今日小王子放假一日，因為6年級翻要回校與班主任商討升中選校事宜，大家在預約時間出席。
趁有半日假期就唔好浪費~北上先，行程尋晚先寫，因為簡單好快就寫好。
搭直通巴士，但塞車，比我預定時間遲左30分鐘。
首先去醫肚先，我預備左2間，一間是食蘭州拉麵，另一間係蛋包飯。
老公緊係想食蘭州拉麵，但佢遷就小王子食蛋包飯果間。
這店食物水準是正常味道，但裝修係好日式。
池奈·咖喱蛋包饭(深圳缤果空间店)營業時間：10:00-21:30
地址：深圳北站缤果空间2楼池奈咖喱蛋包饭
地鐵：深圳北站 （D 出口）
老公話拉麵唔好。
肥牛浓汤豚骨拉面（辣） ¥33
我與小王子買套餐，食物正常水準。
春日元气双人餐 ¥59.9
炸鸡块咖喱蛋包饭
香煎鸡扒能量拌饭
培根炸细薯
時間怕唔夠，所以唔等小王子食完，我和老公去Nike行住先，佢食完再來搵我地。
今次老公冇收穫，我和小王子收穫滿滿。
其實，我主要想去Converse買鞋，但價格貴左，而且拆扣冇上次咁吸引，空手而回。
NIKE(缤果空间店)
營業時間：10:00-22:00
地址：民塘路深圳北站东广场商业区缤果空间二楼2c-09号
地鐵：深圳北站 (D 出口)
上星期同學仔嚟配左運動型眼鏡，我就眼定啲先，因為小王子係3分鐘熱度。
尋日突然諗，都係配副運動型比小王子，因為除左打籃球，做其他運動都可以用。
小王子放學回來問佢，佢話可以吖！成日問野都係咁答，都唔知佢想定唔想，唔理去配左先。
我唔見上次帶家人來配眼鏡的職員，就搵左上星期招呼同學仔的職員。
尋日我係微信問左南油店，運動型眼鏡有咩款？有咩顏色？
到店後職員再幫我問下有咩顏色？有4隻色：黑色、白色、藍色和灰色。
小王子想配灰色，不過，同學仔配了，最後揀左白色。
眼鏡裡內仲有個框，但原來可以取出來的，店員問我鏡片要配在眼鏡定係可取下的框內，我揀了眼鏡內，因為眼鏡有弧度，不能即日取，調配眼鏡要5-7日，所以冇咁快攞。
我地諗住潛水鏡款，所以都唔使調教任何嘢，所以我哋決定寄落嚟香港。
到時收到通知就直接寄到家，免運費，仲係用順豐，不過可能冇贈品，我見家人攞眼鏡時有。
上次南油，我要郵寄，離開之前店員都叫我拎咗洗眼鏡藥水和螺絲批先，但今次什麼都沒有。
飲品和零食任攞。
艾斯眼镜工厂店·豪雅官方授权(会展中心店)
營業時間：10:00-21:00
地址：金中环国际商务大厦A座6楼602A室
地鐵：会展中心站（E 出口）
備註：可以E出口方向行去地下街，2號出口上，就不用兜來兜去。
配完眼鏡之後我問職員係咪可以夾公仔，職員話好～送比我，我問係唔係配眼鏡平冇得夾公仔？佢話原來要配$800以上先可以夾。
我夾左2個公仔，但啡色嗰隻爛咗，所以放低了。
當我哋夾完公仔之後，食完先出嚟加貨。
諗住同小王子影貼紙相，點知前面個人搞咗好耐都唔出嚟！
佢突然間走出嚟問店員點樣打印出嚟！店員話可能沒有紙，浪費晒時間添！
又有三個卡拉OK房任唱，但老公話有啲歌係冇聲嘅。
然後行去領展中心城，我和老公唱K，而小王子就去反斗樂園燒錢。
首先帶埋小王子去唱K開間房先，咁佢一陣就識返嚟搵返我哋啦！
魅KTV·AI辅唱(领展中心城店)
營業時間：10:00-06:00
地址：广东省-深圳市-福田区-福田街道福华一路3号领展中心城M层003号(领展中心城西大门直梯按M层原UG层)
地鐵：會展中心站（B出口）
放低老公就同小王子去反斗樂園，其實，小王子識路去，但要我掃code取卡才可以打機。
反斗乐园(领展中心城店)
營業時間：星期一至四、日10:00-22:00；星期五、六10:00-22:30
地址：領展購物廣場M層64B
地鐵：會展中心站（B出口）
突然，我想飲野，小王子唔聽電話，所以就冇份喇！
這店就在隔壁，行一步就到，就order它。
厚抹茶拿铁 ¥29
浆果乳酪奶绿¥29
KOI Thé(领展中心城店)
營業時間：10:00-22:30
地址：福田街道福华一路3号领展购物广场M层RUG068A
地鐵：會展中心站（B出口）
小王子想飲古茗，但附近冇，所以又飲煲珠公。
煲珠公·老红糖珍珠奶茶(领展中心城店)
營業時間：10:00 – 22:00
地址：广东省深圳市福田区福田街道福安社区福华一路3号领展购物广场RG011B(G层地铁口旁)
地鐵：會展中心站 （B出口）
上星期小王子喜飲食豬頸肉，所以就食泰國餐，去左上年10月開店，想來很久的“Tegu泰古蓮”。
全部都好食，如果通菜冇咁油就更加好。
【工作日】尝鲜打卡双人餐 ¥214
茶水 （2份） ¥12
香茅黄咖喱鸡（1份）¥58
椰香白米饭 （2份）¥16
大头虾冬阴功汤 （1份）¥88
炭烧泰式猪颈肉 （1份）¥58
马拉盏炒通菜 （1份） ¥38
Tegu泰古莲·泰国餐厅(福田首店)
營業時間：11:30-22:00
地址：福田皇庭广场商场L2层-31铺位（皇庭广场南门丨会展中心正对面）
地鐵：會展中心站（ C出口）
今個月去東莞拜山，我帶左3塊蒸氣熱敷眼罩，我、小王子和阿媽每人一塊。
點知小王子話大塊敷唔到，明明之前用過都冇問題，咁我用佢果塊。
阿媽話佢朋友都有用，我將未開果塊比佢拿回家用，上星期回娘家將餘下幾塊送埋俾佢。
今日再塊盒馬入貨，買多盒比阿媽先。
盒马鲜生(皇庭广场店)
營業時間：周一至周四,周日 10:00-22:00 周五,周六 10:00-22:30
地址：福华三路118号皇庭广场B1层
地鐵：會展中心站（ A 出口）
沒有留言:
發佈留言