自家製海蜇 (內附食譜)

之前見到有個Blog友仔仔好鍾意食〝海蜇〞，佢想知道點整，而我知道我伯娘識整就應誠左問下伯娘，今日終於有結果喇！

伯娘趕住接孫放學，希望我沒有記錯。係未有相睇，因為我未整，我會盡快去實踐架喇！

大家密切留意！   伯娘話要用  浙江海蜇才好吃 ， 因為浙江才是〝正式上海海蜇〞 ，佢買HK$96/斤，出面可能買HK$100多D/斤，就算平都唔會平過HK$90/斤。 

〝海蜇〞要浸2日，即是你今日下午浸要到後日下午才可以吃。

自家製海蜇

材料：

浙江海蜇       

調味料：

幼鹽             適量

麻油             適量

熟油             適量

配料：

火腿             適量

做法：

1.         將火煺切絲，備用；海蜇疊好後切條。

2.         開水喉用水沖海蜇，一邊水沖一邊用手〝禁〞下&〝渣〞下。

u 因為〝海蜇〞好〝污租〞，所以用水沖時要用手〝禁〞下。

3.         第1日，用水浸1-2個鐘後就要換水，在換水時又要重覆用手〝禁〞下&〝渣〞下，要不繼重覆這步驟。

u  沖水時用手〝禁〞下&〝渣〞下，可以令海蜇薄D&爽口D。

4.         第2日，用水洗淨後，隔水再用凍滾水浸洗。

5.         用筲箕隔水，之後加幼鹽用手撈勻。

u  不要用太多鹽，因為怕會太醎。

6.         加麻油、熟油、火煺絲一起撈勻，即成。

貼士：

l  如喜歡吃辣的朋友可以改用辣麻油撈海蜇，如都不夠辣就可以吃時點辣椒油。

l  將芝麻炒香後，加在海蜇上更加香。

l  西芹切絲炒好後都可以做配料。