今年生日在平日，所以沒有在正日慶祝，留待今日又北上去玩嚕！
一早book好酒店，今次住好少少，而且是有浴缸的，小王子勁開心。
尋晚小王子突然肚仔唔舒服有點痾，睡前食左藥，瞓醒今朝又冇事，如常食早餐。
大約7:20出門口，去到商場突然肚痛要去厠所。
我地到地鐵入左閘又話肚痛，又出唔到閘，去客服中心搵職員開閘比我地，但小王子話情況緊急，我就問職員有冇厠所，於是9秒9跑去控制台等職員開門去厠所。
酒店不能取消，同小王子商量後決定去到九龍塘站睇情況再決定是否取消行程。
小王子應該腸胃炎，今朝唔應該食早餐，唔食又怕他餓。
到了九龍塘情況改善了，所以繼續行程。
酒店係岗夏北站，所以又可以去深圳之眼打卡先。
我係百度地圖睇過酒店係岗廈北站12號出口，一上地鐵就係12號出口，真幸運。
朝住12號出口出，上扶手電梯，到地面再過對面馬路直行，5分鐘內到酒店。
今次住Hilton，所以冇得check-in，真係要等到下午3點，咁唯有寄存行李先，玩完回來先check-in。
深圳大中華希爾頓酒店
地址：大中華國際金融中心 B 座, 福田區深南大道, 深圳市, 廣東省, 518000
放低行李立即打車出發，因為我訂左枱食飯，今朝小王子單野令到鬆動的時間緊迫左。
食飯的地方就在8號倉，都有地鐵到，但都要行一段路，而且沿路無瓦遮頭。
8號倉
營業時間：周一至周四,周日 10:00-22:00 周五,周六 10:00-22:30
地址：民康路1号
商場指南
海底撈已開業很久，但我們一家是第一次吃，服務一流，我地很喜歡。
海底捞火锅
營業時間：09:00-02:00
地址：民康路8号仓2楼L207
備注：可以係大眾點評訂位。
我訂左1030，估唔到全店我地是第一枱客。
由於我係大眾點評訂位時說明是慶祝生日，所以店家會幫你佈置一下，而且現場所見都有幾枱是來慶祝生日的。
坐低店員就送上西瓜，還有毛巾。
坐低冇耐，店員就送咗個手動風扇比小王子。
我周圍影下相，見外面有得整手，深圳朋友話次次去都整唔到，所以我就去玩下。
我自己整左指甲，所以就做下手部護理。
手甲或手部護理都要用微信登記取籌號，雖然冇人等，但都要取籌號。
職員仲話可以叫埋老公和小王子來整，我話唔好喇！你好辛苦。
過程完成好就戴上手套就可以返位，10分鐘後去洗手，整完對手真係白滑好多。
我返到位就有袋禮物唷！老公話職員以為係小王子生日，咁又係點諗到係大人，但其實我都係一個小朋友~哼！
姬松茸菌湯火鍋、三鮮火鍋 (¥85)：我地叫左拼鍋：，2款湯底我都好鍾意，但小王子就唔喜歡，話下次叫清水。
朋友話上次佢叫左9宮格，最多可以叫9個湯底。
海捕大片海螺肉 (半) (¥27)：30秒
鮮切牛肉 (¥56)：10秒
火鍋牛排 (半) (¥30)：3分鐘
深海魷魚須 (半) (¥26)：2分鐘
凍豆腐 (半) (¥13)：3分鐘
小王子食得好開心。
由於天氣不太好，食飽就出發去玩喇！
今次去天台玩卡丁車，所以要趁未落雨就來，由8號倉南門出直行10分鐘內到。
我入到去龍華名車廣場，行左一半，但都唔見有路，就去返門口問護衛員。
原來要直行到尾到後門，轉左手邊就是。
玻璃見到有𨋢，搭2號𨋢直上5樓，望向左邊，跟指示去右邊。
Q-KART卡丁车
營業時間：周一至周五 14:00-22:00 、周六,周日 10:00-22:00
地址：民康路1号龙华名车广场Qpark天台球馆
入到去就見到有籃球場，行入籃球埸去到尾，由右邊出去就是。
我係大眾點評買團購，因為同小王子一齊玩，所以用細車，每人¥55，平過上次好多。
小朋友要頭套。
個Look好專業。
預備好喇！
我緊係最後出發喇！橫掂佢地都會過我頭。
玩左10分鐘鬆啲，因為場主截唔切老公。
我地意尤未盡，好想再玩，但天黑黑都係下次先。
我地行返去8號倉行街。
老公至愛~Nike，一入去小王子就睇鞋，今次冇上次咁多折。
大部分都係小王子的。
