京烤鴨 (2人份)。
燒蠔：尋晚食過翻尋味，今晚再叫，但老公話冇尋晚咁好食。
榴芒一族：超級芒果杯、榴槤千層蛋糕。
沒有留言:
發佈留言