Switch

今日老公公司Annual Dinner，例牌有抽獎，老公影左啲獎品比我睇，我立即覆佢，如果你抽到部Switch就好喇！

小王子勁想買Switch，不過，我和老公都覺得冇咩好玩，加上家中已有部Wii，雖則係舊，但都叫有部機玩，而且我地放假先比佢玩，加上放假通常都出左街，所以都好少玩。

夜晚9點幾收到老公what's app張相係老公領獎，佢真係抽中左部Switch！

原本我和小王子係床到預備瞓，小王子知道消息立即戀下戀下，我問係咪想等埋爸爸先瞓丫！佢當然點頭喇！老公回來小王子又攬又讚，真係現實。