早餐在酒店食Buffet，尋晚Buffe食第2輪，早餐就食第一輪，因為導遊好貼心，怕有團友食完早餐要去下厠所，又要執下行李。
早餐有中式和西式。
我又整左炒麵多士。
小王子第一次幫多士比我，可惜燶左，我都照食，食完有點喉嚨痛，但都抵。
今日行程就去〝廣州融創雪世界〞，會場提供雪褸、雪褲和雪鞋，要排隊取用品。
雪手套可以在場內買，但我就自備。
起初都唔覺凍，凍慢慢就會向你侵襲~真係超凍。
睇下小王子就知幾凍，入左來十幾分鐘就話要走，但我地一樣項目都未玩。
樂迪佢地係國內應該好紅，我見好多地方都有佢地影踪。
老公一個人玩，然後係下面幫我地怕片。
我地只玩左一個項目就閃人，除左因為凍，就係樣樣都太多人，玩完又要去食飯再去集合下一個景點，所以都係早點吃lunch。
這裡工作人員態度不好，可能多人做到燥，還衫要排隊，鞋就咁擺呢到就得。
原本入左間韓燒坐低左，但店員話現時多人上菜會比較耐，聽到立即走人，因為仲有一個鐘就要集合。
老公揀左食越南野。
探越小馆·越泰料理
地址：花城街道凤凰北路63号广州融创茂3楼
營業時間：周一至周日 11:00-21:00
芭提雅青木瓜沙律 (小份，微辣) ¥22
泰國飛天通菜三巴醬 ¥36
明爐冬陰功湯 (單人份，微辣) ¥32
越南火車頭檬粉 ¥49.9
三巴醬炒海鮮 (微辣) ¥68
椰汁香芒糯米飯 ¥32
椰汁西米糕 ¥26
越式金橘百香果茶 ¥20
一坐低職員就話有蝦片送，只要係大眾點評打卡，我就將電話交比職員代勞。
食飽飽到左集合時間，下站去睇馬戲。
小王子第一次睇，佢好鍾意，其實，仲有去融創樂園，包入場，項目要自費，導遊問左大家冇人去，所以取消呢個項目。
睇完馬戲又落大雨，又係有傘都唔掂。
導遊車我地返廣州融創茂附近，我地就下車，因為我地唔隨團回港。
展開我地自己既旅程了，去廣州融創茂門口call車去係酒店。
我入到去見酒店名唔同就問下，原來是同一間，入住先知係商廈入面。
不過，我唔會再住，我揀呢間係因為對面就係五羊雕像，老公話酒店房望過去見到五羊雕像頂。
- 前台服務麻麻。
- 打電話去前台比多個枕頭，到走都唔見影。
- 電視係投射，但睇唔到電視，只可以用手機投射落屏幕睇，所以冇開。
- 小王子發現小孩被有血跡。
- 牛牛櫈是用線修補過。
- 有雪櫃，可能冇插電制，一打開就好臭，所以冇用。
- 洗手盆枱上頂有個窿，而且見到枱上有小昆蟲。
美遇优品酒店（广州火车站店）
地址：解放北路899号锦洲国际商务中心1楼，越秀区，广州
房間好大。
小孩睡的地方。
厠所，風筒係傳統款。
我地行路去越秀公園，沿路行上去好多蚊。
越秀公園
營業時間：0630 - 2130
備註：五羊雕像
終於到了，小王子行左個圈，話佢有個大pat pat。
同小王子一齊玩下。
這間我係跟廣州Youtuber介紹去的，店唔大有5張枱，舊式。
巧美面店(惠福东一店)
營業時間：07:00-22:00
地址：惠福东路401-403号铺
我食五寶，而小王子食細蓉，老公話細蓉的雲吞冇蝦。
老公話雲吞一般，但麵好彈，我覺得兩樣都OK。
起初以為一碗得3粒，再來一碗又多一粒，最後一碗共5粒，原來每碗都有5粒的。
傳統雲吞面 (細蓉) ¥21
鮮蝦雲吞面 ¥24
五寶雲吞面 ¥25
小王子好鍾意食，不過雲吞就食唔晒。
食飽就去〝石室圣心大教堂〞，剛才問左店員方向，然後再沿路問人。
我知已經唔入得，但見到入面有人，可能係望彌撒，就問下職員，佢態度麻麻話唔得，唔得就係外邊影下。
石室圣心大教堂
營業時間：0900 - 1130、1430 - 1700 (Tue - Fri) 周一: 全日关闭
地址：一德路56号
下站就去〝广州塔〞，塞左好耐就落車。
塞到來已經停止售票冇得上塔。
Call車好耐先有車，好多接左見佢車又唔郁。
返到去酒店附近便利店買甜品。
沒有留言:
發佈留言