第一次去果欄

今日突然想去果欄，老公話想就去。

由於今日遲左食lunch，所以問下去開既朋友果欄開唔開？幾多點收檔？

咁啱有個朋友剛去左買完生果，話應該開到5點。

3點多啲就出發，我地一家三口3個人都係第一次入去，好似大鄉里出城咁！哈~哈~

我地行晒先再睇下買啲咩和去邊檔買，真係好迫人，條路好難行。

我地係同一檔買左塔斯曼尼亞車厘子、日本晴王和熊本士多啤梨，而台灣車厘茄，芒果，西梅就係其他檔買

原本諗住食完晚飯先整生果餐，因為怕佢地食飽左生果食唔到飯，不過，又怕佢地食左晚飯又食唔到生果，好矛盾，最後都係食生果餐，因為生果唔擺得。

小王子食得好開心，仲話食完再去買過，我話仔要錢架！我地已KO左提子。

今晚整左〝韓國泡菜豆腐鍋 김치찌개〞夠簡單又快，小王子話要食炒麵，所以係lunch既時候買左。