復活節大食會@ 2018

慶祝復活節，平時問佢地有冇想食都冇反應，今次肥阿哥話要食春卷，我當然好冇問題喇！

平時我叫阿媽幫我買啲材料，一啲就自己買，今次叫埋大家一齊幫手買。

〝香酥焗單骨雞翼〞係為阿B而設，可能太多野食，食剩好多。

蒜蓉包為阿媽而做，冇時間，所以買一盎蒜蓉醬整，

阿媽唔鍾意個醬，咁個醬下次自己整返。

今次〝炒公仔麵〞、〝菠蘿炒飯〞和〝炸饅頭〞都係第一次整，大家都做我白老鼠。

炒飯啲飯阿媽煮得太濕，所以一pat pat，味道都唔錯。

好在有阿嫂幫手，唔係就有排先有得食。

益多軟糖 (改版) (內附食譜)

上次整〝益力多軟糖 YAKULT GUMMY CANDY〞阿嫂話似啫喱糖，今次就將食譜改動少少，做法一樣，朋友話似糕點，有時間要再研究一下先。

益多軟糖 (改版)

材料：

清水                              20毫升

魚膠粉                          10克

益力多                          100毫升 (1支)

檸檬汁                          2茶匙

粟膠 (Corn Syrup)        2湯匙

·         用同等份量的果汁可代替益力多成果汁軟糖，另可能需要加糖調味。

·         粟膠可在烘焙店買到，我是在惠康超市買的。

·         如想再甜一點的請加入約 1湯匙糖。

·         粟膠是增加黏性用的，如減去就會令軟糖爽口一點。

·         此食譜製成品約200毫升(即 16粒矽膠模 + 1小飯碗的份量)。

做法：

1.      準備矽膠模，用冷開水沖洗乾淨。 

2.      量好魚膠粉，加入清水(室溫)拌勻，隔熱水座溶； 。

3.      益力多加入檸檬汁及粟膠座熱水至粟膠融化容易推開。

4.      混合益力多及魚膠粉溶液，過篩一次。

緩緩倒入矽膠模至全滿，放入雪櫃冷藏 1至2小時脫模即成。

(脫模過程不需座熱水，一反即可脫模。)

菠蘿炒飯 (內附食譜)

終於可以整〝菠蘿炒飯〞，味道好，但阿媽煮飯煮得太爛喇！炒極都唔乾身，啲飯一pat pat，真係嘥晒！

菠蘿炒飯

食譜參考：http://tonynkaren.blogspot.hk/2017/08/pineapplefriedrice.html

材料：

雞扒                                 1塊

白飯                                 3碗

火腿 (切粒)                     3片

新鮮菠蘿 (切粒)             1個

雞蛋 (打散)                     3-4隻

提子                                 適量

雞扒醃料：

豉油                                 適量

糖                                     適量

油                                     適量

生粉                                 適量

水                                     適量

調味料：

魚露                                 適量

做法：

1.      菠蘿船做法，請參考通少做法。

2.      雞扒去皮去脂肪，切絲，用醃料醃15分鐘。

3.      下油炒火腿粒，盛起。

4.      下油炒雞絲，盛起。

5.      下油落雞蛋，當雞蛋邊凝固下飯炒勻。

6.      加入火腿、雞絲炒勻，再加菠蘿粒，下魚露試味。

7.      熄火，加入提子炒勻，即可。

益力多軟糖 YAKULT GUMMY CANDY (內附食譜)

之前益力多軟糖裝上好hit，當時已經心思思想整，但自己懶一直冇動手。

今日抽起條筋想整，又想氹下小朋友，阿嫂話似啫喱糖，等我搵日再改下先。

益力多軟糖 Yakult gummy candy

食譜來自：http://sweetheartkitchen.com/recipes/yakult-gummy-candy/

材料：

清水                              40毫升

魚膠粉                          20克

益力多                          100毫升 (1支)

