焗藍莓芝士餅 (內附食譜)

上星期，朋友約了尋日聚一聚，今次又要麻煩朋友幫我整電腦，為了答謝他常常幫忙，我就回敬他一個  〝焗藍莓芝士餅〞 。起初我都不知做那款蛋糕，但我見到Blog友仔〝小魚仔〞個〝 焗藍莓芝士餅〞~好靚，我又諗起他都喜歡吃芝士 ，所以就決定做這款。 

這個  〝焗藍莓芝士餅〞是我用了我的〝焗士多啤梨芝士餅〞  http://hk.myblog.yahoo.com/jw!e4FTxkCfHxiNryF7_X3Kboo-/article?mid=350&fid=16的餅底〝酥底〞，再加Blog友仔〝小魚仔〞的〝 焗藍莓芝士餅〞既〝芝士餡〞合併而成，因為我不是即日食，所以我更改了步驟7&8的做法。 

從雪櫃取出預備裝飾喇！   不過，我前日整到差不多零晨4點，因為我12點幾、1點才動工，但係個蛋糕放涼時間好耐，蛋糕還未完全凍我就放入雪櫃，留待明天才鋪上  〝藍莓〞&〝藍莓醬〞。好在今次有老公陪我&幫我洗野，如果唔係我一個人好驚架~好細膽，因為今日係舊曆特別日子~好驚丫。尋日早上一食完野就即刻做完未完成的程序，之後即刻入盒~出發。 

可以出發喇！   最開心的是，老公平時不吃芝士蛋糕的都吃了一件~讚好，各人都很滿意，所以我都很滿意自己的表現，唯一要改善的是  〝餅底〞，所以總得分係〝7.99〞，〝餅底〞有待改善。 

朋友：係咩餅底？  

我：係〝酥底〞。  

朋友：點解咁白既？  

我：唔知丫~但我已焗到個面金黃色。  

靚唔靚呢？    

焗藍莓芝士餅

酥底材料： 

牛油 (Butter)                         50克 

蛋 (Egg)                                         6克 

糖 (Sugar)                                  20克 

麵粉 (Cake Flour)                        55克 

杏仁粉 (Almond Powder)             5克  * 我用了無糖杏仁粉~ 

做法： 

1.       將牛油&糖拌勻，加入雞蛋，攪至白身。 

2.       加入麵粉及杏仁粉拌勻。 

3.       入爐以180度火焗至金黃色即成。 

芝 士 餡 材 料 :   

忌廉芝士 (室温)                         350 g  

砂糖                                         76 g  

無鹽牛油 (座熱)                         66 g   

雞蛋                                        99 g (2隻) 

淡忌廉                                      44 g   

餅 面 材 料 :  

藍莓醬 80-100 g  / 生果 ~ 少許裝飾 

做 法 :    

(1)         放入忌廉芝士 + 砂糖在缸內用 (1号速) 打 2-3 分鐘打至軟身。 

(2)         放入雞蛋 (分2次加入) 攪拌均，刮下紅邊芝士漿。 

(3)         停機 ..... 加入淡忌廉 (拌勻) ~ 用 (1号速) 打至軟身 。 

(4)         加入已預先預熱牛油溶液後 (慢慢拌勻) 。 

(5)         將芝中漿倒入模圈內，再放入焗盤上 ( 焗盤上再注入少許熱水 ) 。 

(6)         焗爐焗 180-200 度火 / 40-45 分鐘至芝士餅發起及餅邊變成棕色。 

(7)         從焗爐取出蛋糕，放涼大後，用保鮮紙包好，放入雪櫃。(不用脫模) 

(8)         第二日，從雪櫃取出，將藍莓醬塗在芝士蛋糕中央，即可。  

自家製海蜇 (內附食譜)

