澳門+珠海 Day 2

上星期訂淘寶到貨，但有件衫要退回，所以順手拎來珠海寄。

我問左深圳朋友點寄件，佢話平時收件與退件地址一樣，運費是免費的。

佢叫我係微信小程序搜尋順豐速運公眾號下單，大約RMB13。

今早6點幾就預約順豐早上8:00-9:00來收件，然後就可以係小程序睇狀況。

不過，我過左9點都未來收件，所以係小程序內send信息比快遞員。

佢話我電話打唔到，無理由尋晚美團我都接了幾個電話，佢叫我等多陣，但我話今日我要退房了，最後過多十分鐘就到了。

快遞員需要我的回鄉卡Number，然後佢打單，再幫我入順豐袋就完成了，運費RMB12。

完成寄件就叫小王子起身，落去食早餐，然後就去放電。

創新方咖啡廳不多，出發前已經係大眾點評搵好資料，去到未開店。

我同小王子周圍搵食，估唔到創新方近早上10點好多店都係未開，小王子話佢唔肚餓，最後都係冇食早餐餓住肚同小王子去放電。

今次忘記帶防滑襪，所以要在現場買大小同價¥10。

Locker和擺鞋的門口兩旁都有扭蛋機，見到有洗手盤和垃圾桶行入去望右邊就見到。

Pokiddo口袋屋蹦床公園

營業時間：周一至周五 11:00-20:00 ；周六,周日 10:00-21:00 

地址：横琴新区智水路82号（创新方2层）

Locker有好多，由於我早來，所以基本上沒人用的。

剛才有職員講左Locker是¥10，按每小時扣¥2，扣剩就會退回給你，但若超過¥10，不會額外收費，因為封頂是¥10。

以下是租Locker的步驟，不過，我在租Locker時在輸入密碼出現問題，如圖8，問職員也幫不到，後來我自己發現原來密碼是6位，但我set了4位，所以如出現圖8的視窗不用怕。

租Locker完成就會出現以下晝面，你去你所屬的就可以，但開門比較慢，我等左約半分鐘才開門，Locker可以中途開的。

付款後戴上手帶，嘟手帶上的QR Code出入閘。

場內設施

場內設施

有歷奇，全部都是小朋友玩。

一入去就玩彈彈床

小王子10歲仍很喜歡玩波波池。

剛才打電話叫醒老公，現在12點鬆就返酒店寄存行李先，尋日問大廈地下前台可以有這項服務，然後去食lunch，因為我餓扁了。

小王子與我地一樣喜歡吃牛，所以就揀左間西餐。

我地係大眾點評買團購，【美味尊享】雙人牛扒套餐¥388。

卡斯餐酒馆 KEIZER·THE GRILL(创新方店)
營業時間：11:00-22:00
地址：横琴新区智水路82号110（创新方一楼)



店內的裝修和擺設都很復古。



特飲 (2杯) ¥76



蔬菜焙煎沙拉 (1份) ¥48



黑松露野菌意面 (1份) ¥58



小甘藍彩椒香腸拼盤  (1份) ¥78



新西蘭牛肋條  (1份，250克) ¥198



卡斯特色烤雞 (1份) ¥138



大眾點評寫評論就送薯條，但我地未寫就送來了，我就緊係有寫評論喇！



之前係Facebook見到人肉夾零食機，我和小王子已經好想玩，但唔知係邊。

有一次無意中係Youtuber睇到創新方介紹Pokiddo口袋屋蹦床公園有人肉夾零食機，但有人望住我都係冇玩，只有小王子玩。

我係大眾點評買團購，然後去前台驗證，然後取飛仔、排隊。

小王子出發喇！





個袋要¥3係前台買。



繼續入場玩，由於唔好玩，所以老公就唔入係外面等我地。

其實商場都有Locker，係尋日西南門入口前方的厠所位置。

我諗住尋晚來影夜景，但尋日行程調動，改了現在來。

地方都大，但建築物來來去去都是差不多，靚位又多人自拍，所以我都冇自拍到。

天氣熱快快行完、影完就去與老公和小王子會合，因為佢地去商場坐低飲野等我。

珠海励骏庞都广场

晚上开灯时间19:00-23:00 (注意22:00就有一些灯会陆续关了)

地址：珠海市香洲区琴政路38号（横琴口岸正对面）

我係芝士控，之前係大阪食過老爺爺蛋糕好喜歡，幾年後(深圳之旅2019@Day 1)無意中係領展中心城發現有一間，味道與大阪一樣，但之後唔知點解關門大吉了。

今次又係又無意中係珠海見到，開心到我彈起，買返酒店一陣食。

瑞可爷爷(励骏庞都广场店)
營業時間：1000 - 2200
地址：广东省珠海市横琴新区琴政路38号励骏庞都广场B1 B044

我地就離開call車返酒店取回行李，再call車去另一間酒店。

這間服務一流，有人幫你開車門和拎行李。

酒店大堂有Wellcome drink、糖和咖啡。

珠海棕泉水療酒店（拱北口岸高鐵站店）

地址：拱北僑光路222號, 香洲區, 珠海, 519000

一入門口左邊有一對好大的趟門，大到兩手攤開都唔夠對門闊。

趟開門就是厠所~好大，有個大圓形浴缸，乾濕分離，不過，衣櫃都在這裡。

酒店房的空間都OK大，缺點就係有枱冇櫈，冇USB插頭，但就有火牛分線器駁住3條USB插。

Settled down就品嚐剛才係瑞可爺爺買既蛋糕先，原本唔係買咁多，但店員不停sell買三送一。

起司蛋糕質素差左好多，極頭同以前唔同左，下次都唔會再買，但曲奇餅就好好食，很酥鬆。

芝士女王卷 ¥23.8

超大海苔包 (蓬鬆感) ¥19.8  

迷你招牌起司蛋糕 ¥20.15

手工黃油曲奇餅乾 ¥23

壁畫村係珠海站對面，與酒店距離約12分鐘，所以我地行過去。

老公和小王子又係搵位坐低飲杯野等我，壁畫不多，好在係酒店附近。

来魅力壁画村

營業時間：00:00-24:00

地址：昌盛路66号、74号

影到中後段落超大雨，拿拿淋去搵返兩父子先，條街好似河流一樣。

我地等到細雨少少就離開去食晚飯地方，但雨勢太猛，最後都係改晚飯地點，就揀左係村口天橋上的燒烤店。

天桥烧烤
營業時間：11:00-02:00
地址：拱北街道昌盛路66号

又唔覺意去到間好吃的燒烤

小王子期待好耐了，可以浸浴玩水。

小王子突然間話，我咁樣咪可以睇到電視囉！我真係醒，真係俾佢笑死。

佢打開咗廁所另一度大門，邊浸浴邊睇電視。

肥阿哥問好唔好食？又問回到本嗎？

小王子沖涼後立即試，一睇就知好唔好食喇！

一共夾左42包，原本可以多啲既，佢對腳夾唔實跌左啲。

小童牙刷又幾好，有吸盤的。

其實，酒店有關口和口岸接送服務，而且有水療卷。