芝士雜莓批 Cheese and Mixed Berries Flan (內附食譜)

8月之星係阿嫂和表姐，但表姐有生日飯局，所以冇來。

我覺得阿嫂唔多喜歡食蛋糕，所以今次唔整蛋糕整批。  

這個批二十幾年後再整第二次，當時烘焙初起步，現在經驗多了，整芝士蛋黃忌廉醬多功序，花左好多時間，冇咁手忙腳亂。  

尋日去百佳、惠康、一田都搵唔到雜莓和意大利芝士，連士多啤梨都冇，街市一樣。

最後要去烘焙店買，但烘焙店既急凍雜莓出水，整到個批有水份，賣相唔靚。

尋日焗好個批皮，今日就去裝飾。

芝士雜莓批 Cheese and Mixed Berries Flan

食譜來自：精巧甜品DIY 2

鬆酥批底：8吋

麵粉                              120克

牛油                              60克

糖                                  30克

蛋                                  1/3隻

鬆酥批底做法：

1.         已篩麵粉、糖和室溫牛油搓成粒狀。

2.         加入蛋液搓勻，以保鮮膜包好，冷藏30分鐘。

3.         取出以擀麵棍將麵糰碾平至大於批模底。

4.         鋪上批模底部，𠝹出圓形成批底，放回批模內。

5.         將其餘麵糰輕按在批模邊。

6.         用叉在批底戳小孔。

7.         以180度，焗15分鐘，待涼。

芝士蛋黃忌廉醬材料：

意大利芝士                  150克

牛奶                              125毫升

鮮忌廉                          100毫升

糖                                  30克

粟粉                              7.5克

麵粉                              7.5克

蛋黃                              2隻

牛油                              1/2茶匙

雲呢拿香油                  數滴

餡料：

雜莓                              1磅

朱古力醬                      30克

飾面：

水                                  60毫升

草莓醬                          2湯匙

魚膠粉                          1湯匙

芝士蛋黃忌廉醬做法：

1.         蛋黃加入糖，以打蛋器打至軟滑，拌入已篩麵粉和粟粉，再拌入雲拿呢香油。

2.         牛奶加熱，逐少加入麵糊中，以打蛋器高速攪拌。

3.         麵糊移至小鍋中，以大火加熱，改用橡皮杓用力攪拌至完全融化，冷藏。

4.         鮮忌廉以打蛋機打至八成鬆發，輕輕拌入芝士蛋糊中，拌成芝士蛋黃忌廉醬。

5.         批底脫模，先塗上適量朱古力醬，再鋪上芝士蛋黃忌廉醬。

6.         鋪上雜莓粒。

7.         在雜莓上掃上飾面果膠，冷藏1至2小時，切件享用。