焗爐維修

今日焗蛋糕時見已上色，但又未夠時間，打開焗爐門加塊錫紙，突然焗爐〝砰〞一聲，我都嚇親，望下個爐度門跌左落嚟！

後來用力啲閂門，焗埋個蛋糕就要被迫收爐了，老公話我太大力喎！

新焗爐2月尾先到手，咁快就爛，難得糰火著左，點算好？咁都冇辦法喇！

終於等到星期六可以拎去整，維修部係荃灣，但有點隔涉。

維修部星期六開半日趕到，一入門口見到部同一型號焗爐，爛既地方都一樣，我估呢個係部機本身問題。

放低部機要一個星期後先可取回，咁我地就去食飯和行街。

預備走既時候收到維收師傅電話焗爐整好，我隨即問有冇得拎，師傅問係咪附近，我即刻9秒9去拎，原本一星期，而家有得拎～真開心。

我問師傅呢個問題點避免？有咩方法用會好啲？師傅話冇，已幫我係裡面加左膠固定條軸。
之前有個客焗爐整唔夠一個月又要整，呢個焗爐係有呢個問題，無法避免。

頭先行街買左個袋預備下次取爐用，而家可以即刻用。