蜂蜜宇治綠茶蛋糕 (內附食譜)

尋日下午要去小王子學校聽講座請了半天假，回到家食完左lunch就開壇。

之前應承左小王子整綠茶蜂蜜蛋糕，加上小王子今天去菲臘牙科診所補牙，所以就整蛋糕送比醫生學生，多謝佢耐心對待小王子。

我將之前的〝台灣蜂蜜蛋糕〞加左綠茶粉，當然要減低筋粉喇！雖然蛋糕唔係好升，但食落都係軟軟的。

我個心一直都好擔心蛋糕唔係好高好似唔似咁，但醫生學生與其他醫生和姑娘分享都讚好。

夜晚同小王子落街玩都送左一件比同學仔媽媽，佢都話好食，咁都好啲。

我唔喜歡綠茶，都試食了，帶點綠茶的苦味，如果係你可以加點糖。

我都問左原食譜作者，佢話用綠茶粉或朱古力粉係會唔太升的，不過，唔駛擔心，雖然如此，蛋糕都是軟軟。

這個蛋糕唔駛用烘焙紙，直接將麵糊倒入蛋糕模拎去焗就可以。

蜂蜜宇治綠茶蛋糕

食譜來自：快樂姊妹花~台灣蜂蜜蛋糕

材料：6吋正方形

蛋黃                                4隻

菜油                                40克

蜂蜜II龍眼蜜                40克

溫開水                           40克

高筋麵粉                       60克

宇治綠茶粉                  12克

蛋白                                4隻

砂糖                                45克

做法：

1.       油+水+蜂蜜攪勻後，放在小鍋，中火10-20秒，即離。

2.       用燙麵法，篩入高筋麵粉+宇治綠茶粉，拌勻，一口氣加入4隻蛋黃，迅速拌勻。

3.       糖分3次加入蛋白中，打發至蛋白不流動，有小彎勾。

4.       每1/3蛋白跟蛋黃糊快速攪勻。

5.       入爐前震出空氣，倒入模內，焗盤加入熱水。

6.       160度15分鐘。

7.       140度50分鐘。

8.       關爐火悶5分鐘。

9.       出爐後震出空氣。

10.   涼透後切件放入雪櫃。