芝士包 (麵包種版) (內附食譜)

高達叔叔覺得鹹，但我就唔覺，芝士味仲比〝美心芝士麵包〞的濃~好味！大家都覺得個包好軟熟~好野！   今次我用左之前買左〝車打芝士〞預備搵日整包包時做餡料。以前這款芝士我係用嚟煮〝龍蝦芝士〞架！不過，都好耐冇煮以前都間中煮這味餸架！

軟綿綿~芝士包 (麵包種版)

材料：

高筋粉                  200克

砂糖                      30克

奶粉                      6克

依士                      3克

溫水                      100克

牛油                      25克

蛋                          30克

鹽                          1克

麵包種

餡料：

車打芝士 (切粒)

做法：

1)     依士與溫水拌勻。

2)     其他材料同放盆內，之後加入依士水，再用手將所有材料攪勻。

3)     將麵糰倒出放在桌上，用手推開麵糰。

4)     將麵糰對摺(令麵糰產生筋性)或用力敲摔麵糰。

5)     再對摺至有筋性及不黏手。

6)     測試麵糰：搓至麵糰表面光滑，用手拉開時成薄膜狀即大功告成。

7)     盆內塗上一層薄固體菜油或溶牛油。

8)     將已搓滑的麵糰放入盆內，蓋上保鮮紙(以防表面乾硬)。

9)     將整盆麵糰放入另一個注入30℃-40℃溫水的盆內，發酵後的麵糰約成原來的2.5-3倍大。

10)  手指測試法：把手指插入根粉中，再將手指慢慢插入已發大的麵糰中，然後取起手指。

11)  若手指離開後麵糰仍留有手指形空隙，即表示第一次發酵完成。

12)  將麵糰分割成11等份。將每份麵糰輕輕拉長 (摺兩摺)。

13)  然後用保鮮紙包好麵糰，鬆弛10分鐘。

14)  將麵糰壓扁。

15)  放適量芝士粒於麵糰中。

16)  掐緊成欖形，接繨處須小心接合。

17)  放麵糰在已掃油的焗盆上，收口向下，蓋上保鮮紙作最後發酵，約30分鐘。

18) 發酵完成後，麵糰約2-2.5倍，掃上蛋液。

19) 放入預熱190度焗爐，約焗20分鐘。

簡易雞批 (內附食譜)

老公上次話〝雞批〞個皮係酥皮佢唔歡喜，我都冇搓都唔知點解會係酥皮既，唔知關唔關用〝固體菜油事呢？因為好似用左個皮會鬆D。   

今次我就係我食譜庫內再尋找下雞批食譜，比我搵到呢個~用料比上次整〝雞批〞的簡單。上次焗既途中才記起忘了掃蛋液，所以晝左既圖都睇唔到。經過上次教訓今次就記得喇！圖案仲睇得好清楚添，上次我都有寫3個字送比老公，但全部食晒都冇人知，今次應該係人都見到喇！   

由於太夜焗起，所以未試味，不過我用左少少餡做〝白汁雞包〞，所以覺得餡料比上次的味淡，但我覺得淡得滯，老公就話佢〝arm〞味，而汁比上次的少，下次等我試下將餡料合併改良下先。   

簡易雞批  

批皮： 

牛油                      4安士   

砂糖                   2安士  

麵粉                      4安士  

根粉                        4安士  

蛋                       1隻 (掃批面的蛋汁另計)  

批餡：  

雞扒                       1磅  

洋蔥                    73克  

磨菇 (小)        2罐  

白汁：  

牛油                      1/2安士  

麵粉                 1/2安士  

鹽                   1/3茶匙  

雞粉                   1/3茶匙  

鮮奶                 4安士    

做法：  

1.           雞扒切粒、蘑菇切片或粒。  

2.           將批皮的材料混合，撈到無粒粒成為麵團為止，然後封好放入雪櫃雪硬。  

3.           爆香洋蔥加雞扒粒炒熟，將磨菇粒或片撈埋一齊。  

4.           將牛油煮溶離火，然後放麵粉不繼攪，直至攪到滑無粒粒為止，再開火，分幾次倒入牛奶(需要不斷攪)，最後落鹽，雞粉，煮到杰身便成為白汁。  

5.           在雪櫃取出麵團，分成5個麵糰(@44克重)，再壓於模內，加入餡料。  

6.           用木棒壓平其他麵糰，然後用小圓形模印出批皮舖在批上，掃上蛋汁，最後放入焗爐焗用190度焗20分鐘。 

l   若想晝自己喜愛的圖案話可以在掃完蛋汁後晝上。

白汁雞包 (麵包種版)(內附食譜)

這個包我用左〝麵包種〞做，所以特別鬆軟，不過，餡料份量我都唔知幾多，因為我係〝雞批〞到拎左一D做餡，但我個人覺得餡味淡和汁少。   

今次個薄膜係老公幫我用電動打蛋器攪架！係咪好薄喇！哈~哈~好似紙咁薄！叻仔~ 

軟綿綿~白汁雞包 (麵包種版)

