滷水牛輾 (內附食譜)

今日返娘家為7月之星攪大食會，諗起之前肥阿哥比左條牛輾我都未整日，其中一味就是它。

前排問過新相識的朋友如何整滷水汁，佢講左用咩香料，但冇份量，咁就自己調配一下。

幸運地只是冰糖需要加，其他味都夠。

老公話個汁好香，我都覺。

以前一直都是用滷水汁，而家就可以有自己的滷水配方了。

製作過程：

• 起筋膜用左好多時間，後來睇返阿蘇條片才發現錯了，好在有2條。
• 出錯的牛輾比較鞋。

滷水牛輾

參考做法：https://www.youtube.com/watch?v=ovDP-YkeOig

材料：

牛輾                       770克

桂皮                       2克

草果                       1粒 (4克)

花椒                       1克

八角                       1粒 (1克)

香葉                       2片

蒜頭                       3粒

水                           1150毫升

豉油                       290克

老抽                       20克

冰糖                       122克

 做法：

1.         香料放入茶袋內，備用。

l   用袋裝起香料，以免黏在牛輾上。

2.         煲滾水，加薑蔥，放入牛展，待水再滾立即熄火。

3.         取出牛展，過冷河。

4.         用剪刀除去牛展的脂肪和筋膜，用水洗淨。

5.         將調味料和香料包放入煲內，煲滾試味。

l   記著一定要先調校好汁味。

6.         待汁滾後放入牛展再蓋上蓋，待大滾後立即熄火，焗1小時，重覆此步聚2-3次。

l   千萬不要打開蓋。

7.         蓋上蓋待涼放入雪櫃，吃時取出煲滾，熄火焗一陣。

8.         切件，即可享用。

 

備註：

l   滷水汁可留在雪櫃內再用，不過間中要翻熱。

l   留下的滷水汁下次再用時，要再試味和調味，因為添加肉可能會令汁味道變淡。