蒜乾蔥雞扒 (內附食譜)

近排成日都整雞扒，因返公帶飯方便，加上有左氣炸鍋，不用睇火。

我星期六已經醃定，今晚氣炸。

小王子近日好喜歡我整既野食，不停食。

老公鍾意食蒜頭，所以我氣炸埋醃過既蒜片比佢食。

蒜乾蔥雞扒

材料：(2人份)

雞扒                301克 (1塊)

獨子蒜            38克 (3粒)

乾蔥頭            37克 (2粒)

醃料：

豉油                2湯匙

糖                    1湯匙

水                    1湯匙

麻油                1茶匙

做法：

1.          雞扒去脂肪、一開2，洗淨隔水。

2.          獨子蒜、乾蔥頭去衣，然後切片。

3.          用醃料、獨子蒜片、乾蔥頭片加入雞扒內撈勻，醃過夜。

4.          皮向上，用195度氣炸15分鐘。

5.          用200度氣炸2分鐘。

我的磅蛋糕@全蛋法 (內附食譜)

我對整蛋糕有興趣時已想整磅蛋糕，但一直都冇去試。

尋日的起心將幻想成真，據我所知磅蛋糕材料簡單，而且都是每樣材料都係一磅。

尋日就試下全部材料都係100克，但蛋就有剩好浪費，雖然都係浪費左一茶匙。

估唔到出來成品帶點濕潤，雪左落雪櫃水份被抽按下有點實，但食落又唔太實，雪到第2日都OK，老公仲食晒~難得。

今日整大個啲，全部材料都係跟蛋既重量一樣，咁就唔會浪費蛋。

即是你用幾多蛋加埋幾重，其他材料就用同等重量，食譜超易記。

這蛋糕放落雪櫃與否，隨個人喜歡喇！

我的磅蛋糕

材料：長形模1個 {12.3cm(長) X 8cm(闊) X 6cm (高) }

低筋麵粉        112克

牛油                112克

雞蛋                112克 (2隻)

糖                    112克

做法：

1.          焗爐用180度預熱15分鐘。

2.          模具用植物牛油抺勻。

3.          全蛋打至起泡，然後分3次加入糖，全程打4分鐘。

4.          牛油座溶，加入低筋麵粉拌勻。

5.          將 (1) + (2) 拌勻，倒入模具內。

6.          用180度焗30分鐘。

7.          轉160度焗20分鐘。

8.          關火焗5分鐘，出爐。

貼士：

l   可以用普通油或牛油抺模具。

l   蛋糕可以擺雪櫃凍食。

l   打蛋冬天座暖水會易打起。

l   如果要介花，焗左15分鐘取出，用刀係蛋糕長面中間由頭介到尾。

蛋糊打到有痕跡，好似練奶咁就可以。

枕頭蛋糕 (內附食譜)

今日計劃整2個蛋糕，其中一個〝蜂蜜綠茶蛋糕〞，因綠茶粉唔夠，唯有下次先。

咁我就整〝枕頭蛋糕〞，如果你去快樂姐妹花的Facebook有短片教整。

我用橄欖油，用微波爐大火丁1分鐘加熱，整左一個6吋和一條蛋糕。

一出爐小王子話好香，微暖就切件比佢食，食左半條。

枕頭蛋糕

食譜來自：快樂姐妹花@Facebook

材料：

蛋黃                  3隻

全蛋                  1隻

煉奶                  50克

低筋麵粉        50克

蛋白                  3隻

糖                       45克

粟米油             35克

做法：

1.       粟米油加熱放焗爐，用100度焗10-15分鐘，備用。

2.       蛋黃+全蛋+煉奶打勻。

3.       將低筋麵粉篩加入(1)內。

4.       將(2)、(3)拌勻。

5.       蛋白分3次加入糖，打至濕性發泡。

6.       蛋黃糊+蛋白糊。

7.       用水浴法。

8.       入爐前櫈幾下。

9.       160度焗30分鐘。

10.   140度糖30分鐘。

11.   出爐後櫈幾下。

法蘭酥 Pizzelles (內附食譜)

