老公轉了新公司，新年前2-3星期通知新年假放到年初八，不過要扣大假。
跟住一個多星期後再通知做到年二十六就收爐，知道的時間太近新年，機票貴左很多，所以今年不可能在外地過年，咁就回內地玩4日3夜。
老公就提議去惠州，因為深圳朋友都回惠州過年，可以讓她帶我地去買煙花、放煙花。
於是就通知朋友，她娘家在惠東，問下附近訂邊間酒店好。
我地係惠州城玩3日2夜，然後2日1夜在惠東。
我發現惠州沒有地方玩，而且野食都不太多，我plan行程時都有點困難。
老公有一日睇YouTube，有個YouTuber介紹惠城有一間酒店好似不錯，於是就book這間。
我又去小紅書睇惠州景點推介，發現原來酒店左邊行和右邊行就可以用2日時間K.O.景點。
原本係坐高鐵去惠州，但預售當日咁啱我又去深圳玩，所以忘記了，唯有坐直通巴士去惠州。
我地由香港坐直通巴直去到蓮塘口岸，再轉另一架直通巴直去惠州。
惠州有3個落車點，金鑾酒店>康帝酒店>惠州候機樓(東興一路)，我就揀左最近酒店的康帝酒店落車。
落車後就行去惠州的打卡牆。
曦湖里酒店
營業時間：
地址：惠州市惠城区环城西二路10-11号
打卡牆就係酒店的停車場內，你行入去就可以，不會有人阻止你的。
惠州商業步行街
打卡後就穿過步行街，行十幾分鐘就可以去到酒店。
我地未食早餐，所以就係步行街買左燒魷魚，這串魷魚好食。
食完就繼續向前行，穿出步行街再直行就見到橋，望到合江樓就表示對了，因酒店就係合江樓附近。
合江樓
營業時間：10:00-18:00
地址：广东省-惠州市-惠城区-水东西路40号
合江樓對岸風景都不錯。
合江樓正面打個卡先。
現在唔去酒店住，去左買杯甘蔗汁比老公先。
老公話甜，但我和小王子都鐘意，我喜歡上面的山楂粒。
只收現金和微信支付，沒有支付寶收款。
甘蔗汁 ¥15
兴记甘蔗冰
營業時間：11:00-23:30
地址：水东街A1栋118号档口（水东西路与新民后街交界处）
兩父子在興記店外坐下，我就去探路，睇下明天要去的店在那，咁就不用帶住佢地周圍行。
興記對面的店也是明天要來的。
返去搵返佢地，就出發去酒店。
水東街好多野食，可能因為新年，路中間全是食肆。
原來惠州鵝好出名，係呢到話比我知。
等Check-in時老公發現酒店安全一般，全部人可以自由出入。
地下有洗手間，但好多街外人入來使用。
酒店有兩部lift，一部lift是要放卡上，不用卡就可以上到樓層。
惠州朗曼酒店（西湖水東街店）
地址：橋東街道水東西路88號A5棟, 惠城區, 惠州
酒店送小禮物比小朋友，酒店是需要房卡來取電，所以我要求酒店比3張房卡我。
我地拎左房卡就上4樓房間，一開門就見到有小朋友拖鞋，我再望入去厠所就發現晾著內衣褲。
於是落返去前台，職員話安排2樓比我地，但我想要返4樓，雖然是望江邊，畢境下面是行人路怕嘈，但要4樓食完飯回來都未必有房，因為執唔切。
最後都係要2樓，因此事職員送了2日早餐卷。
房間大有36平邊米，感覺簡潔，沒有多餘的東西。
插頭亦都多，不過平時電話其他野都係右邊床頭，但這間係左邊。
每日都帶2支免費水，亦都有茶包。
我喜歡酒店的毛巾有繡花，很美。
酒店房個景色不錯，我訂望江邊，可以望到鵝城大橋的鵝頭，雖住2樓，但不嘈。
我地落樓下轉個灣就到食lunch的地方。
COMMUNE幻师(合江楼店)
營業時間：11:00-04:00
地址：水东街A5栋101铺
落完order就同小王子去買野飲。
黑糖珍珠牛乳 ¥20
汕汕茶SSCHA(水东街店)
營業時間：11:00-23:00
地址：桥东街道水东街二期A7栋101号
红掌清波＋小鹅公仔 ¥26.8
另外，買一隻石獅子，上來之前都比小王子睇過小紅書，佢已經話要買。
潮汕小福狮 （銅錢）¥26
食物質數都係一般西餐的味道。
幻师和牛汉堡（份）一切二 ¥59
酥脆鸡米花（份）¥28
小酥肉（份）¥28
大虾牛油果香芒沙拉（份）¥59
黑松露菌菇意面（份）¥49
營業時間：09:00-17:00
地址：惠州市惠城区滨江东路45-2号
野島文化生活區
營業時間：12:00-24:00
地址：广东省-惠州市-惠城区-黄家塘街39号
野島都有幾隻貓，左邊隻貓唔怕人，圍觀都冇反應。
野島行過對面就是752藝術倉，呢到仲更加冇野影，好在兩個地方都近，唔係就浪費時間。
752藝術倉
營業時間：24小時
地址：广东省-惠州市-惠城区-黄家塘街63号
行過對面就是東江沙公園，公園某啲地方有好多細飛蟲蟲，所以唔好張開口講野。
東江沙公園
營業時間：24小時
地址：广东省-惠州市-惠城区-滨江东路与东坡路交汇处
零食有鸣(东江沙公园店)
地址：桥东街道
上次廣州買既食晒，現在再買，但店不近，所以美團送到酒店。
乐座 烧鸟酒场(水东街店)
營業時間：17:30-03:00（2月16日休息）
地址：桥东街道水东西路88号A3栋一层118/119号商铺
店外店內都好日本feel。
右邊2隻公仔擺係窗邊，我見到有個小朋友拎左一隻，佢見我見到立即尷尬地效低。
預備點餐
老公飲左2杯啤酒，小王子飲可爾必思。
沙律
壽喜燒：小王子好鍾意食。
雞軟骨：老公話乾左少少，我又OK。
水東街的夜景
中間圓形是買啤酒的，掃code賣。
見到有刮刮彩票，得小王子一個中¥20，佢再繼續刮，不停都係中¥20，連續中4-5次，有一次中左¥30，攪到我又要用多¥10去買多張刮刮彩票，結果都係蝕。
酒店樓下的夜色。
酒店房窗外夜色。
兩父子都要食宵夜，佢地緊係食花甲粉。
老公話佢個碗好腥。
小王子話佢個碗好味，我試咗真的不錯。
1号餐（花甲、金针菇、娃娃菜、粉）（不辣）¥23.77
18号餐（加鱿鱼、牛肉丸、海蛎）（微辣）¥36.59
龙五哥开心花甲粉
營業時間：10:00-24:00
地址：五四路27号
沒有留言:
發佈留言