10歲生日遊深圳

今日是小王子10歲生日喇！計劃了上深圳玩一日。

我唔知帶小王子去邊到玩好，原本諗住帶佢去我唔想去的前海HOP-DX，因為覺得冇咩好玩。

最後不停上網搵資料見到〝就好潮玩館〞，但我睇都好似唔多野玩，但有老公喜歡的棒球，就試下。

我由福田口岸出發，地程要差不多一小時才到，地鐵連接商場，一路直行到尾就到。

我地10點到達，立即係大眾點評購票，然後戴手帶就可以入。

購票時職員提議充值，所有分店都可用，而且沒過期的，好在我沒有衝動，真的與我想像一樣不是太吸引，但小王子就玩到唔係好想走。

場內9成都是香港人，但冇Party Day咁多人，好多都不用排，就算排好快到你。

全日親子票 (一大一小)：¥264

單人暢玩不限時：¥198 

就好潮玩馆(宝安大仟里店)

營業時間：10:00-22:00

地址：广东省-深圳市-宝安区-西乡街道海城路大仟里购物中心B1层146-151号

地鐵：坪洲站（A 口出）

場內地圖

嘟手帶的QR Code就可以入閘。

入閘後左手邊就是Locker，我見職員都是用它來擺放東西，不過，到我走時都仲有空Locker。

Locker有點不懂操作，我將Party Day的概念套在這，是不對的，因為運作是不同。

老公完成寄存後試下再開櫃，然後用微信再掃QR Code，揀我要存件，點知又開左個新櫃，咁之前的櫃又開不到，最後問職員，終於知道點運作了。

職員話，你每次在Locker取件，用微信掃QR Code後揀〝結束寄存，不用了〞，櫃內都要全清關門，然後再重新做〝Locker寄存〞的動作。

Locker寄存

1. 打開微信掃Locker顯示屏的QR Code。
2.  揀〝我要存件〞。
3.  手機跳出QR Code。
4.  將手機QR Code放在Locker的掃瞄器上，櫃門就會打開。

Locker取件

1. 要用微信掃Locker顯示屏的QR Code。
2. 揀〝結束寄存，不用了〞。
3. 櫃內物件全取後，再關櫃門。

老公話趁而家少人，叫我影左相先，然後才去吃早餐。

食完早餐回來，我與老公玩左好多次碰碰車，小王子上次Party Day玩撞甩左隻牙，有陰影唔敢玩。

電玩

VR

5月的時候飲過一次，但叫左杯OJ搖搖樂不好喝，可能是我選錯，所以給它多一次機會。

Something For(宝安大仟里店)

營業時間：周一至周五 07:30-18:00、周六至周日 08:00-18:00

地址：海城路5号前城商业中心大堂

地鐵：坪洲站（A 口出）

原本小王子都是與我一樣飲冰拿鐵，但是是無糖的，所以他與爸爸share檸檬茶。

次次小王子都叫左我想食的東西，咁我唯有齋食牛角包，但一樣咁好味，唯一不好就是有餡的牛角包比原味的大。

檸檬茉莉冰搖茶 ¥25：杯茶唔好飲。

芝士烤蛋牛角 ¥22

原味牛角單人套餐 ¥24.2，加錢後，最後我的餐是¥33.2

冰拿鐵 加 ¥6

原味牛角包 加 ¥3

食得好開心



食飽就入去正式放電。

估唔到畏高的老公勁過我，我行左2關就走回頭路。





小王子一直都是第二和三名，最後超越左爸爸，贏左冠軍。

爸爸教打桌球。



我唔識玩，小王子第一次玩就上手，仲過關添！





起初同小王子玩雙人，但我真係唔識。

小王子玩單人就過關，剛才我拖累左佢。

我地玩到2點幾先出去食lunch。

小王子又話要食八合里，我話食西餐喇！佢話OK，只要有牛食就可以。

這店有點熱，叫店員將冷氣開大一點，都感受到點冷氣。

不過，食物質素好，牛扒煎得不錯~淋，沒有化學東西醃過。

小王子食左好多牛，下次可以再來。

肉食狂歡&雙人套餐318元

原石牛扒(宝安大仟里店)

營業時間：周一至周四,周日 11:00-22:00、周五至周六 11:00-22:30
地址：新湖路与海城路交汇处宝安大仟里L379-380（三楼星巴克旁）

小熊啵啵奶茶¥19

無花果雞肉沙律¥58

麻辣牛肉粒¥39

安格斯殼飼西冷扒¥149

薯條雙併¥29

原石經典牛扒¥159

由於時間不早都差不多4點了，離開餐廳回去再玩多陣就走，因為仲要去星際傳奇。

星际传奇(宝安大仟里店)

營業時間：周一至周四,周日 10:00-22:00、周五至周六 10:00-22:30
地址：广东省-深圳市-宝安区-西乡街道宝安大仟里3楼L301星际传奇

這裡有兩部Pokemon機，而且是要等前面個人玩到唔玩走到你，不過，這裡是¥15一局，比皇庭的星際傳奇平。

我和爸爸分別幫小王子排Pokemon機，而佢就去玩One Piece。

終於等到前面有人走，到我前面一個大男人，突然沒有玩佢讓比小王子玩。

我話不用了，我地有排玩，佢話冇要緊。

我見前面走的小朋友媽媽都唔該佢，可能佢都係讓他的小朋友玩。

大男人排我隔離條隊，跟住我就周圍行回來就不見他了。

今日交換大叔都有出現，但換的也不是好東西，又浪費多15個弊。

小王子玩緊時，我走到他身後的夾公仔機，無聊夾到2隻，都夾左幾次先出貨架。

我見小王子都捉唔到好野，所以我就玩一鋪，用普通精靈球捉到4星，仲要係小王子想要的。

小王子叫我繼續玩，佢就繼續玩One Piece。

每次新一局都會隨機比一張卡你，我好彩得到另一張4星。

我玩玩下見到有職員比左一張One Piece卡和15個弊小王子，請佢再玩多局。

小王子睇返張卡係大賽卡包的卡，真係幸運。

小王子想夾公仔，佢失敗了，唯有阿媽出手。

小王子都夾到隻，佢話唔知係卡爪定保夾。

天氣熱大家都想飲下野，就去奈雪，因為做緊Pokemon推廣。

小王子的Pokemon贈品送完了，但杯野幾好飲。

老公的奶茶就不是我的茶。

霸氣水蜜桃 ¥19
桅子綠奶茶 ¥18

奈雪的茶(宝安大仟里店)
營業時間：星期一至四、星期日1000-2200、星期五至六1000-2230
地址：宝安大道大仟里购物中心一楼L111-112号

雖然，這間是李生的，但係都係與其他外資的店不同，有很多國內東西售賣，而且店很大，很久沒逛這類店了。

這店出入口得一個，要係麥當勞行入去，沿路行到最尾就是。

百佳永辉超市(光明大仟里购物中心店)

營業時間：08:00-22:30

地址：松白路光明大仟里负一楼

上次深圳朋友請我食過伊利的老酸奶就喜歡了，但每次去超市都沒有，今次買到了。