花雕焗花甲 (內附食譜)

今日係老公生日，佢想食海鮮，仲要食龍蝦添！

今年我都諗唔到整咩蛋糕，加上自己懶，所以就實現他的願望，整海鮮餐啦！

上星期六去左朋友個妹家BBQ，他妹妹就整左一款她其中一款拿手好戲。

真係好好食，而且做法簡單，就今晚來試做。

她說用花雕，加少少鹽，再多少少糖，少少杞子和少少桂花陳酒，如沒有桂花陳酒可以不加。

我整既時候都忘記加杞子，而桂花陳酒都沒有加，因為未買。

老公和小王子都食左好多，下次回娘家都要整，真係超易。

花雕焗花甲

材料：

花甲                         718克

花雕                         33克

鹽                             1/8茶匙

糖                             1/2湯匙

做法：

1.         花甲用清水加鹽浸最少1小時。(用食譜以外的鹽)

2.         花甲用水沖洗，隔去水份。

3.         花甲加入Bruno的盤內，加入花雕、糖和鹽。

4.         蓋上蓋，用最大火焗至花甲全部開口，即成。