上年暑假開始常常北上，去埋上次〝2024北上第一擊〞就休息返一段時間，因為都上得密既。
上星期老公話眼鏡片側邊裂左少少，佢眼鏡係半框，因為家中近日有點變動，老公在整埋時唔少心撞到，好在冇傷到眼。
我就可以趁機去Costco行下，入左會都未去過，而且順便去整牙，因為我有一隻蛀左，另一隻牙崩左。
尋日老公話有個朋友明天都北上去整牙，咁我地就約埋一齊食飯和去Costco行下，佢聽到我地去配眼鏡又想去睇下。
尋日我係大眾點評約了下午整牙，但姑娘話如果醫生在忙的話我要等一下，因為周未約比較多，而且都是早就約好了，我見咁樣就改左早上。
原本可以晏些出門，但現在整牙約了早上，所以又要早出門口了。
我見左醫生，原來不是蛀牙，而且裂左，另一隻補不了，因為這位置補左好快甩掉，2隻牙都要過年後再來，因為2隻牙都要做牙套，現在做牙模的已放年假了。
今次又係去朋友小區的牙醫，同小王子一樣睇完冇收費就走人，真係有點唔好意思。
小王子沒吃早餐，他肚餓了，就如他所願去對面的麥當勞食早餐，而自己就過隔壁的瑞幸食早餐。
luckincoffee瑞幸咖啡
火腿芝士蛋香可頌 ¥10.9：瑞幸麵包沒有加熱。
龍年醬香功克力 ¥16.34：偏甜，原味好飲好多。
食完早餐，時間都尚早，所以去左商場的超市行，好耐冇行過傳統的超市了。
近日睇網友話紅山果邊有俄羅斯超市，這間超市也有俄羅斯食品，不用去咁遠。
唔買咁多先，今晚仲要去Costco。
這裡行去地鐵有點遠，我地call車去酒店。
今次唔住桔子，試新野，一試就瀨野，配套唔好，但職員服務態度好，又有禮貌。
一入房開了窗，但窗是沒有紗的，如果夏天就大穫了。
我訂房訂貴一點，房大一點，點知上到房，房其中一個角落起了度牆，變相房細了，但趕住出去，晚上回來才攪。
外賣送來的東西就放在大門旁，如有太陽的話食物很易變。
深圳會展中心崗廈地鐵站秋果飯店
地址：深圳, 福田區, 彩田路3016號 (地鐵：崗廈站 A 出口)
酒店得一層，房間都多，有早餐位置。
出𨋢見到有職員，問左佢酒店係可以幫忙冷藏食物的。
房間行到好入，房整潔，窗是街景。
沖涼位置沒有地方擺衫，而且洗手盤在外面，早上刷牙洗臉和吹頭都會嘈到未起身的人。
汽水是免費贈飲，我地3個人比左3罐汽水，但唔知點解水就得2支，雪櫃是一般的凍。
電視搖控是要拆包裝袋，而且有叉電線提供，好貼心。
朋友已經到了會展中心站，放低行李就立即出發，行去崗廈站有修路，所以有點迫。
我地與朋友會合就去配眼鏡，上到去勁多人，因為有Youtuber介紹。
老公覺得價錢都有點貴，最後都係冇配，出發去食午餐。
這間我主要來打卡，網上睇人影得好靚，來到實際影相的地方都多，食物質素都一般。
店門前的女店員是穿漢服，戴臉沙，而店內的天花板都有好多燈籠。
枱上早已放好罐，我以為是燒酒，原來是麻油，但唔駛咁多盎嘛！
麻油唔香，而且4個人都係用左少少。
长安亭院火锅(深圳店)
營業時間：11:00-14:00、17:00-22:00
地址：南新路2081号（锐斯特酒店旁边）(地鐵站：大新站 D口出）
一落完order我和朋友就衝出去影相。
影個全景，影相的地就得咁多。
這裡有漢服體驗，當然要收費喇！
影完相返入去就有野食嚕！團購唔啱食，所以散叫。
麗江姬松茸 ¥18
楚雄甜玉米 ¥8
冰管脆玉 (屠場瞬毛肚) ¥65
紅糖糍粑 ¥16
壽光市聖子王 ¥48
雞蛋嫩牛肉 ¥32
功夫豬軟骨 ¥32
澳洲前胸 ¥50
雲南臘排骨鮮藕湯 (送西安扯麵) ¥78
自助小料 (4份) ¥32
打邊爐就緊係要混醬。
食完就同朋友一齊行去大新地鐵站，佢去洗牙，而我就去shopping。
行去Shopping途中見到小王子又想飲，咁就飲一杯囉！
小珍珠奶茶 (M 480ml) ¥11：可免費加料2-3種。
免費加料：波霸、小珍珠、茶凍、芋圓、椰果、紅豆、椰奶凍
1点点 民治小学店
營業時間：10:00-23:00
地址：广东省深圳市龙华区民治大道555号东美公寓一区15栋1楼347号 (地鐵站：民治站 D 出口)
我係小紅書睇到介紹來這裡買衫，所以我又來睇下。
由地鐵站行去沿途都間中見到有人拎住這店的紙袋，但我都抱住買唔到既心態來，點知真係買唔到，所以我都唔失望。
我估就到新年，所以有好多人來買衫，貨場剩的衫不多，亦見到有香港後生女仔買試衫，但款式唔啱我，好快就離開了，去另一間睇衫。
E.L.BLOSSOMS独栋女装(龙华分店)
營業時間：10:00-22:00
地址：民治街道梅花山庄欣梅园A34栋 (地鐵站：民治站 D 出口)
門口打卡都好靚，店內有地方給客人休息。