之前見到有個Blog友仔仔好鍾意食〝海蜇〞，佢想知道點整，而我知道我伯娘識整就應誠左問下伯娘，今日終於有結果喇！

伯娘趕住接孫放學，希望我沒有記錯。係未有相睇，因為我未整，我會盡快去實踐架喇！

大家密切留意！   伯娘話要用  浙江海蜇才好吃 ， 因為浙江才是〝正式上海海蜇〞 ，佢買HK$96/斤，出面可能買HK$100多D/斤，就算平都唔會平過HK$90/斤。 

〝海蜇〞要浸2日，即是你今日下午浸要到後日下午才可以吃。

自家製海蜇

材料：

浙江海蜇       

調味料：

幼鹽             適量

麻油             適量

熟油             適量

配料：

火腿             適量

做法：

1.         將火煺切絲，備用；海蜇疊好後切條。

2.         開水喉用水沖海蜇，一邊水沖一邊用手〝禁〞下&〝渣〞下。

u 因為〝海蜇〞好〝污租〞，所以用水沖時要用手〝禁〞下。

3.         第1日，用水浸1-2個鐘後就要換水，在換水時又要重覆用手〝禁〞下&〝渣〞下，要不繼重覆這步驟。

u  沖水時用手〝禁〞下&〝渣〞下，可以令海蜇薄D&爽口D。

4.         第2日，用水洗淨後，隔水再用凍滾水浸洗。

5.         用筲箕隔水，之後加幼鹽用手撈勻。

u  不要用太多鹽，因為怕會太醎。

6.         加麻油、熟油、火煺絲一起撈勻，即成。

貼士：

l  如喜歡吃辣的朋友可以改用辣麻油撈海蜇，如都不夠辣就可以吃時點辣椒油。

l  將芝麻炒香後，加在海蜇上更加香。

l  西芹切絲炒好後都可以做配料。

薩其馬 (內附食譜)

 我鍾意食〝馬仔〞有一次係〝為食貓〞睇到食譜：http://www.leisure-cat.com/frm_1478.htm想整好耐，但一直都買唔到〝麥芽糖〞，有一次琦琦見到就幫我買左，所以我可以整喇！但係唔係好成功 ，因為壓唔實~好鬆。我整好後都未切出黎~無心機，所以冇切件的相。    

大舅母係鄉下黎左，佢識整好多野食、好叻架，〝馬仔〞佢自己都有整，佢企係我旁睇點樣整，因為佢想睇下其他做法，但舅母睇左一陣就出左街lu，回來時我已經整好。 

舅母：問我整成點？  

我：都唔實翻轉個盒會甩落黎既？  

舅母：你冇用野壓實佢咩？  

我：有丫。  

舅母：你用個鑊鏟沾少少油壓實佢，就唔會痴住個鑊鏟。  

我：但係D糖沉晒底。  

舅母：你用筷子黏糖漿，滴落一碗仔水到，如果糖漿變粒珠就即是〝OK〞架喇！  

我：我用大火煮到糖黏住煲邊開始焦，就轉小火，再加麵條撈，熄火。  

舅母：你用細火煮麻。  

舅母：咁脆唔脆架？(舅母試過)  

我：好似唔脆。  

舅母：麵條煮過唔脆，糖煮好，熄火，再加麵條撈。  

同一樣野每人都有不同做法，但都可以成功，只係我都做唔到，真係蠢  ！唯檢討後，下次再黎整過。  

馬仔

面條材料： 

高筋麵粉                 130克

蛋                              85克 

糖膠材料： 

麥芽糖                     80克

砂糖                         150克

水                              65克

白醋                         2-3滴

發粉                         2克

製作：   

1.        麵粉 + 蛋 混合，搓成面糰後，碌成約2mm厚薄塊。

2.        再切成約2cm長5mm闊幼條。 (大小可隨意，愈幼細，馬仔愈實心)   

3.        煮滾油，將面條炸至金黃色， 隔乾油，待涼。

4.        糖膠材料全放進煲內以大火煮滾，至杰身轉細火，倒入面條，搞勻， 離火。 

5.        趁熱將面條倒進定型模具， 壓實。 放涼成型後， 離模，切件即成。

 

