拍拖22周年紀念

今日係我與老公拍拖22周年紀念日，所以一早book左酒店去Staycation。

之前〝結婚17周年〞去過海洋公園Staycation，由於service唔好話唔再去。

今次會去的原因是有包Dinner Buffet Package，同事極力推介，所以就比多次機會喇！

Package的Dinner Buffet包2個大人，而且係second round的。

由於有阿仔，所以我要打去訂位，我話怕小朋友肚餓，職員知道後幫我轉左食first round。

在此事上對酒店有點改觀，可惜阿仔有份參加的晝展撞期，所以Dinner Buffet又要打去改回second round。

我地Check-in時，中途都發生左好多野，都唔記得咩原因職員將我地upgrade去行政套房。

今次我好滿意間酒店，每個職員態度好好，有機會下次都會再去。

酒店房厠所，upgard左有日式風呂浴缸，普通房係冇浴缸的，浴缸旁邊係可以企係到沖涼，即是同一時間可以2個沖涼。

今次係周年紀念，係網上book房時已打左remarks，但收email唔見到，check-in時再問，真係冇顯示，職員都好好立即送返個朱古力比我，不過，呢個應該係生日的，周年紀念應該是士多啤梨配朱古力醬，但咩都唔緊要，最緊要係職員態度，比上次好好多。

小王子好鍾意食這個朱古力。

未夠鐘食buffet，小王子就去隔壁玩下，呢到而家唔駛book，上次又要book又分段。

我見8點就走去問係咪入得場，職員話20:15開始，食到22:30，咁唯有再等下。

冷盤對面就係日式區。

熱盤，有我最鍾意既龍蝦，仲要係熱架！仲有2款汁。

有2款麵食，雖我喜歡食粥粉麵飯，但食buffet我係唔會食既，因為留番位食其他野。

我第2和第3碟都係食甜品，仲食左4-5粒馬卡龍。

老公話燉湯好飲，飲左2盅，但材料我的茶，所以我冇試。

甜品種類都OK，我都食左2杯雪糕，不過，Candy Corner就冇之前同事影比我睇咁多。

小王子頭先玩到頭髮都濕晒！佢讚叉燒好食。

回去時，小王子見到我地住個棟酒店樓下有企鵝又要影下相。