材料：

高筋粉                  200克

砂糖                      30克

奶粉                      6克

依士                      3克

溫水                      100克

牛油                      25克

蛋                          30克

鹽                          1克

麵包種                  100克

餡料：

雞扒               

洋蔥               

磨菇 (小)       

白汁：

牛油               

麵粉               

鹽                  

雞粉               

鮮奶               

餡料做法：

1.    雞扒切粒、蘑菇切片或粒。

2.    爆香洋蔥加雞扒粒炒熟，將磨菇粒或片撈埋一齊。

3.    將牛油煮溶離火，然後放麵粉不繼攪，直至攪到滑無粒粒為止，再開火，分幾次倒入牛奶(需要不斷攪)，最後落鹽，雞粉，煮到杰身便成為白汁。

麵糰做法：

1)     依士與溫水拌勻。

2)     其他材料同放盆內，之後加入依士水，再用手將所有材料攪勻。

3)     將麵糰倒出放在桌上，用手推開麵糰。

4)     將麵糰對摺(令麵糰產生筋性)或用力敲摔麵糰。

5)     再對摺至有筋性及不黏手。

6)     測試麵糰：搓至麵糰表面光滑，用手拉開時成薄膜狀即大功告成。

7)     盆內塗上一層薄固體菜油或溶牛油。

8)     將已搓滑的麵糰放入盆內，蓋上保鮮紙(以防表面乾硬)。

9)     將整盆麵糰放入另一個注入30℃-40℃溫水的盆內，發酵後的麵糰約成原來的2.5-3倍大。

10)  手指測試法：把手指插入根粉中，再將手指慢慢插入已發大的麵糰中，然後取起手指。

11)  若手指離開後麵糰仍留有手指形空隙，即表示第一次發酵完成。

12)  將麵糰分割成11等份。將每份麵糰輕輕拉長 (摺兩摺)。

13)  然後用保鮮紙包好麵糰，鬆弛10分鐘。

14)  將麵糰壓扁。

15)  放適量餡料於麵糰中。

16)  掐緊成欖形，接繨處須小心接合。

17)  放麵糰在已掃油的焗盆上，收口向下，蓋上保鮮紙作最後發酵，約30分鐘。

18) 發酵完成後，麵糰約2-2.5倍，掃上蛋液。

19) 放入預熱190度焗爐，約焗20分鐘。

鹹味~全麥包 (內附食譜)

這次做了老公愛吃的〝麥包〞，但佢唔係咁鍾意食，因為太〞麥〞喇！吃起來比較硬。

今次我都有試食，但不是太喜歡吃這個包，我吃慣麥包是甜的，而這個是鹹的~我不太接受。   

原食譜係用合桃碎，我並不喜歡吃，而材料可以做〝6吋方包~2個〞，但我將材料減半，並且做左3個圓形麥包。 

鹹味~全麥包

食譜來自：專業麵包製作

材料：

高筋麵粉                 50克

全麥粉                     50克

牛油                         7.5克

砂糖                         5克

鹽                             2克

溫水                         65克

依士                         1.5克

做法：

1.         磅好材料。

2.         依士及溫水拌勻。

3.         其他材料同放盆內。

4.         加入依士水。

5.         用手將所有材料攪勻。

6.         將麵糰倒出放在桌上。

7.         用手推開麵糰。

8.         將麵糰對摺(令麵糰產生筋性)或用力敲摔麵糰。

9.         再對摺至有筋性及不黏手。

10.     測試麵糰：搓至麵糰表面光滑，用手拉開時成薄膜狀即大功告成。

11.     盆內塗上一層薄固體菜油或溶牛油或噴一層菜油。

12.     將已搓滑的麵糰放入盆內。

13.     蓋上保鮮紙(以防表面乾硬)。

14.     將整盆麵糰放入另一個注入30℃至40℃溫水的盆內，發酵約1小時。

15.     發酵後的麵糰約成原來的2.5-3倍大。

16.     手指測試法：把手指插入高筋麵粉中。

17.     將手指慢慢插入已發大的麵糰中，然後取起手指。

18.     若手指離開後麵糰仍留有手指形空隙，即表示第一次發酵完成。

19.     將麵糰分割成所需等份。

20.     將每份麵糰輕輕拉長(摺兩摺)─第一摺。

21.     第二摺。

22.     用保鮮紙包好麵糰，鬆弛15分鐘。

23.      將麵糰放上桌上打圈滾圓成球形。

24.      錫紙上噴或搽一層油。

25.      放入麵糰，蓋上保鮮紙作最後發酵，約30分鐘。

26.      發酵完成後，麵糰約成2-2.5倍大，掃上蛋液，放入預熱180度焗爐，約焗25-30分鐘。