今日早上5點幾醒左，因肩頸、頭痛，碌到7點幾都瞓唔返，起身做阿茂，但要簡單和快，咁就整〝法蘭酥 Pizzelles〞，個粉漿不用15分鐘就完成。

小王子被香味弄醒，不過，試食左話唔好食，我都試食左，亦都諗到點改食譜，但要落街食左早餐先。

回家立即動工，食譜更改後，小王子食完一塊又塊。

食完lunch就外出與小王子一齊去辦點事，攪左差不多成個下午才回家，真係攰死了。

部V仔係日本買要用變壓器，個變壓器又有電流聲，所以打左入冷宮，自此後都唔會係外地買電器，不過，今日用左另一個插頭就好啲，希望日後多用。

這個食譜食時唔覺甜，食左一陣先會有甜味出，以小王子和老公口味可以再加糖份。

整完會發覺部機好多油，而且要自己留意下焗既時間，我整左細塊比小王子，所以粉漿少啲就不用2分鐘，可以中途打開睇下。

法蘭酥 Pizzelles

材料：

無鹽牛油                50克

全蛋液                    50克

砂糖                        35克

低筋麵粉                70克

泡打粉                    3克

做法：

1.          無鹽牛油隔熱水座融。

2.          全蛋、砂糖拌勻至溶化。

3.          加入牛油溶液拌勻。

4.          加入已過篩的低筋麵粉與泡打粉拌勻。

5.          將麵糊裝入擠花袋中。

6.          擠入適量麵糊於烤盤中，蓋上蓋子，烘烤2分鐘即可。

E3 Club 智游天地

今日繼續放電，行程都係睇戲+玩playhouse，不過，今日得我兩母子玩。

尋日放電放得太勁，今日起身扭計，因為我地要去Megabox睇〝憤怒鳥大電影2〞，9點開場。

睇完戲就去麥當勞食早餐，順便換小王子想要的玩具，可惜換晒，唯有打比爸爸叫佢lunch食麥當勞。

夜晚爸爸來一齊食晚飯，點知連爸爸公司附近都換晒，食完飯再入去放電，放完電又話肚餓，咁就回家食麥當勞，終於換到玩具了。

自己食野好乖，小王子一對一係乖，但當多過一個一人一齊就會好曳，都唔知點解會咁。

E3 Club之前都來過，而家裝修左，又來玩下，以前入左員要收費，仲要係一年有效期，而家網上登記免費入會，做會員收費平啲，記得入會，收費詳情：E3 Club 智游天地。

11點開場，11點幾入到來人不多，但晏啲就會超多人。

努力向上爬

雖然身在最喜歡波波池個樣都唔開心，因為扭計中，可能唔夠瞓。

J Plus

今日約左朋友兩母子去玩，睇完戲再去放電。

我地約左下午一點鬆啲係APM戲院等，然後買飛睇電影多啦A夢：大雄之月球探測記。

買埋爆谷氣水入場，本人覺得好睇，又有笑、喊位，其實，我都係第一次入場睇多啦A夢電影。

散場就轉場去油塘放電，呢個場都係第一次來，朋友間中都會帶個囝來玩。

朋友之前問左平日12點前入場 (50點)、4點前入場 (75點)、6點後入場 (60點)，可以自由出入，包一大一小，可以玩到晚上9點半收舖，大約$1一點，又幾抵啵！

我地去左下午3點45分，職員提醒4點後入場 (50點)，所以我地行多一陣先。

由於剛剛清潔完，所以不是太多人。

玩完自己走過嚟飲水，今日飲晒成樽。

小王子唔要我同佢影相，佢要我朋友幫佢影，仲要係佢望鏡頭，激死我喇！

夜晚老公來同我地食dinner，食完我地又入去玩到收場，今日真係放電日。