美食節@2018

今日阿媽約左大家早上7點要到荃灣圓玄學院符廌，每年都會去，因為要拜阿爺、阿嫲，而家多左要拜埋阿公、阿婆和老豆。

老公話成日留係娘家冇事做，咁我就尋日問左娣婦去唔去美食節，佢話阿B都想去。

我地拜完都係8點幾，又落好大雨鞋襪都濕晒，所以就回娘家食埋早餐，整埋一下先出發。

我地11點幾就去到，早餐未消化就行家居展先。

講座果到有位坐，而且12點係到抽獎，我地叫阿B照顧小王子就出發。

中電用戶download apps和登記就有一set玻璃餐盒送。

娣婦就發現AQ只要like Facebook就有禮物，行下見到呢個盒仔，早幾年見過已經好鐘意，而家只要like Facebook和登記就有，一個我，一個小王子。

媒氣公司答一個簡單問題就有磁石貼、爆谷和棉花糖食，答案係〝Hello Kitty〞，拎左立即回去奉獻比2位少主食，但一路行棉花糖一路溶，小王子見到咁唔食，唯有我食。

奉獻完畢再繼續行，2位少主繼續坐，行下見到〝Hilda Leung 梁雅琳〞示範，但太多人冇停留。

阿B來電，因為要清場抽獎，所以回去接佢地，我地冇人中獎，正常咁多人。

小王子話要食爆谷、棉花糖，今次爆谷硬，佢唔食，棉花糖機又清潔中，死都要係到等。

我昅到有隻公仔，用佢引小王子注意~成功，佢話要同佢影相，跟住行去美食展。

會場第一樣食$100有3款，單買$40，我地揀左雞軟骨、一口和牛、黑豚肉。

小王子係都話要食棉花糖，唯有兵分3路，我帶小王子回去食棉花糖，老公去睇下有咩野食，而娣婦就睇住阿B。

姊婦話老公排緊隊買野食，我放低小王子就會合老公，老公話雪條$5條，我買左2條比2位少主，老公繼續排隊。

我地唔係食左好多野，食物質素都OK，個魷魚筒飯好好食，老公話魷魚筒飯和帶子都係日本人煮理。

我和娣婦覺得最好食係呢個糯米糍，個皮好軟熟。

左上榴槤(娣婦)：榴槤足料。

左下益力多(老公)：唔好食。

右邊芒果(小王子)：正常。

我買左這個乳酪大人和小朋友都食得，但我係買比小王子，有4款味：原味、芝士、香蕉、核。我除左桃每款2盒，6盒$120。

今日既收穫，有買、有用coupon換購，亦都有免費的。

今日發生左小插曲，由於落大雨，我地都持左直傘，小王子行行下突然問我把傘係邊，大家手上都冇，娣婦記起頭先係講座果交左比阿B睇住，當時清場冇拎走，我地行完再回去搵，問工作人員，佢地一頭霧水，突然係頭先坐位置附近地下發現到~搵得返。