Jungle King

今日係小王子下學期家長日，老師話佢拎到獎學金（一班得2個有），又有操行獎，雖然錢唔多，但真係感動落淚。

之前老公話家長日完左就去親子餐廳玩下，跟住就去海賓公園再放電，但係我又要去烘焙店入貨唔多啱路，所以都係搵日先再去海賓公園。

我上網搵到呢間〝Jungle King〞，食物價錢覺得有點貴，但味道好，難得醃尖老公都話OK。

推門入就可以。

坐位幾好，一眼就望到小朋友。

可能平日，所以得半場人。

有個自助區，餐具、調味料、水都係自助形式。

一去到小王子已經要去玩。 

杯奶茶好味，像茶餐廳一樣。

兒童餐：$80，得一款

芝士大啡菇併雞翼：$120，有好多雞翼，味道好。

炸蝦魚柳併薯條：$120，粉漿薄，唔食魚的我都食左1/3舊。 

野食來到都唔返來，攪到我要set鬧鐘3吹4請，仲要夾返來食。  

野飲有橙汁或蘋果汁揀。 

食左少少野又去玩過。

又要夾回來再食野，今次要拎積木來氹先肯食，又係食少少又再去玩。

Jungle King

地址：觀塘開源道駱駝漆大廈1座12樓C室(觀塘地鐵站開源道B出口)

查詢及訂座電話/WhatsApp：6886 6395

公司電話：3565 4600

營業時間：1130 - 2130 (星期二至星期日)