檸檬汁                          2茶匙

粟膠 (Corn Syrup)        2湯匙

·         用同等份量的果汁可代替益力多成果汁軟糖，另可能需要加糖調味。

·         粟膠可在烘焙店買到，我是在惠康超市買的。

·         如想再甜一點的請加入約 1湯匙糖。

·         粟膠是增加黏性用的，如減去就會令軟糖爽口一點。

·         此食譜製成品約200毫升(即 16粒矽膠模 + 1小飯碗的份量)。

做法：

1.      準備矽膠模，用冷開水沖洗乾淨。 

2.      量好魚膠粉，加入清水(室溫)拌勻，隔熱水座溶； 。

3.      益力多加入檸檬汁及粟膠座熱水至粟膠融化容易推開。

4.      混合益力多及魚膠粉溶液，過篩一次。

5.      緩緩倒入矽膠模至全滿，放入雪櫃冷藏 1至2小時脫模即成。
(脫模過程不需座熱水，一反即可脫模。)
 

香酥焗單骨雞翼 (內附食譜)

阿B好鍾意食呢個餸，之前係用炸，今次真係烤，但今次真係用焗爐，因為我將我舊的焗爐搬左去阿媽到。

不過，可能雞翼沾得多粉，有啲焗完表面都仲有粉，要拎去再炸一炸。

雞翼直接室溫解凍，沒有跟食譜加鹽和檸檬汁，每次雞翼都係冇雪味。

香酥焗單骨雞翼

食譜來自：http://sweetheartkitchen.com/recipes/crispy-baked-chicken-wings/

材料：

雞中翼                    10隻

麵粉                        約40克

解凍材料：

粗鹽                        1湯匙

檸檬汁                    1湯匙

雞翼醃料：

砂糖                        ¼茶匙

幼鹽                        ¼茶匙

生抽                        ¼茶匙

老抽                        ¼茶匙

蒜粉                        ½茶匙

胡椒粉                    少許

紹酒                        ½茶匙

麻油                        少許

做法：

1.      冷鮮雞中翼均勻塗上粗鹽及檸檬汁，室溫約放2小時，此動作可有效去除雪藏味。

2.      解凍後用水洗淨抺乾，用剪刀從軟骨位剪開(先用手摸出位置再下刀，小心使用剪刀)；由於雞骨非常尖，如剪錯了，我建議整條骨抽走。

3.      用雞翼醃料醃最少30分鐘至入味。

4.      焗爐預熱200度，準備一個保鮮袋，放入麵粉及雞翼，封口後輕力搖晃，至雞翼全裹滿薄薄的麵粉。

5.      放在已鋪錫紙的焗盆上(如有隔油的網架就更加好)，放入焗爐共焗20分鐘，約10分鐘時反面一次，焗至金黃即可取出襯熱食用。

蜜糖燒雞翼 (內附食譜)

我又係facebook煮食group睇到Eric既〝蜜糖燒雞翼〞，今日回娘家吃食飯就整它，但係我真係睇左食譜幾次都睇唔到寫放邊層焗，所以我就放左中層，但焗完表面都冇少少燶，所以我就放最高層再焗到微微燶。

後來我上個group到問，原來食譜係有寫，我眼細睇唔到，寫左係一開始就放高層，大家千萬不要好似我咁烏籠丫！

蜜糖燒雞翼

食譜來自：http://ericsbakery.blogspot.hk/2017/03/blog-post_19.html

材料：
雞全翼                     8隻
燒烤蜜糖                 適量
長竹籤                     8枝

醃料：

紹興酒                      1湯匙
蒜粉                          2茶匙
辣椒粉                      1茶匙
黑胡椒碎                  1茶匙
白胡椒粉                  1茶匙
雞粉                         2.5茶匙
香茅                         1條
南薑                         1湯匙(切碎)
生抽                         1湯匙
砂糖                         2茶匙

做法：

1.      雞翼洗淨後瀝乾水份

2.      香茅、南薑洗淨後切碎 

3.      把雞翼放入大保鮮袋中，加入所有醃料

4.      封好袋口後搖晃，把醃料均勻分佈沾在雞翼上

5.      放雪櫃靜待3小時

6.      用竹籤由雞鎚剌入至翼尖，把雞翼固定至直身

7.      預熱焗爐200度

8.      烤盤上墊好錫紙，烤架放上雞翼

9.      放入烤箱高層，以210度焗18分鐘，反轉另一邊烤10分鐘

10.  每邊均勻塗上燒烤蜜糖，烤多3-5分鐘至金黃即成