坪洲生日之行

今年疫情下小王子的生日去左坪洲，兼帶小王子再去尋貓的足跡，可惜失望而回，可能時辰未到，一隻貓的踪影也沒有。

上次來〝搵食‧聚舊@坪洲〞食唔到最想試的蝦多士，今次一定要食到。

祺森冰室

地址：坪洲坪洲永安街3號地下B舖

營業時間：08:00 - 16:00 (星期二至五)、08:00 - 16:30 (星期六、日)

休息：星期一

餐牌

小王子入到去坐低話肚仔唔舒服，唔食野，唔知係咪頭先係船食左包蝦條仔出事？但平時都係咁食。

蝦多士：老公都讚，裡面有原隻蝦，仲有薯蓉~好Creamy。

小王子個樣唔係好掂，都食左少少蝦多士，跟住問有冇野飲，我地為提起佢興趣叫左杯〝菠羅冰〞，菠羅係用新鮮菠羅整，佢好鍾意。多得呢杯野，佢成個人醒晒。

吉列豬扒三文治：老公話冇咩特別，但我覺得好香蒜蓉味。

滑蛋照燒雞扒飯：真係冇得別，可以試其他，唔好嘥Quota。

食完行去隔離街食南乳芝麻飯，上次又係冇食，問個個都話唔食，一個人食我又怕肥。

今次唔埋食左先講，老公唔食芝麻，小王子試左少少話苦，呢啲唔係苦係芝麻既味道。

不過，試一次都夠，都冇咩特別。

A NOY 麵包舖
地址：坪洲坪洲永興街11號地舖

營業時間：05:30 - 17:00

休息：星期一

我地行到好入，沿路一隻貓影都冇，唯有小王子自己扮下貓。

我地坐船出去睇小王子近日愛上的〝角落生物〞，因為戲院音響大聲，開場例牌賣下廣告，一定嘈，小王子雙手掩耳，話下次都唔去睇戲，我就覺得唔會囉！佢睇得不知幾開心。