我又係係小紅書睇到介紹來的，與E.L.BLOSSOMS独栋女装(龙华分店) 都近，行11分鐘就到。
店內很多人，有梳化可以坐，自助形式，自己揀好就去試身，啱就去結帳就可以。
我聽到有人問，衣服最大是〝L〞，我都有收穫，不過，價錢唔平，過百蚊人仔一件。
現在有折，買2件88折，然後買四送一。
Cee喜原创设计师款工厂店
營業時間：10:00-23:00
地址：深圳市龙华区民强社区民治大道342号1881mall F1（大门口有奈雪的茶店）
朋友剛剛洗完牙，咁我就約佢係红山地鐵站等，佢由大劇院出發比我遠，剛才經過見到前面商場有大潤發，所以就入去逛一逛。
點知一逛又出事，又買左野，全都是小王子的。
大润发(民治店)
營業時間：周一至周四 08:30-22:00 周五至周日 08:30-22:30
地址：民治街道民治大道328号嘉熙业广场1、2、3层
我地與朋友在紅山站會合後就call車過去Costco，call車都是¥14.43，步行要21分鐘，call車化算啲。
當時天黑，街又多人，但沒有大目標比我定位，最後定位〝三津湯包(龍華光玖钻店)〞。
店外沒有人，人龍已在停車場內，職員話要排30分鐘，但我地不用15分鐘就入到埸內。
大家都覺得山姆比Costco好，Costco多進口東西，價錢都唔算平，所以應該會去山姆多過Costco。
Costco暫時沒有網購，如果有都可能會幫襯下。
Costco开市客 (深圳店)
營業時間：09:00-21:00
地址：新区大道与中环路交叉口西南200米（民达路68号）(地鐵站：红山站 B 出口)
入門口就是電器和文具。
我想買生果，但老公話拎返去會整爛，但我最後都去左睇車厘子，不過，被人摷到亂晒，仲要打左來揀，最終我放棄了。
烘焙
冷藏和冷凍食品
賀年商品
玩具
食品和日用品，有好多人都講過Costco的花很抵。
我發現肌研的比香港平，係萬寧一支都要HK$125，而家¥135.9/套，我剛買左唔係就帶佢回家了。
今次來係想買Lego背囊，因為在網上沒有人講，開店第2日深圳朋友過左來，所以請她幫我睇下賣價，當日的Lego背囊¥198.9/個。
今日來諗住個Size啱就同小王子每人一個，我試孭都OK，點知一望價錢，加左價¥288.9/個，加左¥90/個，見到立即掉頭走。
Lego行李箱就冇加價，都想買，但係唔喜歡個Handle。
之前係山姆已想買牛角包，但兩父子都唔食，今次小王子話食，我梗係立即放入車喇！
沿途好多車內都有牛角包，仲見有人拎住食，雖然係食佢自己買果盒，但都好似唔係咁好。
小王子話肚餓，原來已經晚上十點，一付款，小王子已經問食得牛角包未？佢一個人幹掉1.5個，仲話好好食。
現在一盒¥47.9/份，買一盒立減¥12，到手價¥35.9/盒，一盒有12個。
Costco戰利品。
我地call車去车公庙果邊食晚飯，叫師傅去到近车公庙附近放低朋友，佢要回香港，佢车公庙其中一個地鐵站口放落車。
店內有人食煙，所以我要求坐入去開放式的房，遠離凡煙，裡面冇人，我地包場。
李记湛光蚝莊(车公庙店)
營業時間：17:30-02:30
地址：泰然四路泰然科技园210栋1C之2（距车公庙地铁站D2口260米）
這間蠔都出名，終於來試了，果然冇失望，但就貴左啲。
每隻都肥，而且有啲仲帶甜味，不過，老公話冬天，所以好食啲。
食串燒就緊係要啤啤佢，一支啤和老公對飲。
串燒沒有什麼特別，但燒吐司好食。
上次去與同學仔去〝云里梦想乐园@深圳〞食完白玉串城，其中一個同學仔自己付錢請我食雪糕，剛巧〝李记湛光蚝莊(车公庙店)〞行前一個街口就是白玉串城，所以又去買甜品食。
返到酒店見前枱有外賣小哥和預備check-in的客，我都等左一陣沒有人來就上房，眼見房間空間細，仲專登訂貴少少，開行李箱都要搬去大門口，打去前枱又冇人聽，於是我落去等。
終於見到人，佢check電腦後帶我去睇房，但與我的房是一樣，仲要窗很污糟，職員話佢覺得這間比我的好。
我想她誤會左我意思，我話不介意房不美，但我介意空間細，我付了貴的房錢，但不是我訂的房型，終是我給我房間的相和用文字與她溝通，她明白了，她叫我回房間等。
等左好耐都沒有回應，打很多次電話才接，還要等多久？小孩要洗澡和睡了，當時已快1點了。
終於等到好上來，拎齊行李去睇房，第一間我地已OK，因為沒有多餘的牆，但佢話仲有一間更好，這就是我訂的房型，於是我地在第二間安頓下來。
她說房卡會由機械人送上來，臨走時還給我2張早餐卷，小孩是免費的，我仲打算早餐食牛角包添！
剛才有與她傾談，原來晚上客人要什麼都是她負責送的，所以前枱沒有人就是去送東西，真的辛苦她。
