Day 1：金光華廣場→東門→酒店→怡景中心城
今年小王子暑假我決定請一星期假陪佢，在職媽媽會明白我點解咁做。
老公公司忙，所以只可以請到一日假，我就plan左8月10-12近近地返深圳玩下。
今次想去睇下衫，有時都會去淘寶買，北上可以睇下實物。
我早上睇到youtuber介紹邊到買衫，因此將3日行程調動了，抱住期望去，最終只有失望。
我每次book酒店都會Remarks寫〝Double Bed〞，每次都冇問題，今次有問題。
上到酒店房，發現床係2張雙人床合埋成一張，中間凹左落去小王子點瞓丫！立即落去Reception問個究竟。
前檯竟然給我既答案話佢地酒店係咁，佢堅持冇錯，係我有問題，仲同我講每張床既尺碼是多少，我理得你總之我只要一張床就可以。
入到房的大小與上一間一樣，但張床係King Size Bed，張床可以瞓到5個人，真係超大。
行到又熱又攰，終於可以御低行裝休息下，然後出去食晚飯。
酒店附近有個商場，在地圖上叫怡景中心城，想提大家商場內叫中心城，其實，怡景中心城=中心城。
*********************************************************************************
我地係羅湖過關，第一站就去位於金光華商場的親子餐廳，這間親子餐廳算唔平，但食物質素和員工服務態度值。
落單要掃QR Code，但要登記，同佢講冇大陸電話，佢就會比部ipad你落單，食完就係門口付款，現金和微信都可以。
小朋友入場費不能叫餐抵銷，但包了一對全新防滑襪。
大人入場費可以叫餐抵銷，大人都要著防滑襪，$10一對全新，我只買了一對。
我地拉住個行李喼，不能帶入去，前檯可免費保管。
我都諗住買左對襪，但唔著，不過，我行返出行時，店員叫我著返對防滑襪。
用餐+玩是2小時，小王子玩到唔走，都要走，因為店員提醒超時十分鐘要付CNY10，大家要注意嘞！
波波池親子餐廳 Bossbabe Kids Café
地址：金光華廣場 L5-003-007
營業時間：1000 - 2230
車程(2分6秒~CNY2)：羅湖(1號線)→國貿
收費表：
Mon - Fri：$68 (大人)、$138 (小童) (180分鐘)
Sat, Sun, PH：$68 (大人)、$168 (小童) (120分鐘)
每個家庭都有條手帶，可以將locker打開放鞋，就在入口處，防滑襪質地厚實~不錯。
店內地方都大，有波波池、廚房、超市、閱讀區(係閣樓)、玩具區，仲有啲擺設供影相。
店開早上11點，我地11點幾去到人不多，到12點幾就開始多人，走的時候差不多滿座了。
兒童肉醬麵搭配香腸：CNY58
我怕小王子整污租件衫，用紙巾攝住小王子件衫，店員見到立即問我要唔要口水肩，咁就唔怕小王子食得大意喇！
菠蘿蜜梨汁：CNY42，都好飲，但甜，應該係新鮮打，因為擺得耐會有沉匹澱物。
獅城叻沙：老公讚，個湯好好飲。
Boss漢堡：我都大讚好食，漢堡係手打，夾左沙律菜、蕃茄、菠蘿、芝士醬汁，咁既組合唔會怪，個包又軟綿綿。
呢間啲嘢平，係香港有見過，但唔記得係邊，有雜貨之餘，仲有服飾和袋。
我都有試衫，但唔好睇，小王子就買到野。
NOME
地址：金光華廣場B2層B2-011號
營業時間：1000 - 2200
到左今日既重點去東門睇衫和睇整蛋糕用品，天氣太熱，我安排左小王子和老公在麥當勞等我，買埋野食比佢地我就獨自出發。
首先去宝华楼、西華宮睇衫，其實呢2個地方好耐之前都去過了，不過，見今朝youtuber介紹買衫，又去睇下，可能我搵到唔細心，同以前一樣，都冇咩特別~沒有收穫。
宝华楼
地址：中國广东省深圳市罗湖区二横街85
西華宮
地址：中國广东省深圳市罗湖区东门步行街
回去接返兩父子，去廚安居睇整蛋糕用品，我以前間中都會來，以前未識淘寶，發現呢到買蛋糕用品實在太平，所以我係會員。
廚安居以前頂樓係買整蛋糕用品，又有位坐又有野飲，其他樓層就買飲食業開店或要補給所需用品，所以我就懶醒一上就最高，但行勻都唔見有就問職員，原來搬左落地下。
嘩！地下果層好熱，仲要少左好多款式，邊睇邊流汗，所以睇左2眼就走了。
我發現成間店都細左，但個外殼冇變到，唔知係裝修或重組，成間舖迫夾左。
廚安居 CAQ
地址：中國广东省深圳市罗湖区湖贝路2163号 (蛇口線湖貝站C出口)
營業時間：0900 - 2000
車程 (1分56秒~CNY2)：國貿(1號線)→老街
我地出發搭地鐵去酒店，可以係連城新天地行去酒店附近，咁就冇咁熱，又可以window shopping。
車程 (11分12秒~CNY3)：老街站 (1號線)→會展中心站
一連3日都係住〝深圳福田香格里拉大酒店〞。
小型衣帽間出面係化妝枱，再行入去就係寢室，張床超大之餘，有書枱、2張櫈、茶几、梳化，餘下空間可以全開5個大喼，仲有位行~正。
今日真係又熱又攰，終於可以休息一下，成個人散晒！
小王子識好嘆！睇住電視食芒果乾。
休息完畢出發去食晚餐，諗住去下一個地鐵站食，但太攰就去左酒店附近怡景中心城開餐。
我揀左小王子鍾意食既吉列豬扒做晚餐，分店有幾間，不過，預早小小去等位，天氣熱室外等位好辛苦，所以叫左兩父子入商場行下，好在都食到好野。
堂本家洋食别馆
地址：福田區福華一路中心城L層1011號 (商場外圍)
營業時間：1130 - 2200
電話：0755-8280-1086
有水準的和食，辛口豬扒（左邊）、里肌豬扒套餐（右邊）
我係一個芝士控，所以知道中心城有老爺爺蛋糕想去買，但又唔想搵，好在等位時老公發現到係邊，食完飯就立即入手一個🍰，不用去日本，都吃到我鍾意嘅芝士蛋糕。
瑞可爷爷的店
地址：怡景中心城B1 (係家乐福斜對面)
營業時間：1000 - 2200 (Mon - Thu)、1000 - 2230 (Fri - Sat)
比日本細心，附送紙碟、叉和刀，袋背面教你儲存和食法。
老爺爺斜對面就係家樂福，又係時候入貨了，平時同阿媽一齊就會包車上落，今次要急手了。
家乐福
地址：怡景中心城B1
營業時間：0900 - 2230
大黃蜂
沒有留言:
發佈留言