金香蜂蜜小雪紡 (內附食譜)

我一直都想用戚風模整蛋糕，但係上次整〝天使豆腐戚風蛋糕〞失敗左，又覺得個模好麻煩，所以都唔敢再試，但係近日又見到好多blog友整，所以今次我就的起心整。  

尋日朝已想整，但又趕住回去湊阿B，所以我尋晚漏夜整，好在呢個蛋糕做法好簡單，不用半小時已完成。  

今次空前絕後咁成功，尋晚我冇試味，因為夜咁肥，今朝我先試味，但都係試左少少，仲係好軟，好似雪芳蛋糕咁，又唔太甜好味。    

金香蜂蜜小雪紡  

食譜來自：自家製曲奇小蛋糕~Home-make Cookies & Petit Cakes  

材料：(份量約1個5吋雪紡模)  

蛋黃                  2隻  

蜜糖                10克  

橄欖油              10克  

水                     10克  

低筋麵粉           40克  

泡打粉               2克  

蛋白                    2隻  

砂糖                   20克  

做法：  

1.       先以180度預熱焗爐。  

2.       將10克蜜糖加入蛋黃以手動打蛋器攪拌均勻，再倒入水及橄欖油攪勻。  

3.       將已篩過的麵粉及泡打粉加入蛋黃糊內攪勻備用。  

4.       將蛋白打至起泡後將20克砂糖分次加入繼續打至挺身，用膠刮刀分出1/3蛋白糊放入蛋黃糊內以膠刮刀快手拌勻，麵糊倒入紙模內後，輕將模具在桌上拍數下，盡量減少麵糊內的空氣。  

5.       以180度焗約20分鐘取出倒扣放涼便成。  

小貼士：    

l   這是用較大的紙製雪紡模具，為免蛋糕會收縮下陷，出爐後必需立即倒扣在放涼架上至完全放涼。