蠔油牛肉 (內附食譜)

老公好鐘意食呢個餸，但我唔常煮，見今日有客來，加上好耐冇煮，就用它來宴客喇！

這個餸我都係N年前上網睇到食譜，小王子都讚個牛肉好食，這一碟大家都清晒。

今日小王子玩得好開心，有咁多人陪佢打機。

上次煮左韓+日式，今次中式，如果佢地下次來我都唔知煮咩好。

蠔油牛肉

材料： 

牛肉               280克

菜心                      1斤

蒜茸                       1湯匙

調味：

水                          1湯匙

糖                           1茶匙

生粉                       1 1/2茶匙

生抽                       1湯匙

油                           1 1/2湯匙

獻汁：

水                           4湯匙

蠔油                       1 1/2湯匙

糖                           1茶匙

生抽                       1茶匙

老抽                       1茶匙

生粉                       1/2茶匙

麻油                       少許

做法：

1.        將牛肉切片，加調味料醃約1/2小時。 

2.        燒2湯匙油，爆香薑片，加入蔬菜炒透，上碟。 

3.        燒3湯匙油，爆香蒜茸，加入牛肉炒透，倒入獻汁，拌勻，將牛肉排在蔬菜上。    

備註：  蔬菜可以烚，不用炒。