椰汁糯米糍

我好鍾意食糯米糍，但現在很難買到好食，我覺得好食就是大奧或者荃灣民豐。

大奧太遠，唔常可以買到。

荃灣民豐之前去都不怎樣排隊，最多都係前面排2-3人，但自從出了開心果，去過2次都排長龍，其實，我不是買開心果，只是買原味，要我排咁耐覺得唔值，所以掉頭走人。

之前讀ERB學中式點心，上星期四畢業了，在畢業前問左阿Sir攞食譜糯米糍食譜。

尋日我有時間就動手整，皮軟糯，帶點甜。

我一共整左10粒，都是一口Size，不過，對小孩有點大，大人就一口攪掂。

我有一粒放室溫做實驗，留返今日食睇下皮會否硬，結果是軟，但當然冇尋日咁軟喇！

阿Sir只是比左材料份量和簡單講了做法，佢話用糯米粉和清水開成糯漿，但我整唔到糯漿，將兩者溝埋就變左以下相的模樣。

我怕自己量錯份量，所以倒左，重新秤材料，但仍是這樣。

我唔理照步驟做和加入材料，最後都成功。