NeNe Chicken

我好耐冇食晚餐，尋晚我開始試食返晚餐，今朝磅重左少少。

今晚都會照食晚餐，跟住weekday就仍進行213斷食。

小王子想我同佢食夜晚飯，而且我覺得長期斷食都唔係辦法，咁我就試weekend食餐。

今晚等小王子放學就去食飯，雖然我食晚餐都要求的。

我揀左食韓國炸雞，呢間之前去韓國食唔到，而家可以試下。

NeNe雙重滋味炸雞(無骨) $178：招牌crispy、大韓廚師

滋味追加_脆薯條$20

難得可以叫2種味，有左小王子後我好少食辣，我就揀左一款辣，唔知係咪我少食辣，〝大韓廚師〞食到我流鼻水。

小王子話招牌crispy好味，仲追加左薯條，我都破戒食薯條，因為好香脆。

正宗韓式牛肉野菇鍋 (配飯)$84

老公讚這個好食，不過牛肉鞋，我都試左，個湯真係好味，老公飲左好多。

小王子嚟呢到食好開心。

商埸活動消費滿$300就可以玩一次夾公仔一次，可惜小王子教好位置大力一拍，隻抓落都冇落就完，真係激死人。

佢地夾緊我就周圍去行下。

老公再用商場會員積分換多次夾公仔，結果緊係夾唔到喇！我見有幾個人夾到上去，但都係趺返落去，唔成功。