行完小王子話肚餓，剛才係扶手電梯落嚟見到有間飯糰，咁就試下。
新宿燒汁牛肉飯糰 ¥17：好食夾大件，中間加左脆炸，係牛肉少左啲。
一捧饭团
營業時間：10:00-21:00
地址：民康路8号仓奥特莱斯
即叫即做，不過牛肉就係用微波爐叮熱，但肉又唔乾啵！
小王子讚口不絕。
小王子想飲橙汁，但這支橙汁係好飲，因為係新鮮窄，但等左超過25分鐘，真係想飲就要早點order。
每日維C陽光橙 (100%橙汁) ¥26
混果汁
營業時間：周一至周日 10:00-22:00
地址：民康路八号仓一楼L132、L133号铺
等支橙汁等到天都落雨了，冒雨等車返酒店，有傘都濕晒，等極都唔見架車，但睇app車又到左，係app有互傳訊息，行來行去搵架車，最後都上到車。
師傅話打唔到比我，我電話打唔出又打唔入，只可以收訊息，又收唔到又打唔到電話真係唔方便。
返到酒店就Check-in，拿拿林上酒店房放低行李，因為又要趕去按摩。
酒店房電制唔夠，USB位又少，好在床頭有個黑色盒有USB線。
我約左4點去按摩，但由於之前深圳水災，所以好塞車，今次又遲到。
上次老公係大堂按腳，今次佢又話要中式按摩，而我仍然係香薰推拿，小王子係外面坐等我地。
老公嘥錢，佢冇耐就瞓左，佢個技師真係爽爆。
今次技師冇上次咁好，房又唔開燈，我問佢開唔開得，開左之後又閂返，話燈光暗，所以尾升有人開門以為冇人，感覺唔多良好。
落到樓下發現小王子有支汽水，原來係按摩店哥哥送比佢。
天沐养生经络SPA
營業時間：10:00-24:00
地址：新南社区东门南路3002号华都园大厦19楼C (国贸站 B 出口)
預約：What's app 13266811456 (微信同號)
我地行去國貿站，點知封左，問左工作人員，站已封要行去下個站，但佢話都好遠。
咁樣唯有又打車，但要搵個位置定位先。
行過去對面金光華，記得果邊有間鮑師傅定位會好啲，唔想發生今日係8號倉事件。
點知被我見到佢，之前想試，但去既地方又冇，又唔想特登去，相請不如偶遇，緊係要入去幫襯下。
我買左個蛋糕為自己慶祝，又買左個包做明天早餐。
洛神玫瑰 ¥42
抺茶紅豆 ¥15
露絲卡文 (金光華店)
營業時間：1000-2200
地址：人民南路2028號金光華廣場第B1層002號商鋪
買完蛋糕行前啲見到好多人企係到等車，咁就係到打車喇！
由於無地鐵，app話而家係打車高峰期，好耐先有車接單。
我地車到上車，突然有個女人話上車，因為佢call左好耐都冇車，我地落車，佢再叫師傅載佢回家，變左併車。
這間好食，係烤吐司唔好食，呢到係燒埋比你，但係叫唔辣，來到都係辣，換左都係辣，所以唔係好啱小王子。
开蚝屋·生蚝海鲜烧烤
營業時間：周一至周日 17:00-03:00
地址：燕南路88号
我地等左冇30分鐘就有位了，蛋糕只得個盒怕溶，所以店員幫我放左入雪櫃。
我好鍾意呢個啤酒樽牆。
活烤元貝 ¥23.8：2個
活炸鮑魚 ¥23.8：2個
憨憨土豆片 ¥5.9：一份
口感雞脆骨 (4串) ¥19.9：一份，微辣
香甜玉米 ¥13.9：一份
忘情翅中 (2個) ¥11.9：一份
火烤魷魚串 (2串) ¥18.9：一份
餐位費 ¥6：3份
朝日生啤 ¥17.8：一杯
爆汁牛肉串 (4串) ¥19.9：一份
烤吐司 (2串) ¥3.9：一份
北冰洋 ¥9.9：一份
蒜蓉黃金大蠔 (小份) 6個 ¥89.4：一份
小王子好樣衰！
食得好開心。
點可以冇超市呢個環節。
沃尔玛购物广场
營業時間：07:30-23:00
地址：广东省深圳市福田区燕南路88号中泰燕南名庭2~3楼
買左唔係好多野，因為冇想買既野，不過，老公都買左支原漿啤酒。
蛋糕好食，我估3-3.5吋，雖然夜，但我都食左3/4個，老公冇食，我和小王子都覺得好食，有機會再試其他先。
食完蛋糕，小王子就去沖涼，今次冇買浴球，就帶左玩具來玩。
沒有留言:
發佈留言