老豆還在的時候,肥阿哥已經講要夾時間全部人去一次旅行,最後老豆走了還未實現。
上年2月肥阿哥再提出,希望在阿媽還在時去一次,所以就造就了這次旅行。
這趟行程去5日,而我就去8日,有2日約左身在台灣居住的朋友。
今次行程與我之前的大不同,行程既唔緊密,亦沒有去什麼特別地方,因為阿媽對腳不能行太多路。
我一向去旅行就去盡佢,喜歡早機去晚機返,所以我地就揀左早上7點機。
原本諗住搭最後一班機場巴士去機場,然後係機場行下等Check-in,之前都試過〝首爾 Day 1@2017〞。
表姐與我同區,佢話冇得瞓好慘,最後我約左車零晨3點第一站去我家,然後去表姐家,再入機場。
肥阿哥就幫肥細佬預約左的士,佢地近機場,所以約左車4:30接佢地。
我地比我預期中早了很多到機場,由出發到機場只是35分鐘,機場少人之餘,店也是開了2、3間,最後去左麥當勞飲下坐下。
我成晚只睡左約2小時,就睡不到了,因為瞓到2點到又要來身有壓力。
佢地約5點到達機場,然後就排隊Check-in。
小王子第一次坐有飛機有飛機餐和睇電影。
我好耐冇坐國泰,記得以前飛機餐係有餐牌可選餐,但現在沒有,只有一款,沒得選。
炒麵鹹,小王子成個餐都冇乜食,佢話唔餓。
來台北一星期前在網上登記入台灣境後可參加5000台幣消費金抽獎活動,獎有悠遊卡、一卡通、住宿券、icash 2.0儲值卡。
我地一行12人,只有3人中獎:我、娣婦和肥細佬,大家都揀左住暫券,娣婦問左職員,一間房只可以扣一次,娣婦和肥細佬一齊中都沒有,只能扣一次,但我又這樣想,入住酒店時佢地其中一個在酒店Check-in時登記在另一間房應該可以用到,不過肥細佬登記時Passport Number入錯了一個數字,所以不能領獎,所以都沒有深究我想的辦法是否可行。
由於帶著阿媽去旅行,所以阿嫂就預先book左車由機場接我地去酒店。
這間酒店上年肥阿哥同朋友來台北時住過不錯,所以今次都來住。
酒店係捷運忠孝新生站一號出口,扶手電梯上地面向前行過對面馬路就是,只需2分鐘就到了。
對面有Family Mart、7-11,而且有很多食店超方便。
格拉斯麗台北飯店 (Hotel Gracery Taipei)
地址:100013台灣台北市中正區忠孝東路二段89號3樓
前台職員叫我地申請做會員可以儲分,沒記錯的話分可以當錢用,而且這裡每日都有早餐吃是免費的。
Check-in完成可以上房了,在走廊放置了你每日所需的用品可自取,可能設計是這裡是隔日執房的原故,但我覺得咁幾好,因為次次等人送來都很花時。
我book的是雙人房,他們的是三人房,但我的房間比他們的大,由於我是雙人房,所以早餐餐券每日是2張,他們則3張。
雪櫃內有2罐實寶礦力是免費的,房內又有空氣清新機。
我好在check-in時問前台詔造多一張房卡,房間的電是傳統要插卡才有電。
洗手間整潔,浴室係日式的。
大家整頓好一切就出發了。
可能新年,街上沒什麼人。
原定去台北車站行地下街,但肥阿哥改左去〝三創生活 Syntrend〞睇模型。
三創生活園區
營業時間:星期一至四、日11:00–21:30、星期五、六11:00–22:00
地址台灣台北市中正區市民大道三段2號
我行左一陣就冇行,對商店冇興趣之餘又有點肚餓,所以落左地庫搵食。
我見到有好多位,就上返去搵阿媽落去坐下,又問下其他人邊個有興趣一齊去食野。
最後肥阿哥帶住3個小朋友,而肥細佬一家早就上左樓上行,其餘人就跟我去食野。
我地去左2間買來一齊Share食,2間都好味,買完餐我都通知肥仔佬,他們一家都隨後到Food Court買野食。
濃香芝麻豚骨鍋 195元 (配手工麵+20元)
麻辣鴨血豆腐 45元
滷春秋 (台北三創店)
地址:台北市中正區市民大道三段2號B2
中一排骨,味道不錯,仲有好多配菜和湯。
懷舊滷排飯套餐 135元
阿嫂食飽就去搵肥阿哥,之後我和老公都起行搵小王子,剛才肥阿哥係〝THE GUNDAM BASE〞上到去又唔見人,我在店內行左個圈。
THE GUNDAM BASE~6/F
後來打比阿嫂現在係3樓玩緊,小王子與大孖表哥一齊玩緊VR。
Viveland~3/F
玩完VR,肥阿哥毫話要去食野,阿嫂唯有再食,小王子唔肚餓就跟返我地。
商場地下呢檔魷魚不錯唷!
好,集合後齊齊返酒店休息,而我、老公、肥細佬和阿B一齊向華山1914出發,娣婦都想去,但佢唔夠休息和食物頂住唔多舒服,所以回酒店休息。
華山1914文化創意產業園區
營業時間:24小時
地址:台灣台北市中正區八德路一段1號
這裡有好多卡通品牌展。
我見Hello Kitty 50周年展,所以入去睇下。
最後買左手信比朋友,又碌左個弊比表姐,因為佢要陪阿媽冇來。
園區內都有些表演,這魔術表演睇到散場,仲有表示左少少心意,希望佢能堅持自己的夢想。
市集沒什麼吸引,但買左2杯甜品一齊試,大家都覺得不是我地杯茶,但價錢不算平。
食左甜品就回酒店,係房hea左一陣就問大家是否去西門町,因為我plan左去西門町行下,買下手信。
今次我、老公、肥細佬一家和阿嫂,餘下全團最大和最細的團友就靠肥阿哥帶佢地出來了,約好了在捷運頂溪站等。
一出捷運就見到條龍,去左前幾日係IG見到介紹的麵包店,點知冇開門,途中見到龍貓巴士壁晝(係老公杯茶),跟住又去左Rainbow Six打卡。
沒有留言:
發佈留言