                    早場 1130-1430

                    午場 1500 - 1800

                    晚場 1830 - 2130

休息日：逢星期一

東莞2天遊@2018

今年小王子生日諗去親子餐廳玩下，但想去果間就full晒，咁啱細舅母又邀請我地回鄉，所以今年又小王子生日又係大陸過，唯一唔同係冇左老豆一齊去。

之前包前上落，因為老豆，而家唔係上就自己過關，我可以帶阿媽和細舅母去深圳行下食下野，落就包車，因為佢地實有好多野拎返香港。

前發前2日阿媽來電，佢話腳痛，如果係就包車上，我見佢地又有野拎回鄉比人，咁就取消行深圳直接包車上。

上年12月開始由香港返國內去到國內過關要落車，但由國內回香港就不用落車，好在過關都快和順利。

今次又係住細舅父家，但佢冇回來，到步攏低野就出去食晏，表妹帶我地去左間西餐廳，食物質素都OK，但我食塊牛扒就用梳打粉拿過，阿媽碟牛河碟底冇乜油~讚。

阿仔同柔柔表姐(表弟個大女)話要一齊坐。

大家都知我返大陸玩另一目的行超市，頭先係車到問左司機邊到有華潤萬家或沃爾瑪，佢教左我去另一間，呢間超市大，但好似唔及平時去果間華潤萬家大野買。

我都唔敢行咁耐，因為成村人等我一個，有點唔好意思。

晚飯去左上次食過既酒家，果到燒鵝好好味~百吃不厭。

尋晚表弟婦整左榴槤布甸，今日可以食喇！

食完甜品先去飲茶。

食完茶老人家就回家，後生就繼續去玩。

尋日係車到小王子話要買玩具，見佢生日就叫表妹帶我去〝東莞百花廣場〞，上次係到買過超級飛俠玩具。

小王子揀到心頭好。

跟住我又去左地下〝華潤萬家〞買野，尋日果間冇我想要的，呢間有，小王子仲買多部玩具相機添！

表妹要去〝The Green Party〞買野，嘩~我超鍾意呢到，有飾物、家品、玩具啲野啱我。

The Green Party

地址：廣東省東莞常平鎮市場路1號百花時代廣場一樓

官方淘寶：lenle.taobao.com

微信：TheGreenParty

我只係買左2隻碟，因為係又係成村人等我一個，唔好意思再行，下次要再去。

係舖頭旁邊，小王子見到立即要影相。

之後表妹帶左我地去表妹夫既表妹開既蛋糕店食野，表妹夫既表妹係上海和坑洲學整蛋糕的。

表妹想order卷蛋已經售罄，櫃內仲有係有客訂左未取，阿姨都話佢個女成日都買比佢食。

小食都OK

不過，飲品就差啲。

小王子扭計，要拎頭先買既相機玩，但啲野鎖晒車尾箱，費事又要人去開，不過有其他人係到幫佢，最後佢緊係贏左喇！

晚飯又去返尋晚果間，雖然食到飽，但仍然食得落~正！好在小王子拎左間野包紙巾，所以有地址。

金隆食府
地址：常平鎮張屋村12號(紫荊花園正門對面)
電話：(0769) 83336306

約左部車7點半來接我地走，食完飯趕得切，回來仲要執下野，呢到係一部份要拎走既野，所以返香港唔包車點得丫！

阿媽仲留左啲走地雞蛋係細舅父雪櫃添！實在太多野，唔記得左。

港式傳統雞蛋糕 (內附食譜)

我同老公都好鍾意食嫁女餅既蛋糕，見到有食譜就整。

食譜話整到4個，所以我買左4個模，但份量整出嚟多於4個。

餘下的用左錫紙兜焗，我估這個份量可以做到6-7個花花模，

4個花花模焗左20分鐘，而錫紙兜就焗左26分鐘，用牙籤測試左熟。

粉漿倒8-9成滿去焗，蛋糕焗既時候都會少少膨脹，但可以放心咁滿都冇嘔出來。

蛋係凍凍地，因為未擺夠室溫，蛋表面有水珠，但我心急照用，都成功。

我用左8分鐘打蛋，可以劃8字慢慢消失。

我一次過加入低粉，拌極都有粉粒，好在焗完出來只搣開得一個蛋糕有一粒粉粒，下次試下分2-3次加入。

Hong Kong-Style Sponge Cake 港式傳統雞蛋糕

食譜來自：http://www.mrspskitchen.net/hong-kong-style-sponge-cake-%E6%B8%AF%E5%BC%8F%E5%82%B3%E7%B5%B1%E9%9B%9E%E8%9B%8B%E7%B3%95/

材料：4個

雞蛋                            4 隻

砂糖                            110 克

低筋麵粉                    130 克

油                                15 毫升

杏仁片            適量

做法：

1.    用電動打蛋器打發雞蛋和糖，打至有紋路出現，可以寫出8字。（打發大約5-8分鐘）

2.    加入油，然後篩入麵粉，輕力拌勻。

3.    將蛋糕模內塗一層油，或鋪烘焙紙，然後倒入蛋糕糊。

4.    櫈幾下釋放泡泡，放上杏仁片。

5.      放入已預熱180度C焗爐，焗約20-25分鐘即成！

Angel & Devil

上星期見到開心果小姐同朋友去左〝Angel & Devil〞，地方寬敞，而且有salad bar，又有個角落約100呎比小朋友玩，所以就約埋熊貓小姐今日一齊去食。

早上11點半開始，但唔知食到幾多點，因為我地由12點食到2點都冇趕客，而且仲有2枱客未走，有一枱剛到，食物仲不停refill。

這裡坐位都好疏，帶BB一定有位泊，而且服務態度一流，又細心，經常幫你收碟。

我覺得都適合帶BB來，因為地方寬敞，而且客唔多，所以都好清靜，小王子都話要再嚟。

由於落緊雨，所以外面就冇開，秋天坐出邊應該都好舒服。

我地張枱望到少少小朋友玩既地方，雖然地方唔大，但都夠小朋友玩。

餐廳仲有大人玩既遊戲，但籃球和飛標唔知要唔要比錢。

Salad Bar：食物質素OK，甜品好食，3款cake，每款我都食左4件。

小王子食左4粒棉花糖就去玩。

龍蝦意粉

All day breskfast

日本毛牛扒

主菜到左，叫小王子回來，食左少少薯餅又再去玩。

佢唔夠高，玩左一陣咋！

之後又返去角落到玩。

Angel & Devil

地址：觀塘駿業街58號4樓 (港鐵觀塘站 B2 出口, 步行約6分鐘)

