今年結婚19周圍決定帶小王子去廣州，小王子第三學期考試其中一課是廣州，介紹五羊石像、廣州塔和聖心石室大教堂，佢話要去睇，仲要食艇仔粥。
順便去台山玩下，因為小王子幼稚園有2個好同學仔都係台山人，暑假佢地都會回去。
廣州就緊係去埋融創滑雪，在網上睇左好多資料，去果到好似有點遠和複習，而且網上都講到我想知既野，最後都係決定參加廣州2天團。
期待已久等到了，今日天氣不好，自行過關係羅湖等，等齊人就去上旅遊巴，可以風雲變色，又塞車旅遊巴入不到來，唯有冒住刮大風下大雨去上車，已帶備雨傘，但都全身濕透，然後去深圳灣接埋另一班團友，到深圳灣就沒下雨了。
在廣州融創茂落車時，我背部仍是濕的，真是很想去酒店梳洗一下。
小王子一見到企鵝立即要影相。
對面座野都幾靚。
浩浩蕩蕩行入商場，導遊講解完畢就散隊各自去食lunch先，然後再回來在〝廣州融創水世界〞門口集合。
導遊話以前可以派入場卷各自入，而家改了要集人一齊入。
原本plan好要食的店太多人，時間不多，最後去食麥當勞。
小王子好乖全程跟實導遊。
入閘後就見到租locker地方，而左邊係女更衣室、右邊係男更衣室。
Locker租金是$35，而押金$15，押金還手帶時會退回。
手帶可以充值，我充左$200，用剩的就離場還手帶時會退回給你，入左錢就可以在場內消費，紅色手帶是女、黃的是男。
場內有野食又有野買，有些項目需要租水泡的。
我係淘寶買左潛水鞋，因為著拖鞋覺得麻煩。
你玩緊時間要除鞋，有地方比你擺放鞋。
救生衣只有小朋友。
超多人。
奇幻漂流的水泡要租，需要$55，可以漂流一圈，水泡有2座位或3座位。
小王子玩得好開心，
漂流期間周圍影下。
我地玩大喇叭，這裡一個地方有2條隊，見工作人員不停放左邊，但我排右邊又唔多放行，令到我個心不停鼓譟。
終於等到我地上去，上到去才發現原來另一邊是玩龍卷狂風的。
我地一家三口，再加2個估計都是十幾歲年青人，一個圓形水泡坐5個人，玩法好似洗衣機咁。
我不停叫，小王子又好驚，好在小王子旁邊個女孩幫忙照顧和安惠他，因為我自己都覺得刺激。
椰林穿梭基本上是小孩玩的地方。
我未預備好就到。🙈
〝廣州融創水世界〞沖涼地方有浴沐露和洗頭水，但沖涼地方就唔多好。
- 浴簾唔太夠遮住格。
- 格左右2邊近牆位置係望到隔離，闊度有一隻手掌闊。
- 沖涼的水會流過隔離，老公話沖極都有泡，好在我係最後果格。
- 格內沒有位置掛衫，只有格外有一個掛鈎(沒有鈎)，但袋衫重就會趺落地，老公話男的是有鈎的。
我地離開〝廣州融創水世界〞就去〝空港暻阁酒店〞。
一打開門窗簾就自己打開，房間由黑變光，好日式feel。
風筒仲係Dyson，老公話Dyson係國內好平。
晚餐係酒店食Buffet，團包埋，食物種類不太多，好似導遊話齋好過食圍餐。
估唔到有啤酒飲，我當然冇飲，留返Quota食其他野。
我就只食左這些。
我地試左好多雪糕和雪條。
補返張酒店外貌。
我地跟導遊指示行去附近的小區，被我發現有間超市，原本有收穫，但老公話你要拎住幾日，最後都係夜低左。
沒有留言:
發佈留言