老公鍾意龍貓套電影，由其是龍貓巴士。
我一直都想整個龍貓巴士既蛋糕，但真係好難，所以諗住請假去學整，但最終請唔到。
這個蛋糕我只是做左蛋糕部分，而糖皮公仔係由同事代勞的。
我一放工就去同事的工作室整蛋糕，同事就好努力幫我整糖皮公仔。
整得好靚，老公收到都好開心。
2015年4月8日星期三
2015年1月5日星期一
韓國菜@ilovekitchen
我鍾意食韓國野，但老公就麻麻，平時去韓國餐廳有Kimchi做前菜，見到我就會雙眼發光，而且每次都必會叫炒粉絲，但好多時份量都唔多，食到唔夠喉，仲有而家好hit既韓式炸雞，鍾意食煎炸野的我啱晒我心意。
見到有得學呢3樣野，緊係又組隊去學喇！
炸雞就Miss示範，回去自己跟食譜做。
炸完煮汁，再加炸雞撈埋就完成。
Miss既炸雞和韓式炒粉絲，2樣野都好食。
然後到我地自己炒粉絲。
Kimchi都係我地自己整，教呢個係快速版，所以一星期內要食晒。
2015年1月1日星期四
2014年7月4日星期五
小王子的誕生
自小就決家定要生一個小朋友、順產和餵母乳，
決定生小朋友時去睇婦科醫生，醫生話我身體有問題，所以婦科醫生話我有既機會係〝0〞。
我仍然每個月都會去婦科醫生check個身體情況，每星期又會去睇中醫調理身體，所以小王子係得來不易，但我都唔會寵壞佢。
花左我3、4年時間都係冇消息，最後連婦科醫生話可以做既都做晒，
再幫唔到我，係我絕望既時間出現曙光，有左小王子。
我陀住小王子好舒服，佢都冇乜點郁，又冇踢我，老公話我肥得滯，所以feel唔到喎！
食得又瞓得，到我臨生都係仰睡，仲可以自己剪腳甲和綁鞋帶，
都有人以為我孖胎，因為個肚都大。
不過，陀住第3個月有晚半夜去唔到VV，到天光就去急症，分流完即刻入去插尿袋，
跟住安排上病房，醫生話由於我子宮向後屈，加上小王子壓住，
會有咁既情況，等BB大啲就唔會咁。
住左幾日出院，返到屋企瞓左個晏覺起身又去唔到，又入急症再入院。
今次又住左幾日出院，醫生唔想我聖誕節係醫院度過，
要我係尿袋和自己放VV揀，我揀左自己放VV，護士教識我就可以出院。
小王子係7月1日出世了，原本預產期係月中，點解會早左？係人為的。
話說我去私家醫生到覆診，私家醫生計到小王子出世有9磅幾，
如果順產的話唔夠出要係2邊肩位剪開先可以出來，咁BB就會死，所以寫左封信比我，
下次去政府覆診時比政府醫生睇，改開刀。
到左政府覆診，但政府醫生話佢計到小王子出世冇大size，
佢堅持我係順產，仲約我下次覆診，但當我話如果唔夠位出要剪的話BB會死，
跟住佢就叫我入院做引產，我冇即時入，過左2日先入院。
入到院都唔係做引產，而係催生，等左2日幾用左藥都係開得2度，早上我就被安排落產房，
記得我係自己行落去，因為我都冇陣痛，其他人係被人推落去。
落到產房醫生幫我穿水，再吊催生素，頭1幾鐘都冇反應，跟住慢慢痛，陣痛開始，
到夜晚醫生睇我，都係得2度安排我開刀，可惜傍晚6點幾食左碗粥，要延遲開刀，
醫生係產房打電話幫我安排手術室話我係〝緊急開刀〞。
麻醉師嚟產房問我要全身or半身麻醉？我揀全身，佢話全身要打多支針，
最怕打針的我最後揀半身麻醉。
老公陪我去到手術室門口，入到手術室見到有幾個醫生，
又播緊音樂，我要自己碌過手術床。
麻醉師騙我的，佢幫我係手到打左粒豆，又係要打針，
我估可能全身麻醉風險大，所以先咁樣講。
做半身麻醉時，因為陣痛叫停唔好打住，因為打針唔可以郁，
由尾龍骨打入去時~堅痛，不停同自己講唔痛~唔痛~，我真講左出聲。
成個過程個人都係到震，感覺有人係個肚到摷野。
上到病房個人都仲震，話係會有咁既情況，雖然係零晨，
而且麻醉藥未過，但我都親餵小王子~好似發夢一樣。
2014年6月25日星期三
蘇格蘭牛油酥餅 (內附食譜)
我和老公都好鍾意食〝蘇格蘭牛油酥餅〞，平時買都貴，所以我就跟〝漫畫廚房〞整。
蘇格蘭牛油酥餅
食譜來自：漫畫廚房
材料：15塊
砂糖 / 糖霜 32克
鹹味牛油 62克
低筋麵粉 106克
鹽 1小撮
做法：
1.
牛油放於大盤內，室溫放軟。
2.
用打蛋器將牛油打至淡黃色企身，備用。
3.
將砂糖均勻混入(2)內。
4.
將麵粉過篩拌入(3)。
5.
用刮棒以切拌的方式將(4)混合成麵糰。
(動作越快越好，也可以用刮棒沿盤邊按壓麵糰。)
6.
用錫紙摺一個約10cm X 10cm的方盤。(錫紙用2層，酥餅厚度約1.5cm)
7.
將(5)壓入盤中。
8.
用叉子在麵糰上剌洞。
9.
放入預熱至170度的焗爐焗約25-30分鐘。
10.
取出和拆開錫紙，趁熱用刀將酥餅切成小塊。如果喜歡酥鬆一點，切開放涼便OK了。
11.
喜歡硬脆的，可把切開的酥餅放回焗盤上，將溫度調低至160度再焗約10分鐘，完成！
貼士：
l
用鹹味牛油也要另外加鹽，可令甜味更突出。
l
份量不多時，用手比用機器攪拌更方便。
2014年5月26日星期一
2014年4月15日星期二
2014年4月6日星期日
2014年3月1日星期六
DIY有機手工皂拉花
我一直對整番梘都有興趣，而另一位同事都有，所以就相約去學。
我係港島區返工，而學既地點係九龍，所以去上堂都好趕，我地一出地鐵係急步，跟住就少少跑去。
我地都趕到，但就係最遲到達，跑到出晒汗。
一去到老師話你大肚丫？我個心立即緊張，唔通大肚唔可以上堂？好在唔係，但就要小心啲。
老師話整番梘可以手打亦可用手提打蛋器打，手打就滑啲，而舊梘就靚啲，然後全部人都雄心壯志揀用手打。真係唔係講笑打到手都軟，都忘記左打左幾耐，但最少有半小時以上。
我舊梘係整比阿婆，因為佢一到冬天成日身癢，希望阿婆用左可以好啲。
果到既display
我既作品
訂閱：
文章 (Atom)