營業時間：1130 - 0000

收費：3歲以上要收費$68，大人叫main course就包salad bar，淨salad bar就$98。

網址：https://www.openrice.com/zh/hongkong/r-angel-devil-%E8%A7%80%E5%A1%98-%E8%A5%BF%E5%BC%8F-r546687

Mrs. fields曲奇 (內附食譜)

老公好鍾意食曲奇，有時經過Mrs. fields都會買，但價錢都唔平。

7年前係網上見到這個食譜，整過一次，7年後再整第二次。

其實，今次再整既原因係小王子下個月佢生日，學校的生日上派給同學和老師們而預演。

早上整左一次，但唔似多似~太脆，去完行回家再整第2次。

今次用左3個時間去焗：10分鐘、12分鐘、15分鐘，老公試食，佢揀左12分鐘較似。

整第二次時，因為黃糖得80克，所以我用左20克砂糖。

老公唔鍾意食朱古力，所以佢話唔好食。

後記：給左公司一個同事試，佢都覺得12分鐘最好，不過梳打味重，下次我要減份量。

Mrs.fields曲奇

材料：

牛油 (於室溫中放軟)            63g

黃糖                                        100g

雲呢拿香油                            1茶匙

雞蛋 (稍為打散)                    1隻

梳打粉                                    1茶匙

低筋麵粉                                155g

朱古力粒                                60g

做法：

1.    預熱焗爐180度，在烤盤內舖上牛油紙。

2.    把梳打粉，低筋麵粉同篩好備用。

3.    使用電動打蛋器，把牛油、黃糖和雲呢拿香油打至輕柔細狀。

4.    分兩次把雞蛋加入(3)內，每次加入時都要打勻。

5.    將已篩好的梳打粉，低筋麵粉拌入(4)，攪勻至順滑。(用橡皮勻)

6.    再加入朱古力粒。

7.    將大約1湯匙的拌料放在預備好的烤盤上，給它們空間擴張。

8.    烤12分鐘或稍呈焦黃色並熟透，移放到鐵架上待冷卻。

冬菇蠔豉海參炆排骨 (內附食譜)

今日係父親節，第一年沒有父親過的父親節。

原本係整大食會，但尋晚〝辣〞到手指起水泡，所以改為煮中餐。

這個係其中一個餸，老豆以前常常整，今日返到娘家阿媽order話要我整這個。

應該都有老豆水準，因為都9成9清晒。

明天放假，所以等小王子同表哥們食完飯打左一陣機先走，小朋友玩得好開心。

冬菇蠔豉海參炆排骨

材料：

腩排                                1碗

冬菇 (已浸、去蒂)        2碗

蠔豉                                9粒 (約1/3碗)

海參                                2碗

蒜頭                                3瓣

薑                                    2片

醃料：

生抽                                2茶匙

糖                                    1.5茶匙

油                                    1/2茶匙

生粉                                1/2茶匙

水                                    1/2湯匙

汁料：

蠔油                                4湯匙

冰糖                                1湯匙

老抽                                適量

冬菇水                            適量

做法：

1.          冬菇用水浸軟，去蒂，冬菇水和蒂留用。

2.          腩排洗淨，瀝乾水份，用醃料醃最少半小時。

3.          爆香冬菇，盛起。

4.          爆香蠔豉，盛起。

5.          爆香海參，盛起。

6.          爆蒜和薑，然後加腩排炒至表面金黃。

7.          加入冬菇、蠔豉和海參一起炒勻。

8.          加入冬菇水差不多蓋過表面，將餘下的汁料加入。

9.          滾後用小火炆45分鐘，即成。

貼士：

l   冬菇水唔夠先加入清水。

l   每人的口味不同，記得試味。