貼士： 

-          如喜歡芝麻，可先在定型模具上灑上所需份量， 才倒入面條壓實。 

-          切件要用較鋒利的刀， 否則會很易鬆散 。 

-          離模前，可先用刮刀在四邊輕刮，有助馬仔完整跌出。 

薩其馬由來 

薩其馬是一種源於滿洲的糕點，清代關冬三陵祭祀的祭品之一，由滿族人引入北京後風行全中國。「薩其馬」是滿語的漢語音譯。 

 特點：口感綿甜鬆軟，色澤金黃，甜而不膩，入口即化，味道香濃。 

命名  在坊間流傳著很多種不同有關「薩其馬」之由來的傳說，故此具體舉例： 

1.                    一個有趣的傳說是在清朝的時候，有一位在廣州任職的滿洲將軍姓「薩」，他非常喜愛騎馬打獵，當他每次打獵回來後，一定會叫廚師製作一些點心給他吃，而且常常要求創作新的點心，令廚師不勝其煩。一次將軍在發怒，埋怨廚師的點心沒有新意，廚師便隨便將碎麵塊炸成餅塊，再沾上蜜糖而成。因為廚師心感憤怒，一口唸著「殺那個騎馬的」，當將軍一問餅塊的名字之下，廚師慌忙地說出「殺騎馬！」，只此將軍將這種點心稱為「薩其馬」。 

2.                    另一個傳說是有一位做了幾十年點心的老翁，想創作一種新的點心，而且被另一種甜點蛋散中得到了靈感，起初並沒有為這道點心命名，便迫不及待的拿上了市場賣。可是因為下雨，老翁便到了大宅門口避雨。不料那戶人家的主人騎著馬回來，並把老翁放在地上盛著點心籮筐踢到路中心去，全部報銷了。後來老翁再做一次同樣的點心去賣，結果大受歡迎，那時有人問到這個點心的名字，他就答了「殺騎馬」，最後人們將名字雅化成「薩其馬」。 

3.                    另一種較有根據的故事是在當年努爾哈赤遠征時，見到一名叫「薩其馬」的將軍帶著妻子給他做的點心，那種點心味道好，而且能長時間不變質，適合帶去行軍打杖。當努爾哈赤品嚐就便大力讚賞，並把這種食物名命成「薩其馬」。 

4.                    沙琪馬源自回族。相傳乾隆皇帝入新疆，親自品嘗此糕點後，驚歎其鬆軟可口、味美清香而將其引入中原，並御賜「大救駕」美名。 

5.                    而最可靠的說法是「薩其馬」是滿語的音譯，在滿語裡，「薩其」是「薩是非」、「馬拉本壁」的縮音，擁有「切」的意思，是因為「薩其馬」屬於一種「切糕」，再加上「碼」的工序，即。切成方塊，然後碼起來。此詞最早見於清朝乾隆年間傅桓等編的《御制增訂清文鑒》。在滿文字典中，薩其馬是由胡麻及砂糖製成的一種砂糖果子(漢語稱為金絲糕)。由於當時找不到漢語代稱，便直接將滿語音譯，所以亦會出現「沙其馬」、「賽其馬」等等的稱呼。 

薩其馬以其鬆軟香甜、入口即化的優點，贏得人們的喜愛。滿洲入關後，薩其馬在北京開始流行，時至今日，薩其馬作為滿族餑餑的美味，已經從北方傳遍了全中國。但當中熱量較高(脂肪含量約54%或一件約200卡路里)。縱然薩其馬味美可口，但仍應盡量少吃而為健康著想。 

在香港，人們慣稱薩其馬為「馬仔」。由於賽馬賭博俗稱「賭馬仔」，因而有港人迷信指吃了薩其馬後，便可在賽馬賭博中獲勝。