之前講過待阿B考完DSE就帶佢北上食野，今日兌現承諾，所以今次同肥細佬一家三口去深圳。
起初首站去卓悅中心，但發現益田廣場有活動，所以就改左。
老公去茶大椰買〝鮮椰‧芒芒 (中杯) ¥21〞，而肥仔、阿B和小王子就去煲珠公買珍珠奶茶。
茶大椰·椰子茶(益田假日广场店)
營業時間：1000 - 2200
地址：深南大道9028号益田假日广场B2-B2-M72
地鐵：世界之窗站 (B3 出口)
煲珠公·老红糖珍珠奶茶(益田假日广场店)
營業時間：10:00-22:00
地址：深南大道9028号益田假日广场B2-M70-M71
地鐵：世界之窗站 (B3 出口)
頭先我與娣婦都冇買飲料，因為我地去飲啡。
原本去另一間嘆咖啡，但應該要係商場外圍，加上落雨就去我之前試過的山池，這間比上次的卓悅中心大好多。
SAANCI山池咖啡(益田假日广场店)
營業時間：周一至周四,周日 08:00-22:00 周五至周六 08:00-23:00
地址：沙河街道深南大道9028号益田假日广场B1层
地鐵：世界之窗站 (B3 出口)
澳白 Flat White 8oz ¥32：有咖啡香，無糖，再減一點奶就完美，因為我唔多喜歡奶。
原味可頌 ¥16：這個一般，是脆的，沒有麵包感覺。
抺茶柚子戚風 ¥42：小王子勁喜歡，醃尖老公都話好，我試左蛋糕鬆軟，真的不錯。
肉桂蘋果撻 ¥38：老公原本齋坐，但聽到我話有蘋果撻就立即要，佢話好食。
肥細老一家的order，佢地好滿意食品。
我試左娣婦杯咖啡，覺得我的比較好，佢果杯沒有咖啡味。
小王子和阿B都喜歡貓，所以為左佢地就改了第一站行程。
這間快閃店延期到5月5日，所以我地有機會來。
小王子睇中兩隻鯊魚貓粒粒公仔，但我問左不可以單買，一定要買個玻璃盎，然後任你入落個盎到。
盎有大和小，但小的已售罄，大的要¥329，我覺得太貴了，所以冇買，不過，小王子就有點唔開心囉！
Mofusand鯊魚貓 (快閃店)
地址：益田假日广场B1層西端中庭
今次我都係住桔子酒店，係深圳住過幾間都係桔子最好。
我訂左2間房，check-in時要求在同一層，由於肥細佬間房係一張大張(1.8米闊)和一張單人床(1.2米闊)未有房，所以佢地就將行李放係我房先。
我係華住會會員，係app訂房沒有早餐送，而且比Trip.com貴，所以都係係Trip訂。
我check-in時職員送左個小孩早餐，佢話阿B年紀比較大，所以送唔到，我話唔緊要，而且多謝她。
桔子飯店（深圳福田會展中心店）
地址：深圳，福田區，彩田南路2032號海天綜合大廈
地鐵：岗厦站 E 出口
放低行李就出發，我地係酒店樓下買彩票玩，我地一家三口都唔中，而肥仔買左3張中左2張，贏返2張個本。
這間一開就想去，但係第一間分店，而且唔就腳，加上打卡盤野好大，我一家三口應該食唔晒，所以一直都只得個想字，趁今次人多就去食。
現在國內大多是open kitchen，你可以睇住現切。
就犟牛肉火锅
營業時間：周一至周四,周日 11:30-22:00
周五至周六 11:30-22:30
地址：皇庭广场B1层汉阳馆旁边
地鐵：会展中心站 (C 出口)
就犟大团圓 (份) ¥238：就是它~打卡，成盤都好食。
牛蹄筋 (份) ¥36：要由開始滾到最後才會淋，這類食物係要淆的。
就犟黑松露牛肉丸 (大份8粒) ¥96：丸有肉汁，沒有黑松露味，就唔值呢個價，有乾冰襯托~美。
就犟大片毛肚 (份) ¥58
食晒野，老公唔夠叫多個雪花牛，這個好好味，肉好淋。
大滿足雪花 (入口即化) (份) ¥148
食飽就去玩下，我帶佢地去Round One，今次時間唔夠去唔到4/F玩，下次第一站就來這裡放電。
朗玩·轰趴馆
營業時間：1000 - 0200
地址：壹方天地C區1-3層
阿B夾左幾次就中。
小王子又玩Pokemon，今次冇收穫。
我去夾薯片，一共夾到4包。
這是進展台，平時去Namco都係玩呢款機，比夾的機好，進展台靠技術多。
我見之前有人玩過下，阿B想要，好~我就玩下。
我以為要玩多幾次就中，點知一野就中左了。
深圳4間山姆都去過了，之後每次都會來這間，雖然唔多就腳，但係勝在人少，其他店有好多人，不用說推車，連人行都有難度。
這間有2層，而且有餐吧。
山姆会员商店(龙华店)
營業時間：0900 - 2200
地址：梅陇路1111号壹成中心17地块E区L1-020号铺
有好多都冇去試食，因為對果啲冇咩興建。
今次主要帶大家行下山姆，大家睇到咩我就在app落單，然後用極速達送去酒店，咁就唔駛拎住咁麻煩。
我在app見唔到有蝦片，所以現場買，其他就即場用極速達送去酒店。
付款後見到人架車有Lego書包才記起，頭先網購忘記買Lego胸包，唔想一件再落訂覺得好易會唔見，所以立即飛奔入去買。
大家都喜歡食海鮮，上次〝觀澜 + 深圳 Day 2〞試過〝丰豪烧烤大排档·生蚝〞不錯，今次再去。
這間上次來只有2枱香港人(包括我)，今次見多左好多香港人，有枱仲係熟客添！
丰豪烧烤大排档·生蚝(福祥店)
營業時間：17:30-04:00
地址：福祥街10号（7号线赤尾地铁D出口西行180米）
串燒仍然保持水準，但覺得上次土豆片薄身比較好食。
今次叫左2款上次沒有的，鮮東菇和梅菜餅。
這2款我都冇食，佢地話唔好食，肥細佬話鮮東菇有陣怪味。
每次我和小王子都例必叫的烤吐司，這裡的與其他店不同，是中間夾練奶的奶多吐司。
佢地唔食，因為唔想浪費quota，試多啲其他野。
我和小王子食完再encore，第2次吐司烤得比前次好。
蠔就緊係好食喇！又大又肥又鮮。
今次人多就叫左高壓鍋焗蠔，一樣咁好味。
上次唔識係大眾點評打卡姨姨都送左2個比我地，不過，今次唔見佢，但今次我識喇！送了2個糖水。
未去到食飯地點就已經送到酒店，今次只是由落單到收貨都係約30分鐘鬆啲，如果Costco都可以網購就好了。
