香蕉糕 (內附食譜)

今日約左朋友，我見自己好耐冇做阿茂，就諗住開爐整蛋糕，後來都係懶就放棄左。

不過，我又想整下野，就轉整合桃酥，但又冇晒臭粉，最後整左中式。

我鍾意食香糕，這食譜多年前用過~好食，糕身好軟身。

全個成品都與街一樣，係唯獨欠了香蕉糕陣味。

因為買唔到以前用開的香蕉油，用左係超市都買到既香蕉油，聞落陣味真係差啲。

製作過程：

• 香蕉糕一向都係甜，本想減糖，但睇返之前家人的意見~甜度OK，好在冇減，因為真係唔甜，呢個真係減糖版。
• 我放涼左5-10分鐘先切和上糕粉。
• 切的刀沾上糕粉，咁樣就唔黏刀。

香蕉糕

材料：(28條，8吋正方形模，長5cm闊1吋~長形)

糯米粉                              200g

粘米粉                              85g

砂糖                                  150g

溫水                                  265g

香蕉油                              1 1/2湯匙

糕粉 / 熟糯米粉              適量

做法：

1)      將粉類過篩，其加入砂糖混合。

2)      加入暖水攪拌，並加入香蕉油。

3)      把己混合好的糊倒入已掃油的模中，用中大火隔水蒸15分鐘。

4)      熟後取出香蕉糕，其切成條型，趁熱沾上熟糯米粉。

 

備註：

l  熟糯米~可以用白鑊將糯米粉炒至金黃色即成。