雜果涼粉 (內附食譜)

老公好鍾意食涼粉，去糖水舖每次都係叫雜果涼粉~好專一的。

今日去街市買餸，老公見到涼粉想買，我話你咪買囉！

佢怕要買好大舊 ，因為我唔食涼粉，但我話好似小王子食架啵！

我同豆腐檔講要舊細啲，揀左舊細少少的比我。

回到家立即煮個糖漿先，因為又要溶又要攤凍。

夜晚食完飯就動手做，仲問老公想要大粒定細粒，係咪服侍周到呢？

小王子和老公都食得好開心，仲要添食。

呢次好似係我人生中第2次整雜果涼粉，2次都係整比老公食。

雜果涼粉

材料：1人份

涼粉             189克

罐頭雜果     50克

冰糖             81克

水                 130克

花奶             適量 (可以不加)

做法：

1.          涼粉用熟水沖洗一下，然後隔去水份。

l   涼粉買回來用不完放雪櫃，可保存2-3日。

2.          罐頭雜果隔去水份。

3.          冰糖+水用中火煮至溶。

l   冰糖水用不完可放雪櫃。

l   若見餘下少量冰糖未溶可關火，用餘下的熱力令它溶化。

4.          涼粉切粒，放入碗中。

5.          大小隨個人喜好。

6.          鋪上雜果，加入冰糖水，再加入花奶。

l   花奶隨個人喜好可以不加。